#ochiq_muloqot

“Eltamg‘ali” MFY ahli bilan ochiq muloqot

Oqqo‘rg‘on tuman hokimi Alisher Karimdjanov “Eltamg‘ali” MFY faollari bilan mahalla obodligi, aholi farovonligi uchun qilinajak chora-tadbirlar muhokamasi yuzasidan uchrashdi.

Muloqotda joriy yil “Obod qishloq” dasturiga tushgan ushbu mahallada amalga oshirilishi lozim bo‘lgan vazifalarni to‘la-to‘kis bajarish borasidagi chora-tadbirlar rejalarining borishiga to‘xtalib o‘tildi. Amalga oshirilayotgan ishlarni mahalla ahlidan tarkib topgan “jamoatchilik nazorat guruhi” muntazam kuzatib borib, loyihada kamchilik aniqlangan taqdirda zudlik bilan bartaraf etish choralari ko‘rilishi ta’kidlandi.

Shuningdek, mahalladagi kam ta’minlangan oilalarga yordam qilish, ishsizlarni doimiy ish bilan ta’minlash choralarini ko‘rish, tumanimizga berilgan imtiyoz va imkoniyatlardan unumli foydalangan holda tadbirkorlar safini ko‘paytirish yuzasidan ochiq suhbatlashib olindi.

#IIB_shonli_31_yilligi

Ichki ishlar organlari tashkil etilganligining 31 yilligi hamda 25 oktyabr – Ichki ishlar organlari kuni munosabati bilan tumanimiz markazidagi "Laylo" shodiyonalar maskanida bayram tadbiri bolib otdi.

Tadbirda tuman hokimi Alisher Karimjonov mashaqqatli, zahmatli va sharafli kasb egalari bolmish ichki ishlar xodimlarini profesional kasb bayramlari bilan qutlab, sohada muvaffaqiyatli mehnat qilayotgan hamda mehnat faxriylarining bir guruhini tuman hokimligining faxriy yorliqlari hamda estalik sovgalari bilan taqdirladi.