Forwarded from Daryo — LIVE
Ўзбекистонда ишга киришда сўраладиган ҳужжатларнинг кўпи — ортиқча қоғозбозлик
Ўзбекистонда ишга киришда сўраладиган объективка-маълумотномага ўхшаш ҳужжатлар ҳақиқатан ҳам аллақачон умрини ўтаб бўлган. Замонавий дунёда ишга кирмоқчи бўлган номзоддан резюме олинади. Резюмеда шахсий маълумотномадаги каби қариндош-уруғлар кўрсатилмайди. Аслида ҳам ишчининг ўзи кимлиги, малакаси қай даражадалиги муҳим-ку иш берувчи учун — профессорнинг ўғли ёки қизи бўлгани, оиласида кимдир судлангани ходимнинг салоҳиятини кўрсатмайди (судланганлик ҳолати ҳуқуқ-тартибот органлари учун муҳим бўлиши мумкин, улар буни объективкасиз ҳам аниқлаб ола билади).
Бизда урф бўлган объективка-маълумотномаларда сиёсий партияларга аъзолик, миллати кабилар ҳам кўрсатилади. Булар нимага кераклигига ҳайронман. Партияга аъзолик лавозимда ўсишга таъсир қиладиган пайтлар аллақачон ўтган-ку! Бирор партияга ишга кираётган одамдан партиявий мансублигини сўраш ўринлидир. Лекин бошқа ҳолатларда аҳамиятли эмас, менимча. Кишининг миллати ҳам ходимнинг лаёқати ёки иш сифатига таъсир қилмайди.
Амалдаги шахсий маълумотномалар ходимнинг салоҳияти, қобилияти ҳақида етарлича маълумот бера олмайди. Унда қандай ютуқларга эришганингиз, соҳа бўйича қандай ишларни бажарганингиз, қандай лойиҳаларда қатнашганингизни кўрсата олмайсиз. Биргина ишлаган жойларига қараб ходимнинг малакаси ҳақида тўлақонли тасаввур ҳосил қилиб бўлмайди. Номзод ҳатто нуфузли жойда ишлаб ҳам, катта натижаларга эришмаган, етарли билим-тажриба орттирмаган бўлиши мумкин. Шахсий маълумотномани намуна бўйича тайёрлайман десангиз, унда ҳатто телефон рақами ёки электрон манзил ёзадиган жой ҳам йўқ. Чунки у эски замон ҳужжати-да.
Батафсил
@daryo_live
Ўзбекистонда ишга киришда сўраладиган объективка-маълумотномага ўхшаш ҳужжатлар ҳақиқатан ҳам аллақачон умрини ўтаб бўлган. Замонавий дунёда ишга кирмоқчи бўлган номзоддан резюме олинади. Резюмеда шахсий маълумотномадаги каби қариндош-уруғлар кўрсатилмайди. Аслида ҳам ишчининг ўзи кимлиги, малакаси қай даражадалиги муҳим-ку иш берувчи учун — профессорнинг ўғли ёки қизи бўлгани, оиласида кимдир судлангани ходимнинг салоҳиятини кўрсатмайди (судланганлик ҳолати ҳуқуқ-тартибот органлари учун муҳим бўлиши мумкин, улар буни объективкасиз ҳам аниқлаб ола билади).
Бизда урф бўлган объективка-маълумотномаларда сиёсий партияларга аъзолик, миллати кабилар ҳам кўрсатилади. Булар нимага кераклигига ҳайронман. Партияга аъзолик лавозимда ўсишга таъсир қиладиган пайтлар аллақачон ўтган-ку! Бирор партияга ишга кираётган одамдан партиявий мансублигини сўраш ўринлидир. Лекин бошқа ҳолатларда аҳамиятли эмас, менимча. Кишининг миллати ҳам ходимнинг лаёқати ёки иш сифатига таъсир қилмайди.
Амалдаги шахсий маълумотномалар ходимнинг салоҳияти, қобилияти ҳақида етарлича маълумот бера олмайди. Унда қандай ютуқларга эришганингиз, соҳа бўйича қандай ишларни бажарганингиз, қандай лойиҳаларда қатнашганингизни кўрсата олмайсиз. Биргина ишлаган жойларига қараб ходимнинг малакаси ҳақида тўлақонли тасаввур ҳосил қилиб бўлмайди. Номзод ҳатто нуфузли жойда ишлаб ҳам, катта натижаларга эришмаган, етарли билим-тажриба орттирмаган бўлиши мумкин. Шахсий маълумотномани намуна бўйича тайёрлайман десангиз, унда ҳатто телефон рақами ёки электрон манзил ёзадиган жой ҳам йўқ. Чунки у эски замон ҳужжати-да.
Батафсил
@daryo_live
👍2
Erkaklarni seving. Sizning sevgingiz ular uchun juda zarur. Hatto ular buni hech qachon tan olmasalar ham. Har qanday buyuk erkakning ortida unga ishongan va chinakamiga sevgan ayol bor.
Bernard Shou
@oriftolib
Bernard Shou
@oriftolib
Ифтор
Бу сўз арабча рўза тутишни тўхтатди маъносидаги фатара феълидан ясалган. Аслиятда рўза тутишни тўхтатиш, нонушта қилиш маъноларини англатади. Ўзбек тилида қуйидаги маъноларда қўлланади:
1️⃣ Рўза кунлари шом пайтида ўтказиладиган рўзани очиш, оғиз очиш маросими; оғиз очиб овқатланиш.
Ифтор қилмоқ. Ифторга ўтирмоқ.
Тоҳир кекса ота-онаси билан ифтор қилмоқда эди.
П. Қодиров, Юлдузли тунлар.
2️⃣ Ифтор вақтида бериладиган зиёфат, меҳмондорчилик.
Комилжон қариндош-уруғларини йиғиб, ифтор қилиб берди.
@oriftolib
Бу сўз арабча рўза тутишни тўхтатди маъносидаги фатара феълидан ясалган. Аслиятда рўза тутишни тўхтатиш, нонушта қилиш маъноларини англатади. Ўзбек тилида қуйидаги маъноларда қўлланади:
1️⃣ Рўза кунлари шом пайтида ўтказиладиган рўзани очиш, оғиз очиш маросими; оғиз очиб овқатланиш.
Ифтор қилмоқ. Ифторга ўтирмоқ.
Тоҳир кекса ота-онаси билан ифтор қилмоқда эди.
П. Қодиров, Юлдузли тунлар.
2️⃣ Ифтор вақтида бериладиган зиёфат, меҳмондорчилик.
Комилжон қариндош-уруғларини йиғиб, ифтор қилиб берди.
@oriftolib
Расул Ҳамзатов
***
Хотинига атаб шеър ёзар шоир:
“Сен менинг чироғим, юлдузим, шуълам.
Сен ёнимда бўлсанг, ҳаёт шириндир,
Йўқ бўлсанг, дилимга тўлар аччиқ ғам”.
Мана, остонада бўлади ҳозир
Шеърда мадҳ этилган юлдуз – парирўй.
“Эҳ, яна сенмисан, – қичқирар шоир, –
Худо ҳаққи, бирпас ишлагани қўй!”
Ориф Толиб
таржимаси
@oriftolib
***
Хотинига атаб шеър ёзар шоир:
“Сен менинг чироғим, юлдузим, шуълам.
Сен ёнимда бўлсанг, ҳаёт шириндир,
Йўқ бўлсанг, дилимга тўлар аччиқ ғам”.
Мана, остонада бўлади ҳозир
Шеърда мадҳ этилган юлдуз – парирўй.
“Эҳ, яна сенмисан, – қичқирар шоир, –
Худо ҳаққи, бирпас ишлагани қўй!”
Ориф Толиб
таржимаси
@oriftolib
👍3
Менинг оғриғим кимнингдир кулгисига сабаб бўлиши мумкин, лекин менинг кулгим кимнингдир оғриғига сабаб бўлмаслиги керак.
Чарли Чаплин
@oriftolib
Чарли Чаплин
@oriftolib
🔥5
👍1
Зуғум ва зўғим
Зуғум аслан ўзбекча сўз. Қаҳр-ғазаб; дўқ-пўписа, дағдаға; зулм каби маъноларни англатади:
Ҳусайн Муродбек юксак рутбани эгаллаб турса-да, бир қадар инсофли, раиятга кўпда зуғум қилавермасди.
С. Сиёев, Аваз.
Лутфинисанинг Қутбинисага ўша вақтда қилган зуғумлари ҳали ҳам унинг ёдидан чиққан эмас.
Мирмуҳсин, Жамила.
Бу сўзнинг зўғим варианти ҳам бор. У луғатларга кирган, шу шаклда қўллаш ҳам мумкин.
📌 Демак:
Зуғум, зўғим ✅
@oriftolib
Зуғум аслан ўзбекча сўз. Қаҳр-ғазаб; дўқ-пўписа, дағдаға; зулм каби маъноларни англатади:
Ҳусайн Муродбек юксак рутбани эгаллаб турса-да, бир қадар инсофли, раиятга кўпда зуғум қилавермасди.
С. Сиёев, Аваз.
Лутфинисанинг Қутбинисага ўша вақтда қилган зуғумлари ҳали ҳам унинг ёдидан чиққан эмас.
Мирмуҳсин, Жамила.
Бу сўзнинг зўғим варианти ҳам бор. У луғатларга кирган, шу шаклда қўллаш ҳам мумкин.
📌 Демак:
Зуғум, зўғим ✅
@oriftolib
Қай бири тўғри?
Anonymous Quiz
53%
Ҳою ҳавас | Hoyu havas
23%
Ҳои ҳавас | Hoyi havas
24%
Иккови ҳам тўғри.
“Barra” nima degani?
Barra soʻzini “svejiy” soʻzi tarjimasi sifatida koʻp taklif etishadi. Lekin soʻzning maʼnolari hamisha ham bunga mos kelavermaydi. Faqat bir holatdagina svejiyga yaqinroq maʼno ifodalashi mumkin.
Oldin barraning oʻzbekchadagi maʼnolarini koʻrib chiqamiz. Bu soʻz forschadan olingan, asliyatda qoʻzichoq; ohu bolasi maʼnolarini bildiradi. Tilimizda quyidagi anglamlarda qoʻllanadi:
1️⃣ Yangi tugʻilgan qoʻzichoq.
2️⃣ Yangi tugʻilgan qoʻzining goʻshti.
3️⃣ Qoʻzichoqning jingalak junli terisi; qorakoʻl.
4️⃣ Koʻchma maʼnoda: yangi unib, oʻsib chiqqan, yosh, mayin; dirkillama.
📌 Demak, faqat toʻrtinchi, yaʼni koʻchma maʼnosidagina bu soʻz svejiyga yaqinroq keladi. Biroq yangi keltirilgan mahsulotlarning hammasi ham yangi unib chiqqan yoki dirkillama boʻlmaydi. Bu maʼnoda faqat koʻkatlarga nisbatan ishlatilishi mumkin.
Masalan, barra goʻshti yangi keltirilgan goʻsht emas, u yangi tugʻilgan qoʻzichoqning goʻshti. Bu birikmani barra goʻsht tarzida ishlatish xato, chunki bu yerda barra sifatlovchi emas, u qoʻzichoqni bildiradi.
Barra kabob birikmasida esa sifatlovchi, u kabobning qandayligini anglatyapti. Bu oʻrinda ham barra soʻzi yangi goʻshtdan tayyorlangan maʼnosida emas, qoʻzichoq goʻshtidan tayyorlanganlikni ifodalaydi.
Oʻzbekcha-ruscha lugʻatga bir nazar tashlasangiz, rus tili bu soʻzni tarjima qilishda ancha qiynalganini koʻrasiz. Barra koʻp holatda ikki soʻz yordamida oʻgirilgan. Oʻsha gap: har bir tilning oʻziga xos ustunlik va imkonsizliklari boʻladi. Hatto manaman degan dunyo tillari ham bundan mustasno emas.
👉 Toʻliq oʻqish
🔄 Mavzuga aloqador:
👉 “Svejiy” soʻzining tarjimasi nima?
👉 Kalka va kalkalash
👉 Ifoda tarzi oʻzbekcha boʻlsin
👉 -lar qoʻshimchasini qoʻllashdagi xatolar
@oriftolib
Barra soʻzini “svejiy” soʻzi tarjimasi sifatida koʻp taklif etishadi. Lekin soʻzning maʼnolari hamisha ham bunga mos kelavermaydi. Faqat bir holatdagina svejiyga yaqinroq maʼno ifodalashi mumkin.
Oldin barraning oʻzbekchadagi maʼnolarini koʻrib chiqamiz. Bu soʻz forschadan olingan, asliyatda qoʻzichoq; ohu bolasi maʼnolarini bildiradi. Tilimizda quyidagi anglamlarda qoʻllanadi:
1️⃣ Yangi tugʻilgan qoʻzichoq.
2️⃣ Yangi tugʻilgan qoʻzining goʻshti.
3️⃣ Qoʻzichoqning jingalak junli terisi; qorakoʻl.
4️⃣ Koʻchma maʼnoda: yangi unib, oʻsib chiqqan, yosh, mayin; dirkillama.
📌 Demak, faqat toʻrtinchi, yaʼni koʻchma maʼnosidagina bu soʻz svejiyga yaqinroq keladi. Biroq yangi keltirilgan mahsulotlarning hammasi ham yangi unib chiqqan yoki dirkillama boʻlmaydi. Bu maʼnoda faqat koʻkatlarga nisbatan ishlatilishi mumkin.
Masalan, barra goʻshti yangi keltirilgan goʻsht emas, u yangi tugʻilgan qoʻzichoqning goʻshti. Bu birikmani barra goʻsht tarzida ishlatish xato, chunki bu yerda barra sifatlovchi emas, u qoʻzichoqni bildiradi.
Barra kabob birikmasida esa sifatlovchi, u kabobning qandayligini anglatyapti. Bu oʻrinda ham barra soʻzi yangi goʻshtdan tayyorlangan maʼnosida emas, qoʻzichoq goʻshtidan tayyorlanganlikni ifodalaydi.
Oʻzbekcha-ruscha lugʻatga bir nazar tashlasangiz, rus tili bu soʻzni tarjima qilishda ancha qiynalganini koʻrasiz. Barra koʻp holatda ikki soʻz yordamida oʻgirilgan. Oʻsha gap: har bir tilning oʻziga xos ustunlik va imkonsizliklari boʻladi. Hatto manaman degan dunyo tillari ham bundan mustasno emas.
👉 Toʻliq oʻqish
🔄 Mavzuga aloqador:
👉 “Svejiy” soʻzining tarjimasi nima?
👉 Kalka va kalkalash
👉 Ifoda tarzi oʻzbekcha boʻlsin
👉 -lar qoʻshimchasini qoʻllashdagi xatolar
@oriftolib
👍1
Саводхонлик тестлари
Биласиз, саҳифада имло бўйича сўровномалар бериб бораман. Саводхонлик бўйича билимларимни синайман деганлар учун шу сўровномаларни йиғиб чиқдим. Қизиққанлар олдинги тестлар билан ҳам танишиши мумкин.
🔹 Лотерея, лоторея, латарея, лотарея
🔹 Жонига оро кирмоқ, жонига ора кирмоқ
🔹 Шоҳрух, Шоҳруҳ, Шохрух
🔹 Бекинмачоқ, беркинмачоқ
🔹 Усти-бош, уст-бош, устбош
🔹 Совурмоқ, совирмоқ
🔹 Мовароуннаҳр, Моварауннаҳр, Маварауннаҳр
🔹 Айирбошлаш, айрибошлаш
🔹 Қувайт, Кувайт
🔹 Жунбиш, жунбуш, жумбуш
👉 Тестларнинг тўлиқ рўйхати
@oriftolib
Биласиз, саҳифада имло бўйича сўровномалар бериб бораман. Саводхонлик бўйича билимларимни синайман деганлар учун шу сўровномаларни йиғиб чиқдим. Қизиққанлар олдинги тестлар билан ҳам танишиши мумкин.
🔹 Лотерея, лоторея, латарея, лотарея
🔹 Жонига оро кирмоқ, жонига ора кирмоқ
🔹 Шоҳрух, Шоҳруҳ, Шохрух
🔹 Бекинмачоқ, беркинмачоқ
🔹 Усти-бош, уст-бош, устбош
🔹 Совурмоқ, совирмоқ
🔹 Мовароуннаҳр, Моварауннаҳр, Маварауннаҳр
🔹 Айирбошлаш, айрибошлаш
🔹 Қувайт, Кувайт
🔹 Жунбиш, жунбуш, жумбуш
👉 Тестларнинг тўлиқ рўйхати
@oriftolib
👍1
Кимга армон, кимга...
Узоқ йиллар ўтиб синфдош дугоналар учрашиб қолди. Бир-бирларига ўз ҳаётлари, туриш-турмушлари ҳақида сўзлай кетишди. Дугоналардан бири сўради:
– Отанг билан онанг яхши юришибдими? Соғликлари яхшими?
– Улар оламдан ўтган. Бир йил бўлди. Иккалалариям деярли бир пайтда ўлди. Бировга айтолмайман, лекин сенга айтаман, жонимдан ўтиб кетганди. Иккаловиям тўшакка михланиб қолганди. Худди чақалоқ боққандай бўлдим: ҳар куни тагликларини алмаштирдим, овқатлантириб қўйдим, ҳамма инжиқликларига чидадим. Ҳатто эслагим ҳам келмайди!
Иккинчи дугона биринчисининг барча ҳасрату шикоятларини тинглади. Сўнг оғир хўрсинди-да, деди:
– Нақадар бахтлисан-а, дугонажон. Менинг ота-онам узоқ йиллар олдин дунёдан кўз юмган. Сен ота-онанг олдидаги бурчингни оз бўлса-да ўтабсан. Мен эса йўқ. Ота-онам ҳаёт бўлишини, уларнинг хизматларини қилишни жуда-жуда истардим. Аммо, афсус, бунинг имкони йўқ...
@oriftolib
Узоқ йиллар ўтиб синфдош дугоналар учрашиб қолди. Бир-бирларига ўз ҳаётлари, туриш-турмушлари ҳақида сўзлай кетишди. Дугоналардан бири сўради:
– Отанг билан онанг яхши юришибдими? Соғликлари яхшими?
– Улар оламдан ўтган. Бир йил бўлди. Иккалалариям деярли бир пайтда ўлди. Бировга айтолмайман, лекин сенга айтаман, жонимдан ўтиб кетганди. Иккаловиям тўшакка михланиб қолганди. Худди чақалоқ боққандай бўлдим: ҳар куни тагликларини алмаштирдим, овқатлантириб қўйдим, ҳамма инжиқликларига чидадим. Ҳатто эслагим ҳам келмайди!
Иккинчи дугона биринчисининг барча ҳасрату шикоятларини тинглади. Сўнг оғир хўрсинди-да, деди:
– Нақадар бахтлисан-а, дугонажон. Менинг ота-онам узоқ йиллар олдин дунёдан кўз юмган. Сен ота-онанг олдидаги бурчингни оз бўлса-да ўтабсан. Мен эса йўқ. Ота-онам ҳаёт бўлишини, уларнинг хизматларини қилишни жуда-жуда истардим. Аммо, афсус, бунинг имкони йўқ...
@oriftolib
👍1
Haqiqiy yolgʻizlik – tun boʻyi oʻzingiz bilan oʻzingiz gaplashganingizda sizni hech kim tushunmasligidir.
Mixail Jvanetskiy
@oriftolib
Mixail Jvanetskiy
@oriftolib
Саъй-ҳаракат: саъй нима?
Бу жуфт сўзни тез-тез ишлатиб турамиз. Унинг таркибидаги саъй сўзи нимани англатади?
Саъй сўзи араб тилидан олинган, аслиятда ҳаж зиёрати чоғида Сафо ва Марва тепаликлари ўртасида юриш; интилиш, иштиёқ; уриниш, ҳаракат; ҳафсала каби маъноларни билдиради.
Ўзбек тилида саъй сўзини ҳаракат маъносида қўллаш ҳозир эскирган.
Саъй этмоқ (ёки қилмоқ) ибораси астойдил ҳаракат қилмоқ; тиришмоқ маъноларида қўлланади:
Аҳмад кўп ёмон ишларни саъй этиб, охири сабр косамизни тўлдирди.
Мирмуҳсин, Меъмор.
Саъй қилмоқ ибораси ҳаждаги амални бажариш маъносида ҳам ишлатилади:
Тавофдан кейин саъй қилиш вожиб.
Саъй-ҳаракат жуфт сўзи таркибида саъйнинг ҳаракат маъноси бор, лекин бирикма таркибида, бир бутун ҳолатдагина шундай маъно касб этади. Ушбу жуфт сўз астойдил ҳаракат; уриниш мазмунига эга:
Бошда бундай саъй-ҳаракатлар Авазга табиийдек туюлди.
С. Сиёев, Ёруғлик.
📌 Демак:
Саъй-ҳаракат ✅
Сай-ҳаракат, сайъ-ҳаракат, саъйи ҳаракат ❌
@oriftolib
Бу жуфт сўзни тез-тез ишлатиб турамиз. Унинг таркибидаги саъй сўзи нимани англатади?
Саъй сўзи араб тилидан олинган, аслиятда ҳаж зиёрати чоғида Сафо ва Марва тепаликлари ўртасида юриш; интилиш, иштиёқ; уриниш, ҳаракат; ҳафсала каби маъноларни билдиради.
Ўзбек тилида саъй сўзини ҳаракат маъносида қўллаш ҳозир эскирган.
Саъй этмоқ (ёки қилмоқ) ибораси астойдил ҳаракат қилмоқ; тиришмоқ маъноларида қўлланади:
Аҳмад кўп ёмон ишларни саъй этиб, охири сабр косамизни тўлдирди.
Мирмуҳсин, Меъмор.
Саъй қилмоқ ибораси ҳаждаги амални бажариш маъносида ҳам ишлатилади:
Тавофдан кейин саъй қилиш вожиб.
Саъй-ҳаракат жуфт сўзи таркибида саъйнинг ҳаракат маъноси бор, лекин бирикма таркибида, бир бутун ҳолатдагина шундай маъно касб этади. Ушбу жуфт сўз астойдил ҳаракат; уриниш мазмунига эга:
Бошда бундай саъй-ҳаракатлар Авазга табиийдек туюлди.
С. Сиёев, Ёруғлик.
📌 Демак:
Саъй-ҳаракат ✅
Сай-ҳаракат, сайъ-ҳаракат, саъйи ҳаракат ❌
@oriftolib
Одамнинг одамдан фарқи
Бувайда туманидаги 2-мактабининг 9-“Д” синф ўқувчиси Шуҳратжон Янгиeв вояга етмаган қизни каналдан қутқариб, унинг ҳаёти сақлаб қолинишига сабаб бўлибди.
Маълум бўлишича, Бувайда туманида аёл рашк туфайли, ўч олиш мақсадида олдиндан режалаштириб, ўзининг турмуш ўртоғи билан шаръий никоҳ асосида яшаб келаётган М. Ж. нинг 2012 йилда туғилган вояга етмаган қизи Ф. Ф. ни алдаб, Маслаҳат қишлоғи ҳудудидан ўтган Ойимтарра канали яқинига олиб келиб, уни қасддан ўлдириш ниятида номаълум жисм билан бош соҳасига уриб, каналга ташлаб юборади.
Мудҳиш воқеа шоҳиди бўлган мактаб ўқувчиси қизнинг ҳаётини сақлаб қолади.
Жасоратли ўқувчи Шуҳратжон Янгиевга мардона ҳаракатлари учун Фарғона вилоят прокурори ва вилоят ИИБ бошлиғининг буйруғи билан ташаккурнома эълон қилинди, эсдалик совғалари топширилди.
Одамзод ҳар хил. Бирови норасида бир гўдакни ўлдиришга қасд қилади, бошқа бири эса жонини хатарга қўйиб, уни қутқаради. Хабарни ўқиб, кўзимга ёш келди.
Муборак Рамазон кунлари шу йигитнинг ҳаққига дуо қилиб қўйинг.
@oriftolib
Бувайда туманидаги 2-мактабининг 9-“Д” синф ўқувчиси Шуҳратжон Янгиeв вояга етмаган қизни каналдан қутқариб, унинг ҳаёти сақлаб қолинишига сабаб бўлибди.
Маълум бўлишича, Бувайда туманида аёл рашк туфайли, ўч олиш мақсадида олдиндан режалаштириб, ўзининг турмуш ўртоғи билан шаръий никоҳ асосида яшаб келаётган М. Ж. нинг 2012 йилда туғилган вояга етмаган қизи Ф. Ф. ни алдаб, Маслаҳат қишлоғи ҳудудидан ўтган Ойимтарра канали яқинига олиб келиб, уни қасддан ўлдириш ниятида номаълум жисм билан бош соҳасига уриб, каналга ташлаб юборади.
Мудҳиш воқеа шоҳиди бўлган мактаб ўқувчиси қизнинг ҳаётини сақлаб қолади.
Жасоратли ўқувчи Шуҳратжон Янгиевга мардона ҳаракатлари учун Фарғона вилоят прокурори ва вилоят ИИБ бошлиғининг буйруғи билан ташаккурнома эълон қилинди, эсдалик совғалари топширилди.
Одамзод ҳар хил. Бирови норасида бир гўдакни ўлдиришга қасд қилади, бошқа бири эса жонини хатарга қўйиб, уни қутқаради. Хабарни ўқиб, кўзимга ёш келди.
Муборак Рамазон кунлари шу йигитнинг ҳаққига дуо қилиб қўйинг.
@oriftolib
👍2
Жаҳон адабиётидан қайси асарлар нашр этилиши керак?
Жаҳон адабиёти бўйича кичик хулоса ясаш учун фикрларинг керак. Мактаб, лицей ва коллеж ўқувчилари, олий ўқув юрти талабалари ўқиши шарт бўлган, лекин топилмаётган китоблар борми? Қайсиларини қайта нашр этиш керак?
Янги асарлардан-чи? Қайси бадиий китобларни ўзбек тилига ўгириш зарур деб ҳисоблайсиз? Хорижий тилда ўзингиз ўқиган, лекин ўзбекча таржимаси йўқ яхши асарларни ҳам айтаверинг.
Фикрларни изоҳларда қолдиришингиз мумкин.
@oriftolib
Жаҳон адабиёти бўйича кичик хулоса ясаш учун фикрларинг керак. Мактаб, лицей ва коллеж ўқувчилари, олий ўқув юрти талабалари ўқиши шарт бўлган, лекин топилмаётган китоблар борми? Қайсиларини қайта нашр этиш керак?
Янги асарлардан-чи? Қайси бадиий китобларни ўзбек тилига ўгириш зарур деб ҳисоблайсиз? Хорижий тилда ўзингиз ўқиган, лекин ўзбекча таржимаси йўқ яхши асарларни ҳам айтаверинг.
Фикрларни изоҳларда қолдиришингиз мумкин.
@oriftolib