#dolzarb
#Ekstremizm_va_terrorizmga_qarshi_kurash_borasida_qabul_qilingan_hujjatlarning_ahamiyati

Bugungi kunda ijtimoiy-ma’naviy muhitni va aholi turmush sharoitini yaxshilash, yoshlarni turli diniy ekstremistik oqimlar ta’siridan asrash masalasi barcha davlatlar uchun asosiy vazifa bо‘lib turibdi.

Mamlakatimizda ekstremizm, radikalizm va xalqaro terrorizmning kuchayishini oldini olish bо‘yicha bir qator kompleks chora-tadbirlar, shuningdek, “Ekstremizmga qarshi kurashish tо‘g‘risida”gi, “Vijdon erkinligi va diniy tashkilotlar tо‘g‘risida”gi, “Terrorizmga qarshi kurash tо‘g‘risida”gi Qonunlar ishlab chiqilgan bо‘lib, mazkur qarorlarning qabul qilinishi, eng avvalo, shaxs, jamiyat va davlatning xavfsizligini ta’minlashga, konstitusiyaviy tuzumni hamda davlatning hududiy yaxlitligini muhofaza etish, fuqarolarning tinchligi, millatlararo va konfessiyalararo totuvlikni saqlashga xizmat qiladi. Shu bilan birga, aholining huquqiy ongi hamda huquqiy madaniyatini yuksaltirish, ekstremistik harakatlarning о‘z vaqtida oldini olish, aniqlash va ularga chek qо‘yishga, shuningdek, javobgarlikning muqarrarligi prinsipini ta’minlash hamda umume’tirof etilgan xalqaro normalar va standartlarni amalga oshirishga kо‘maklashadi.

Shuningdek, mazkur hujjatlarda ekstremizm hamda terrorizmga qarshi kurashish borasidagi profilaktik tadbirlarining ahamiyati oshirilmoqda.

Ayniqsa, yot g‘oyalar, hozirgi zamon tahdidlariga qarshi samarali kurashishni tashkil etish, yoshlarni din niqobidagi mafkuraviy xavflardan saqlash va boshqa dolzarb masalalarning huquqiy tartibga solinishi uning nechog‘li dolzarbligini tasdiqlaydi.

Yoshlar о‘rtasida ekstremizm bilan bog‘liq muammolar о‘zining salbiy oqibatlarini keltirib chiqarayotganligi har birimizdan hushyorlikni talab qiladi. Ayniqsa, о‘quv muassassalari, mahalla fuqarolar yig‘inlari, korxona va tashkilotlarda yoshlarni dunyoviylik, vatanparvarlik ruhida tarbiyalashga qaratilgan amaliy chora-tadbirlar va ma’naviy-ma’rifiy ishlarning ta’sirchanligini oshirish har bir mutasaddi rahbardan katta mas’uliyat talab etadi.

О‘zbekiston azaldan turli millatga mansub, turli dinlarga e’tiqod qiluvchi xalqlar tinch-totuv yashagan о‘lka bо‘lib kelgan. Ajdodlarimiz vatan taraqqiyoti yо‘lida yelkadosh bо‘lib mehnat qilgani tarixiy manbalarda ham kо‘p qayd etilgan.

Shunday ekan, yurtimizda hukm surayotgan tinch va osuda hayotni asrash, uning mustaqilligi va barqarorligiga munosib hissamizni qо‘shish – har birimizning, shu aziz Vatanda yashayotgan barcha fuqarolarning, davlat yoki jamoat tashkilotida ishlashi, tadbirkor yoki boshqa kasb egasi bо‘lishidan qat’iy nazar, eng asosiy vazifalaridan bо‘lib qolmog‘i lozim.

✍🏻Respublika Ma’naviyat va ma’rifat markazi tuman bо‘linmasi