#очиқ_мулоқот
#фуқаролар_қабули

Бугун Оққўрғон туман ҳокими Алишер Каримджанов навбатдаги фуқаролар қабулини ўтказди

📌 Туман ҳокими бошчилигида ўтказилган фуқаролар қабулида сектор раҳбарлари, туман Адлия бўлими, ҳоким ўринбосарлари, корхона ва ташкилот раҳбарлари аҳолини тинглади.

⚡️Қабул давомида фуқаролар томонидан моддий ёрдам, тадбиркорлик фаолиятини йўлга қўйиш учун кредит олиш, бола пули, ичимлик суви, газ ва электр билан таъминлаш, уй-жой каби турли масалаларда мурожаатлар йўлланди.

✅ Мурожаатларнинг айримлари жойда ҳал этилиб, қолганлари ижобий ечим топиш юзасидан назоратга олинди.

Оққўрғон туман ҳокимлиги Ахборот хизмати

👉каналга қўшилиш:👇
@oqqorgon_hokimligi

#Оққўрғон_тумани
#Тараққиёт_cтратегияси

Бугун тумандаги "Ишга марҳамат" мономарказида "Янги Ўзбекистоннинг тараққиёт стратегиясида белгиланган мақсад ва устувор вазифалар" мавзусида маънавий тарғибот тадбири ўтказилди.

Тадбирда туман ҳокимининг ўринбосари Ж.Джаникулов, Давлат тили ишлари бўйича туман ҳокими маслаҳатчиси О.Мамаюсупов, "Маърифат" тарғиботчилар жамияти аъзоси З.Боймирзаев, Республика Маънавият ва маърифат маркази туман бўлинмаси бош мутахассиси М.Халикова, "Ишга марҳамат" мономаркази директори Г.Умарова ҳамда марказ устозлари ва кенг жамоат вакиллари иштирок этди.

Тадбирда жаҳон миқёсидаги мураккаб жараёнларни ва юртимиз босиб ўтган тараққиёт натижаларини чуқур таҳлил қилиб, сўнгги йилларда “Ҳаракатлар стратегиясидан – Тараққиёт стратегияси сари” тамойили асосида халқимиз фаровонлигини янада ошириш, тадбиркорликни ривожлантириш, инсон ҳуқуқ ва манфаатларини сўзсиз таъминлаш ҳамда фаол фуқаролик жамиятини шакллантиришга қаратилган устувор йўналишлар юзасидан таҳлилий маърузалар қилинди.

#маърифат_соати

Маънавият, маърифат ҳақида сўз борса, ҳалигача айримлар "қоғозий" сўзларингни қўй, деб энса қотиради.

Бугун маънавият соати берган сабоқ болалигимдан мириқиб томоша қиладиган бир фильмни ёдимга солди.

Ўша фильм тушликка кетаётган ишчи-хизматчилар, стол тенниси ўйнаётган ходимлар сюджети билан бошланиб, худди шу картина асосида якунланарди.

Бугун АТ "Халқ банки" туман филлиали ходималари тушлик вақтидаги бўш вақтларида "ақл гимнастикаси", "билим меҳвари"ни чархловчи шахмат, шашка ўйнашлари, ҳатто мусобақалашишгача борганига гувоҳ бўлдик.

Мусобақада ҳатто филлиал раҳбари ҳам дона сурди.
Мусобақа якунида ғолиблар сафида раҳбар йўқлиги эса унинг шаффоф ва одилона ўтганидан далолат. Туман маҳалла хайрия жамғармасидан назоратчи ҳакам чақирилганидан ҳам мусобақага бўлган эътиборни кўриш мумкин. Аҳамиятлиси, банк ходималари талабгор ташкилотларни ҳам очиқ мусобақага чорлашди.

Айтганча, банкда маънавият хонаси ҳам талаб даражада жиҳозлангани ҳамда ишчилар билан гавжумлиги янада қувонарлидир.

#спорт

Бугун Оққўрғон БЎСМ спорт залида ёш боксчилар мусобақаси бўлиб ўтди.

Мусобақада боксчилар олти вазн тоифасида иштирок этди. Қизғин ва муросасиз ўтган беллашув ғолибларини Спортни ривожлантириш ва БЎСМ ташкилотчилари томонидан муносиб рағбатлантирилди.

Бу каби мусобақалар юртимиз байроғи, шарафини ҳалқаро спорт мусобақалари иштирокчиларини аниқлаш, саралаш имконини беради.

Оққўрғон туман ҳокимлиги Ахборот хизмати

👉каналга қўшилиш:👇
@oqqorgon_hokimligi