#jarayon
#inson_qadri_uchun

Anomal sovuq xalqimizni yana bir o‘ziga xos qadriyatlarini namoyon qildi. Qariyalar, yakka yolg‘iz yashayotganlar, ijtimoiy ko‘makka muhtojlar holidan xabar olinyapti. Xususan, tuman hokimi o‘rinbosari, Oila va xotin-qizlar bo‘limi boshlig‘i G.Abdunazimova hamda tuman IIB xotin-qizlar masalalari bo‘yicha katta inspektori, mayor D.Fayzullayeva birinchi sektor hududidagi mahallalarda yolg‘iz yashayotgan ayollar holidan xabar olib, ularning muammolari o‘rganildi.

#jarayon
#inson_qadri_uchun

Anomal sovuq kunlarda, gaz bosimi kamaygan yoki tabiiy gaz etib bormagan hududlarga tuman hokimi A.Karimdjanov tashabbusi bilan tizimli ko‘mir mahsulotlari etkazib berilmoqda. Jumladan, kecha “Qo‘rg‘ontepa” MFY Baxmal qishlog‘iga 11 tonna ko‘mir etkazildi. Bugun esa tumanimizning ya bir chekka hududi “Navbahor” mahallasi aholisiga 12 tonna ko‘mir tarqatilayapti.

#Jarayon

✅ Оqqorgon tumani Favqulodda vaziyatlar bo‘limi xodimlari tomonidan Tibbiyot birlashmasiga  qarashli bolimlarda kuz-qish mavsumiga tayyorgarlik holatlari o‘rganilib, o‘rganishlar mobaynida  qozonxonalarning sozligi ko‘zdan kechirildi.

Shuningdek, o‘rganish mobaynida qozonxonalarning suv aylanish tizimini muzlab qolishini oldini olish, qozonxonalarni doimiy suv va gaz bosimlarini nazorat qilib borishlari va o‘t yoquvchilarga texnika xavfsizligi qoidalariga rioya qilishlari bo‘yicha tushuntirish ishlari olib borildi.

Qish hukmronligini o‘tkazib turgan ushbu sinovli kunlarda aholi uchun munosib sharoit yaratish har qachongidan muhim.
Shu maqsadda Bosh prokuror o‘rinbosari Sh.Aminov, Ichki ishlar vazirligi Huquqbuzarliklar profilaktikasi bosh boshqarmasi boshlig‘i B.Berdialiyev Oqqo‘rg‘on tuman hokimi A.Karimdjanov va boshqa sektor rahbarlari tumandagi ijtimoiy obyektlarning qishki shart-sharoitlari bilan tanishdilar.

Xususan, dehqon bozoridagi oziq-ovqat yarmarkasi, undagi mahsulotlarning sifati saqlanishi va narx-navosi nazorat qilindi. Sotuvchilarga sun’iy narx oshirish holatlariga yo‘l qo‘ymaslik haqida tushuntirishlar berildi.

Tuman tibbiyot birlashmasida esa isitish tizimining holati, bemorlarga yaratilgan shart-sharoitlar, qozonxonalar texnik imkoniyatlari, favqulodda holatlarga tayyorligi o‘rganilib, mutasaddilarga tegishli ko‘rsatmalar berildi.

#jarayon
#inson_qadri_uchun

Oqqo‘rg‘on tumani DSI tomonidan tumandagi barcha hududdagi mahallalarda arzonlashtirilgan ko‘chma savdo yarmarkalari tashkil etilmoqda.

Bugun ham belgilangan tartibda barcha mahalla markazlarida ko‘chma savdo yarmarkalari tashkillashtirildi. Yarmarkalarda sifatli un va yog‘, go‘sht, poliz mahsulotlari, guruch va shu kabi yigirmadan ortiq oziq-ovqat mahsulotlari aholiga arzon narxlarda sotilmoqda.
Ta’kidlash kerakki, ayni sovuq kunlarda tashkil etilayotgan bu kabi ko‘chma savdo yarmarkalari fuqarolarimizga yengillik bo‘lmoqda. Bu kabi ko‘chma savdo yarmarkalari belgilagan tartibda hududlarda davom ettiriladi.