Лотин ёзувига асосланган ўзбек алифбосини тўлиқ жорий этиш борасидаги ишлар жадаллаштирилади
«Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида»ги Президент фармони имзоланди.
Унга кўра:
👉 Вазирлар Маҳкамаси тузилмасида Давлат тилини ривожлантириш департаменти ташкил этилади;
Департаментнинг асосий вазифалари:
• давлат тилини ривожлантириш, давлат тили тўғрисидаги қонун ҳужжатларига риоя этилиши устидан мониторингни амалга ошириш, ушбу соҳада жамоатчилик назоратининг самарали шаклларини жорий этиш;
• давлат органлари ва ташкилотлари, жумладан, маҳаллий ижро этувчи ҳокимият органларининг давлат тили тўғрисидаги қонун ҳужжатларига риоя этилиши устидан давлат назоратини ташкил қилиш;
• давлат тилининг амал қилиши билан боғлиқ муаммоларни аниқлаш ва бартараф этиш юзасидан таклифлар тайёрлаш;
• ўзбек тилининг ёзма нутқи меъёр ва қоидаларини ишлаб чиқиш бўйича ҳамда лотин ёзувига асосланган ўзбек алифбосини тўлиқ жорий этиш борасидаги ишларни жадаллаштириш;
• илмий асосланган янги сўз ва атамаларни истеъмолга киритиш, замонавий атамаларнинг ўзбекона муқобилларини яратиш ва бир хилда қўлланишини таъминлаш;
• географик ва бошқа топонимик объектларга ном берилиши борасидаги фаолиятни мониторинг қилиш ва мувофиқлаштириш;
• давлат тилини ривожлантиришга оид илмий-тадқиқот ишларини қўллаб-қувватлаш, бу соҳада халқаро ҳамкорликни амалга ошириш.
👉 «Ўзбек тили байрами куни»ни белгилаш бўйича қонун лойиҳаси ва «Давлат тили ҳақида»ги Қонуннинг янги таҳрирдаги лойиҳаси ишлаб чиқилади;
👉 хорижий давлатлар тажрибасини чуқур ўрганган ҳолда илмий асосланган янги сўз ва атамаларни расмий истеъмолга киритиш бўйича Атамалар комиссияси ташкил этилади;
👉 2020-2030 йилларда ўзбек тилини ривожлантириш ҳамда тил сиёсатини такомиллаштириш концепцияси ва давлат дастури ишлаб чиқилади.
@olmaliq7_24

Ҳурматли ҳамшаҳарлар! Азиз тадбиркор ва ишбилармонлар! Бизнесингиз ривожи учун катта имконият!
18 соат узлуксиз эфирга чиқувчи, 150 000 кишидан ортиқ аудиторияга эга бўлган ОКМК ТВ ДАСТЛАБКИ тижорат таклифларига тайёр. Мақсадимиз - биргаликда юксалишдир.
ОКМК ТВ - Яқинлар билан яхшироқ.
Реклама бўлими: 93 112 1050

«Олмалиқ КМК» АЖнинг 70 йиллиги тантаналари: Нима? Қачон? Қаерда?
2019 йил 24 октябрь куни “Олмалиқ КМК” АЖнинг 70 йиллиги тантаналари кенг нишонланади.
Шу куни соат 10.00да байрам тадбири меҳмонлари комбинат тарих музейига ташриф буюришлари мумкин бўлади.
Соат 11.00да эса “Металлург” МС қутлуғ айём муносабати билан тантанали йиғилиш ўтказилади. Ушбу йиғилишида Ўзбекистон Республикаси ҳукумати вакиллари ҳам иштирок этиши кутилмоқда. Тантанали йиғилишда комбинатнинг бир гуруҳ фаол ишчи-ходимларига ҳукумат мукофотлари ҳам топширилади.
Соат 15.00да “Олтин олма” ҳиёбони ҳамда “Дельфин” аква парки атрофида комбинат корхоналарида томонидан тайёрланган ишлаб чиқариш жараёнини акс эттирувчи экспонатлар, моделлар ва макетлар кўргазмаси ташкил этилади.
Комбинат 70 йиллиги учун тайёрланган махсус дошқозонда Ўзбекистон ошпазлар уюшмасининг моҳир ошпазлари томонидан 5 тонналик ош дамланади. Миллий таомимиз бўлган ош комбинат меҳнат аҳлига, Олмалиқ шаҳри аҳолисига, тадбир меҳмонларига ҳамда Болалар уйларига тарқатилади.
Соат 17.00да эса ОКМК спорт мажмуасида ўзбек эстрада юлдузлари иштирокида катта байрам концерти ўтказилади. Байрам тадбири соат 19.00да мушакбозлик билан якунланади.
ОКМК Ахборот хизмати
@olmaliq7_24

Kombinat uylari o’z egalariga topshirildi
https://www.agmk.uz/index.php/uz/axborot-xizmati/yangiliklar/5293-kombinat-uylari-o-z-egalariga-topshirildi

Prezidentimiz 2017 yil shahrimizga tashriflari chog’ida 5/3 kichik nohiyasi hududida “Mustaqillikning 27 yilligi” dahasini tashkil etish taklifini bildirgan edilar.

Ижтимоий ҳимоя Айёмга мукофот
Бугун “Олмалиқ КМК” АЖнинг 70 йиллик юбилейи муносабати билан меҳнаткашларни мукофотлаш тўғрисидаги комбинат бошқаруви раисининг бўйруғи қабул қилинди. Мазкур ҳужжатда таъкидланишича, “Олмалиқ КМК” АЖ учун қутлуғ сана муносабати билан комбинат меҳнаткашларининг корхона самарали фаолияти, унинг минерал хом-ашё базасини кенгайтириш, ишлаб чиқариш қувватлари барқарор ривожланиши, рудаларни қазиб олиш, қимматбаҳо ва нодир металлар, шунингдек, ички ва ташқи бозорда талабгир бўлган рақобатбардош маҳсулотлар ишлаб чиқариш ҳажмлари ортишига қўшган шахсий ҳиссалари, келгусида белгиланган масад ва вазифалар муваффақиятли бажарилишида меҳнаткашлар моддий манфаатдорлигини ошириш ҳамда “Олмалиқ КМК” АЖнинг меҳнаткашлари, мутахассис ва раҳбарларини бир марталик мукофотлар билан рағбатлантириш тўғрисидаги низомга асосан “Олмалиқ КМК” АЖда 2019 йил 1 октябрь ҳолатига кўра, рўйхатда бўлган ходимлар, шу санага қадар комбинат билан меҳнат муносабатини сақлаб келаётган(мавсумий ишчилар ва ходимлардан ташқари) барча ишчи-ходимларга 2 миллион сўм миқдорида мукофот пули тўланиши белгиланган. Мукофот пулларини тўлашга доир топшириқ ва кўрсатмалар буйруқда ўз аксини топган. Шу жумладан, мазкур буйруқ ижроси учун масъул раҳбарлар зиммасига юклатилган вазифалар ҳам белгилаб берилган.
Ушбу мукофот комбинат раҳбариятининг ишчи-ходимларга ўзига хос байрам совғасидир.
ОКМК Ахборот хизмати
@olmaliq7_24

Ўзбекистон экспортининг қарийб 30 фоизини олтин ташкил қилди
Давлат статистика қўмитасидан олинган маълумотга кўра, Ўзбекистон 2019 йилнинг январь—сентябрь ойлари давомида 3,98 миллиард долларлик олтин экспорт қилди.
Қўмита маълумотларига кўра, бу кўрсаткич 2015 йилда — 823,9 миллион долларни, 2016 йилда — 738,2 миллион доллар, 2017 йилда 1,6 миллиард долларни ташкил этган.
Экспорт умумий ҳажмида олтиннинг улуши 29,1 фоизни ташкил қилган. Бу ўтган йилнинг шу даврига нисбатан қарийб 2,6 баробар кўп.
@olmaliq7_24

#ОКМК70йиллиги
Юбилей тантанаси
Бугун Марказий таъмирлаш механика заводи меҳнат жамоаси комбинат 70 йиллигини нишонлашди. Бизга бу ҳақда МТМЗ касаба уюшмаси қўмитаси раиси Одил Пирматов хабар қилмоқда.
ОКМК Ахборот хизмати
@olmaliq7_24

#ОКМК70йиллиги
Ўқув маркази меҳнат жамоаси ҳам комбинат ташкил топганлигининг 70 йиллигини тантанали равишда нишонлашди. Бу ҳақда Ўқув маркази ходими Бахтиёр Ниязметов маълум қилмоқда.
ОКМК Ахборот хизмати
@olmaliq7_24

🏆 Лига кубоги, ярим финал
АГМК — “Динамо” 3:0
Голлар: Жасур Ҳакимов (6), Жасур Умаров (83, 84)
🏟 ОКМК спорт мажмуаси.
📋 — Ўйин тугади! Ғалаба!🤩
АГМК Лига Кубоги финалида!