🔄Тошкент ислом институти қошидаги “Қуръони карим ва тажвид” ўқув курсида 53-давра тингловчилари 3 ой давомида таҳсил олиб, ўқишни муваффақиятли якунладилар.
🗣Битирув тадбирида “Қуръони карим ва тажвид” ўқув курси бўлими бошлиғи Аҳмадхон қори Рашидов, бўлимнинг ўқитувчи ва ходимлари Нуруллоҳ Сайдуллаев, Муҳаммадали Зоҳидов, Муҳаммадамин Абулпаттаев иштирок этишди.
💬 Тадбирда фаол тингловчилар, нуроний отахонлар сўзга чиқиб, мана шундай ўқув курслари очилганига Аллоҳга шукрона келтириб, бу ишларга жонбозлик кўрсатаётган барча мутасаддиларга, фидойилик билан дарс бераётган устозларга ўз миннатдорчилигини билдирдилар, дил изҳорларини мазмунли шеър билан ифодалаб, таҳсиллар бардавом бўлишини сўраб, дуойи хайрлар қилдилар.
⏺Битирувчиларга сертификатлар ва Қуръони карим мусҳафлари топширилди.
🗂Маълумот учун: - Қабул: Ҳар шанба куни, соат 09:00 – 14:00; - Тўлов: 3 ойлик курс учун 1 500 000 сўм; - Рўйхатдан ўтгач, тингловчилар навбат билан ўқишга чақириладилар.
🗂 Тошкент ислом институти қошидаги “Қуръони карим ва тажвид” ўқув курсининг навбатдаги 56-давра тингловчилари ўқишни бошлаш арафасидалар.
💬 “Қуръони карим ва тажвид” ўқув курси бўлими бошлиғи Аҳмадхон қори Рашидов, курс ходимлари ва ўқитувчилар – Нуруллоҳ Сайдуллаев, Жўрабой Султонқулов, бўлим бошлиғи Баҳриддин Парпиев тингловчилар билан учрашув ўтказди. Учрашув давомида улар курснинг мазмун-моҳияти, аҳамияти ва ўқув жараёнининг ташкил этилиши ҳақида маълумот бериб ўтишди. Шунингдек, тингловчиларнинг фикрлари ҳам тингланиб, уларга тавсиялар берилди.
📚 “Қуръони карим ва тажвид” ўқув курси минглаб тингловчиларини Қуръон қироатига оид илмга бўлган интилишларини рўёбга чиқариб келмоқда. Қироат ва тажвидни чуқур ўрганишга бел боғлаган ҳамюртларимиз учун ҳарбир давра машғулотлари юқори савияда ташкил этилмоқда.
🔹Маълумот учун: - Қабул: Ҳар шанба куни, соат 09:00 – 14:00; - Тўлов: 3 ойлик курс учун 1 500 000 сўм; - Рўйхатдан ўтгач, тингловчилар навбат билан ўқишга чақириладилар.
