#Кимё_ва_биология
#Олимпиада

✅Оққўрғон тумани халқ таълими бўлимига қарашли 6-сонли умумий ўрта таълим мактабида Ўзбекистон Республикаси Президентининг 2020-йил 12-августдаги "Кимё ва биология йўналишларида узлуксиз таълим сифатини ва илм-фан натижадорлигини ошириш чора-тадбирлари тўғрисида"ги ПҚ-4805-сонли қарори ижросини таъминлаш мақсадида 11-синф ўқувчилари ўртасида кимё ва биология фани бўйича олимпиаданинг туман босқичи ўтказилди.

Олимпиадани Чирчиқ давлат педагогика институти биология кафедраси мудири, биология фанлари доктори Файзиев Воҳид Бахрамович очиб берди ва ўқувчи ёшларга яхши тилаклар билдирди.

В.Файзиев сўзида ушбу олимпиаданинг вилоят босқичида 1-2-3 ўринларни эгаллаган ўқувчилар олий таълим муассасасига кимё ва биология фани йўналишига имтиҳонсиз ўқишга қабул қилиниши ҳақида айтиб ўтди.

📚Олимпиаданинг якуний натижаларига кўра,

Кимё фанидан
🥇 4-мактаб
🥈49-мактаб
🥉19-мактаб

Биология фанлари
🥇16-мактаб
🥈49-мактаб
🥉8-мактаб ўқувчилари ғолиб бўлди.

#кун_тарихи

Бугун "Маданият ва санъат ходимлари куни". Барча тизим аъзоларига касб байрамлари муборак бўлсин!


Туманимизда самарали фаолият кўрсатиб келаётган санъаткорлар, фольклор ансамбллари ҳамда маданият ходимлари ишига ҳамиша омад ва зафарлар ёр бўлсин!

👉каналга қўшилиш:👇
@oqqorgon_hokimligi

#ташаббус

Юртимизда камбағалликни кескин қисқартириш, ишсизлар сонини камайтириш борасида изчил ислоҳотлар амалга оширилаётганидан кўпчиликнинг хабари бор.
Айни пайтда тумандаги биринчи сектор ҳудудидаги "Зарбдор" маҳалласининг ишсиз фуқароларига уйида ўзини ўзи банд қилиш мақсадида имтиёзли шартлар асосида 50тадан товуқ тарқатилди. Айтиш мумкинки, етти хазинанинг бири саналган парранда аҳоли талабига кўра етказиб берилмоқда. Эътиборлиси, унинг парвариши учун хом-ашёнинг уч ойлиги ҳам таъминотчи томонидан етказиб берилади.

Кутилаётган натижа эса ушбу ҳудудда тухум ва товуқ гўшти маҳсулотларига бўлган талаб камайиши, ортиқча маҳсулотни бозорга ҳам чиқариш орқали оила даромадини оширишдан иборатдир.

👉каналга қўшилиш:👇
@oqqorgon_hokimligi

#яшил_макон

Маҳаллаларда токзорлар

Хабар берганимиздек, айни дамда туманимиздаги маҳаллаларнинг кўчаларига жойлашувига қараб "Яшил макон" дастури доирасида эзгу ниятлар билан ток кўчатлари ўтқазилаяпти.

🌿Куни кеча туманимизга ана шу мақсадда 10 минг тубдан зиёд ток кўчатлари келтирилиб, бевосита Маҳалла ва нуронийларни қўллаб-қувватлаш бўлими бошлиғи И.Раҳмонқулов бошчилигида маҳаллаларга тарқатилди.

🌿Бизга илк мужда "Қаҳрамон" МФЙ Диёнат кўчасига ток экилиб, ишком кўтарилиши ҳақида бўлди. Демак, яқин орада туманимиздаги 29 маҳалланинг қай бир кўчасида ишкому, яна бирида сўрилари ташкил этилгани ҳақида хабарлар келиб қолиши тайин.

👉каналга қўшилиш:👇
@oqqorgon_hokimligi