Savodxonlik testlari

Imlo boʻyicha bilimlarimni sinayman deganlar kanalda eʼlon qilingan testlar bilan tanishishi va yechishi mumkin.

4-qism

🔹 Sogʻliq, sogʻlik
🔹 Bahiya, bahya, baxya
🔹 Mosuvo, mosivo
🔹 Qaytaga, qaytanga
🔹 Oʻrta maxsus taʼlim, oʻrta-maxsus taʼlim
🔹 Raxna, rahna
🔹 Mehnati singgan, mehnati singan
🔹 Rixlat, rihlat
🔹 Tadqiq, tatqiq
🔹 Mavjudod, mavjudot
🔹 Yangidan, yangitdan
🔹 Sunbul, sumbul
🔹 Ansanbl, ansambl
🔹 Istanbul, Istambul
🔹 Sunbula, sumbula

Oldingi qismlari:
👉 1-qism
👉 2-qism
👉 3-qism

🌐 Sayt 🛜 Telegram ▶️ YouTube

Imloga oid maqolalar

7-qism

🔹 Sulola nomi qanday yoziladi?
🔹 Soʻngi yoki soʻnggi?
🔹 Takror soʻzlar va takrorlangan soʻzlar imlosi
🔹 Takror taqlid soʻzlar va ulardan yasalgan soʻzlar imlosi
🔹 Takror tovushlar imlosi
🔹 Talatoʻpmi yoki talotoʻp?
🔹 Tartib sonlardan soʻng qachon chiziqcha qoʻyish kerak?
🔹 Tatbiq va tadqiq
🔹 Texnik xato va imloviy xatoning farqi nimada?
🔹 Togʻgami yoki toqqa?
🔹 -u, -yu va chiziqcha
🔹 Oʻzbekcha yozing
🔹 Oʻlcham birliklari qanday yoziladi?
🔹 Urushlar nomi qanday yoziladi?
🔹 F. I. O. mi yoki FIO?

Oldingi qismlari:
👉 1-qism
👉 2-qism
👉 3-qism
👉 4-qism
👉 5-qism
👉 6-qism

🌐 Sayt 🛜 Telegram ▶️ YouTube

Dunyoni yoshlar boshqaradi – qariganlarida.

Bernard Shou

🌐 Sayt 🛜 Telegram ▶️ YouTube

Odam maqsadlari kattaygani sari ulgʻayib boradi.

Fridrix Shiller

🌐 Sayt 🛜 Telegram ▶️ YouTube

Turk tiliga qiziquvchilar uchun

Hilol Edu jamoasining turk tiliga oid sahifalari bitta havolaga joylanibdi. Turk tilini oʻrganayotganlarga foydali boʻladi deb oʻylayman:

👉 Kanallarga ulanish

🌐 Sayt 🛜 Telegram ▶️ YouTube

Bittagina yozuvchi bor edi...

Tula guberniyasi Yozuvchilar uyushmasining inqilobdan keyingi yigʻilishida soʻz olgan notiq gʻurur bilan bir maʼlumotga urgʻu beradi:

– Inqilobgacha bizda bittagina yozuvchi bor edi. Hozir ular mingdan ortiq!

Shu payt zaldagilardan biri luqma tashlaydi:

– Oʻsha bittagina yozuvchi kim edi?

Bu safar notiqning ovozidagi salobat birdaniga yoʻqoladi:

– Lev Tolstoy...

👉 Mashhurlar hayotidan

🌐 Sayt 🛜 Telegram ▶️ YouTube

Urfga kirgan nuqsonlar fazilat deb qabul qilina boshlaydi.

Jan Batist Molyer

🌐 Sayt 🛜 Telegram ▶️ YouTube

Oʻrtacha va keraksiz narsalarni koʻp bilgandan kam boʻlsa ham yaxshi va kerakli bilimga ega boʻlgan afzal.

Lev Tolstoy

🌐 Sayt 🛜 Telegram ▶️ YouTube

Har qanday yaxshilik mukofotga loyiqdir

Ustoz Anvar Obidjon bilan matbuot uchun soʻnggi bor 2017-yili suhbatlashgan ekanmiz. Shu yili “Yoshlik” jurnalining 1-sonida bosilgan suhbatda Anvar aka “Ajinasi bor yoʻllar” asari haqida shunday degan ekanlar:

Bu asarda meni borini boricha yozishga undagan asosiy omil kitobxonlarni sirdosh oshnalarim deb tasavvur qilganim boʻlsa, ajabmas. Iloji boʻlganida, yaʼni kitobni ortiqcha semirtirib yuborishdan choʻchimaganimda eng avvalo oʻtgan umrim mobaynida menga xolisona yaxshilik qilgan ming-minglab kishilar toʻgʻrisida birma-bir toʻxtalgan, zigʻirdekkina muruvvat koʻrsatganlarni ham alohida tashakkurlar bilan tilga olib oʻtgan boʻlardim. Koʻlami, ahamiyati nechogʻli ekanidan qatʼi nazar, har qanday yaxshilik mukofotga loyiqdir.

Anvar Obidjonning menga ham xolis yaxshiliklari koʻp teggan. Ustozni Alloh rahmatiga olgan boʻlsin.

🌐 Sayt 🛜 Telegram ▶️ YouTube

Imloga oid maqolalar

8-qism

🔹 Fan nomi qanday yoziladi?
🔹 Faxriy unvonlar nomi qanday yoziladi?
🔹 Xatoyim, xatoim yoki xatom
🔹 Xiyla va hiyla
🔹 Xorijiy joy nomlari imlosi va erkinlik hissi
🔹 Xush va hush
🔹 H tovushli oʻzlashma soʻzlar imlosi
🔹 Haddi va hadi
🔹 Haqqi va haqi
🔹 Halqobmi yoki xalqob?
🔹 Hapriqmoqmi yo hapqirmoq?
🔹 Harorat oraligʻi qanday ifodalanadi?
🔹 Hirs va xirs
🔹 Hisobraqammi yo hisob raqam?
🔹 Hissi va hisi

Oldingi qismlari:
👉 1-qism
👉 2-qism
👉 3-qism
👉 4-qism
👉 5-qism
👉 6-qism
👉 7-qism

🌐 Sayt 🛜 Telegram ▶️ YouTube

Katta it hursa, kichigi ham qoʻshiladi.

Abazin maqoli

🌐 Sayt 🛜 Telegram ▶️ YouTube

Tilga hurmatsizlik oqibati

Ostonadagi Qazaq Coffee qahvaxonasi qozoq tiliga hurmatsizlik koʻrsatgani tufayli kasodga uchrabdi.

Maʼlum qilinishicha, mijoz qahvaxonaning ijtimoiy tarmoq sahifalaridan biriga unga xodimlar qozoq tilidagi menyu taqdim etishdan bosh tortgani haqida izoh qoldirgan. Muassasa vakili esa xodimlar qozoq tilida soʻzlashi shart emasligini aytib javob qoldirgan. Bu esa jamoatchilikda keskin norozilik uygʻotgan va boykot sabab kafe zararga kirib ketgan.

Albatta, bitta ishbilarmonning bankrot boʻlishi quvonarli hodisa emas. Lekin davlat tiliga bunday munosabatning oqibati ham boʻlishi kerak. Bu – boshqalar uchun ibrat.

Qozoq qoʻshnilar tilga munosabatda ancha gʻururli ekan.

🌐 Sayt 🛜 Telegram ▶️ YouTube

OmniChannel – mijozlar bilan koʻp tarmoqli bogʻlanish platformasi

Savol:

Marketingda shunaqa atama bor – OmniChannel Customer Engagement Platform.

Shuni oʻzbekchada Mijozlar bilan bir nechta kanallar orqali oʻzaro aloqalar platformasi deb tarjima qilsak boʻladimi? Omnichannelni odamlar tushunmasligi mumkin.


Javob:

Bu atamaga duch kelmagan ekanman. Internetdan qidirib topdim.

OmniChannel Customer Engagement Platform – mijozlarga bir necha vositalar orqali murojaat qilish imkonini beradigan platforma, dasturiy taʼminot. Bunda elektron pochta, bildirishnoma, chat, SMS, telegram yoki boshqa turli vositalar imkoniyatidan foydalaniladi.

Taklif qilingan tarjima ham yomon emas. Atamani mana bunday variantlarda loʻndaroq oʻgirish mumkin:

OmniChannel Customer Engagement Platform
Mijozlar bilan koʻp tarmoqli bogʻlanish platformasi
Mijozlar bilan bogʻlanishning koʻp tarmoqli platformasi
Mijozlar bilan koʻp tarmoqli aloqa platformasi

OmniChannel
Koʻptarmoqli

🌐 Sayt 🛜 Telegram ▶️ YouTube

Malakali oʻzbek tili oʻqituvchilari ragʻbatlantirilishi kerak

Oʻqituvchilar yaxshi biladi, bu yildan boshlab ona tili va adabiyot fanidan milliy sertifikat olganlarga ustama beriladi. Shu sertifikatga ega oʻzbek tili oʻqituvchilariga esa ustama berilmas ekan.

Biladiganlardan soʻrab-surishtirsam, ustama toʻlanmasligiga ikkisining alohida fan ekani sabab ekan. Xuddi fizika sertifikati bilan matematika uchun ustama olinmasligi kabi.

Toʻgʻri, bu ikkisi – alohida fan. Lekin matematika va fizikaga solishtirish juda oʻrinli emas. Ona tili va oʻzbek tili bir-biriga juda yaqin.

Taklifim:

1️⃣ Sertifikat oʻzbek tili uchun ham qabul qilinsin.

2️⃣ Mabodo sohaviy farqlari koʻp deyilsa, oʻzbek tili faniga mos milliy sertifikat imtihonlari oʻtkazilsin va u ustamaga asos boʻlsin.

Nima boʻlganda ham, malakali oʻzbek tili oʻqituvchilari ragʻbatlantirilishi kerak.

🌐 Sayt 🛜 Telegram ▶️ YouTube