#Ташриф

• Малайзиялик профессор ташрифи

• Имом Бухорий халқаро илмий-тадқиқот маркази томонидан хорижий тадқиқотчилар ва изланувчилар учун 2021 йилда Имом Бухорий номидаги халқаро стипендия жорий қилинган.

• Стипендиянинг 2024 йилги совриндори Малайзиянинг Малая университети профессори Ашраф Ишроқий ибн Жамил Имом Бухорий халқаро илмий-тадқиқот марказида амалиёт ўтамоқда.

• Профессор Ашраф марказда Ўзбекистондаги ислом таълим тизимига оид мавзуда тадқиқот олиб бормоқда. Амалиёти давомида мамлакатимиз бўйлаб илмий сафарлар уюштиришни режалаштирган. Шу боис Ашраф Ишроқий тадқиқоти доирасида Тошкент ислом институтига ҳам ташриф буюрди.

• Ўқув ишлари бўйича проректор Жаҳонгир Рўзиев ва Илмий ишлар ва фан бўйича проректор Соатмурод Примов тадқиқотчига муфтийлар, ТИИ ректорлари, фахрий устозлари, диний таълим тизими, 14 та олий ва ўрта махсус ислом таълим муассасалари ва 4 та илмий-тадқиқот марказлари ҳақида маълумот берди.

🔗 t.iss.one/oliymahad – диний-маърифий канал!

🌐 Youtube | Facebook | Instagram

#Ташриф

• Таълимга оид конференция иштирокчилари Ҳазрати Имом мажмуасида

• 17–25 октябрь кунлари Тошкент шаҳрида ўтган "Ўзбекистон Халқаро ҳамкорлик ташаббуслари" ҳафталиги доирасида Олий таълим, фан ва инновациялар вазирлиги томонидан “Янги Ўзбекистонда таълим тизимини трансформация қилиш, таълим сифатини ошириш пировард мақсад сифатида” мавзусида халқаро конференция бўлиб ўтди.

• Конференция иштирокчилари Жазоир-2 университети ректори Саид Раҳмоний, Қозоғистоннинг Қизилўрда университети профессори Гулжамол Хоним Ўзбекистон давлат жаҳон тиллари университети ректори, профессор Илҳом Тўхтасинов ҳамроҳлигида пойтахтнинг тарихий ва диққатга сазовор жойларига, жумладан Ҳазрати Имом мажмуасидаги Мўйи Муборак мадрасаси, Қаффол Шоший мақбараси ва Тошкент ислом институтига ташриф буюрдилар.

• Меҳмонларни Ўзбекистон мусулмонлари идораси раиси ўринбосари, ТИИ ректори Муҳаммадолим Муҳаммадсиддиқов кутиб олиб, институт фаолияти ҳамда мажмуадаги тарихий ёдгорликлар ҳақида маълумот берди.

🔗 t.iss.one/oliymahad

#Ташриф

• “Шарқ Ренессанси феномени: давлатлар, динлар, шахслар ва тамаддунлар” – Ўзбекистон маданий мероси ҳафталиги доирасида Ўзбекистондаги Ислом цивилизацияси марказининг илм-фан, ислом таълимоти ва тарихи, маънавият ва маърифатга доир маълумотлари энг сўнгги рақамли технологиялар ҳамда сунъий интеллект янгиликларини ўзида мужассам этган лойиҳалар кўргазмаси бўлиб ўтди.

• Ҳафталикнинг ялпи анжуманига мамлакатимиз ва хорижнинг етакчи тарихчилари, қадимшунос олимлари, экспертлар, музейшунослар, реставраторлар, диний-маърифий соҳа вакиллари, хаттотлар, мусаввирлар ва дизайнерлар, замонавий рақамли технологияларнинг билимдонлари, шарқшунос олимлар, адиб ва ижодкорлар таклиф этилди.

• Илм-фан, тарих, маданият, илғор технологияларни ўзида мужассам этган кўргазмада Тошкент ислом институти Модуль таълим тизими талабалари ҳам иштирок этиб, фотогалерея, тарихий бинолар макетлари, топилма ва осори-атиқалар ҳамда қўлёзмалар билан танишди.

🔗 t.iss.one/oliymahad – диний-маърифий канал!

Youtube | Facebook | Instagram

#Ташриф

• Пойтахтимизда “Ўзбекистонда халқаро маданий мерос ҳафталиги” ўтказилди.

• Ҳафталик доирасида ўтказилган “Ўзбекистондаги ислом цивилизацияси маркази музей экспозициясини контентлар билан тўлдириш, илмий ва инновацион лойиҳаларни амалга оширишнинг долзарб масалалари” мавзусидаги илмий анжуманда Туркиянинг Помуккале университети профессори Маҳмуд Язижи маъруза билан иштирок этди.

• Профессор Маҳмуд Язижи Тошкент ислом институтига ҳам ҳам ташриф буюриб, институт тарихи ва фаолияти ҳамда Ахборот ресурс марказидаги китоблар, ўқув қўлланмалари ва илмий тадқиқот ишлари билан танишди.

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram

#Сайлов_2024 #Ташриф

• Сайлов халқаро кузатувчиси Тошкент ислом институтида

• Ўзбекистон Республикаси Олий Мажлиси Қонунчилик палатаси ҳамда Халқ депутатлари маҳаллий кенгашларига ўтказилган сайловда халқаро кузатувчи сифатида иштирок этган Кўрфаз араб давлатлари ҳамкорлик Кенгаши Халқаро алоқалар департаменти директори Сами Абдулкарим Мания пойтахтнинг тарихий ва диққатга сазовор жойларига, жумладан Тошкент ислом институтига ташриф буюрди.

• Меҳмонни Ўзбекистон мусулмонлари идораси раиси ўринбосари, ТИИ ректори Муҳаммадолим Муҳаммадсиддиқов кутиб олди. Институт тарихи ва фаолияти ҳақидаги маълумотлар Сами Абдулкаримда катта таассурот қолдирди.

• Бу йилги давлат вакиллик органлари сайловларини кузатишда жами 851 нафар халқаро кузатувчилар иштирок этди.

• Сами Абдулкарим фаолият юритадиган Кўрфаз араб давлатлари ҳамкорлик кенгашига Баҳрайн, Қувайт, Умон, Қатар, Саудия Арабистони ва Бирлашган Араб Амирликлари киради. Кенгаш 1981 йилда тузилган бўлиб, қароргоҳи Ар-Риёдда жойлашган.

🔗 t.iss.one/oliymahad

#Ташриф

• Ўзбекистон Республикаси Президенти Шавкат Мирзиёев амалий ташриф билан Ар-Риёд шаҳрига келди. Подшоҳ Холид номидаги халқаро аэропортда давлатимиз раҳбарини Ар-Риёд вилояти раҳбарияти – шаҳзода Муҳаммад бин Абдураҳмон бин Абдулазиз ва бошқа расмий шахслар кутиб олди.

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram |

#Ташриф

Ўзбекистон Республикаси Президенти Шавкат Мирзиёев Саудия Арабистони Подшоҳлиги Валиаҳди, Бош вазири Муҳаммад бин Салмон Ол Сауд билан учрашув ўтказди.

Шу билан Ар-Риёдга амалий ташриф доирасидаги тадбирлар якунланди, давлатимиз раҳбари Бокуга жўнаб кетди.

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram