#Sizdan_kelgan_murojaatlar

Murojaat: "Bo'ston Maxallasidagi G'alaba ko'chasidagi Ko'prikning Yon atrofidagi Texnik Jixozlari Talabga javob bermaydi Bu yo'ldan xar kuni Maktab o'quvchilari Yosh Bollalar otishadi.. sizdan shuni Tegishli Joylarga Jo'natishingizni so'rayman"

Izoh: Murojaat tahrirsiz berildi.

Javob: "Bo'ston" MFY deputati Ozod Xasanov tomonidan mazkur masalani tegishli ma'sullar tomonidan bajarilishi ustidan deputatlik nazoratini olib boradi.
Natijasi yuzasidan axborot beramiz.

@olmaliq_deputatlari

#Kun_videosi

6-maktab direktori hokimni quchoqlab oldi🙈

Kutilmagan tashrif va kutilmagan sovg'adan quvonib ketgan 6-maktab direktori shahar hokimi, deputat Qobil Xamdamovni quchoqlab oldi😍 Bolalar uchun direktorning hursandligini qarang. Fidoiylar bor bo'lsin.

@olmaliq_deputatlari

⚡️⚡️⚡️⚡️

Hurmatli fuqarolar va shahrimiz mehmonlari!

Guvohi bo'layotganingizdek, shahrimiz hududida kuchli shamol va yomg'ir yog'ib, momaqaldiroq bo'lmoqda. Shu munosabat bilan, Sizlardan o'zingizni va mol-mulkingizni turli tabiiy zararlardan himoya qilib, havfsizlik qoidalariga rioya qilish, uzilgan elektr simlariga yaqin bormaslik va elektr ta'minoti korxonasiga xabar berishingiz mumkinligi bo'yicha ogohlantiramiz.


💥Qaytaramiz, avtomobillarni daraxtlardan, shiferlari uchishi mumkin bo'lgan binolardan uzoqroq joyga olib qo'ying!

Elektr ta'minoti: +99870-61-3-89-42

@olmaliq_deputatlari

МУЛОҚОТ МАДАНИЯТИ
ёхуд аёлининг ортига яширинган эркаклар ҳақида

Ҳаммамизга маълум, Шавкат Мирзиёев президентлик лавозимига келган дастлабки пайтданоқ, энг асосий урғуни аҳолининг муаммоларини ўрганиш, ҳар қандай масъул раҳбар халқ мурожаати билан ишлаш лозимлиги, инсон манфаатлари ҳамма нарсадан устун бўлиши зарурлигига алоҳида эътибор қаратиб келмоқда. Ҳуқуқий-демократик жамиятда, аслида, шундай бўлиши керак. Инсон ҳуқуқлари таъминланган ҳар қандай жамият тараққий этиши турган гап. Лекин аслида ҳолат қандай кечмоқда, бу борада қанақа тўсиқлар бор?

Тўсиқ деганда, айнан аҳоли муаммоларининг сабабини назарда тутмаяпман. Энг катта тўсиқлардан биттаси, шубҳасиз, аҳоли билан давлат идоралари орасида конструктив диалогнинг йўқлигида. Энг зарур бўлган муомала маданиятини унутиб қўйганмиз. Тўғри, демократия бу ўз фикрини эркин ифодалаш, дегани. Лекин бу эркинлик бошқалар ҳуқуқининг бузилиши ҳисобига бўлмаслиги керак. Мурожаат қилдингми, марҳамат, мурожааат этган одамнинг ёки бирон-бир идора вакилининг ҳуқуқлари ва манфаатларини ҳурмат қилишинг шарт. Шу ўринда ҳаётий кузатишларимиз натижасида келган кичик хулосалардан бирига тўхталиб ўтмоқчимиз.

Хизмат юзасидан ҳар хил муаммолари билан турли идора раҳбарлари олдига ёки ҳокимдан тортиб, унинг ўринбосарлари ҳамда мутахассисларга мурожаат этиб келаётган одамларни кўп кузатаман. Уларнинг орасида шундайлари борки, сўраётган нарсаси мавжуд қонунларга, тартиб-таомилларга умуман зид. Лекин шундай бўлса-да, шантажни ёқволиб, раҳбарларни ҳар хил сўзлар билан “сийлайди”. Эй, одамзот, Президентимиз ҳокимларга ёки бошқа раҳбарларга халқни эшит, уларнинг муаммоларини ҳал қилгин, деганда қонунни бузиб бўлса-да ҳал этишни назарда тутмаган. Сиз сўраётган нарса ёки муаммо тегишли қонунларга зид келса, буни ноқонуний равишда ҳал этишга ҳеч кимнинг ҳақи йўқ, ҳатто Президентнинг ҳам. Шуни яхшилаб уқиб олинг. Мурожаатда ҳам мантиқ бўлиши керак, ўртоқлар.

Яна бир нарса. Бу нарсага қачондан ўргандик, билмайман, ҳозирда мурожаатлар билан аксарият ҳолларда аёллар боришмоқда. Тагини суриштирсангиз, соппа-соғ эри бўла туриб, уялмасдан муаммони айтишга хотинини, опасини, синглисини юборади. Бунинг тагида нима ётганини ўзингиз яхшигина англаб турибсиз. Ҳа, аёл киши борса, унга қаттиқроқ гапириб бўлмайди, шантаж қилиш осон. Унинг ёнига бир-иккитаси қўшилиб олса, янада қўрқинчлироқ туюлади. Етмаганига қўлига телефонини олиб, видео ва аудиога ёзиб олади. Жуда ёмон одатга ўрганиб олдик. Бунинг охири яхшилик билан тугамайди, ўртоқлар. Эркакларимиз қани, улардаги ор-номус, аёлининг иффатини сақлаш каби одатларимиз қани? Нега бегона эркакларнинг олдига муаммони ҳал қилишга аёлини қалқон қилиб юборишяпти? Бунақаларни эркак деб бўладими ўзи? Узр бироз қизишиб кетдим. Гапларим кимгадир оғир ботиши мумкин (вообще то, ботса-ботаверсин), лекин бор ҳолатни гапиряпман.

Азизлар, муаммо ҳамма жойда бор, секин-асталик билан ҳал этилаяпти. Буни ҳеч ким инкор этмаса керак. Бироқ ҳар қандай ҳолатда ҳам ҳар иккала томонда, аҳолида ҳам тегишли раҳбарларда ҳам муомала маданияти, мурожаат этиш маданияти шаклланмас экан, муаммолар гирдобига ботиб бораверамиз. Шантаж билан бугун битта муаммони ҳал этармиз, лекин конструктив диалог, ўзаро ҳурматга асосланган муомала маданияти билан минглаб масалаларни ечиш мумкин.

Шундай экан, ўртоқлар ҳар қандай ҳолатда ҳам ўз манфаатимизни, ҳуқуқимизни ҳимоя қиляпмизми, эсдан чиқарманг, нариги томоннинг ҳам ўз ҳуқуқлари бор. Ана ўша ҳуқуқларни поймол этмасликка ҳаракат қилайлик. Муомала маданиятига риоя этайлик...

Элёр Ўтбосов, журналист.

@olmaliq_deputatlari