#Халқаро_конференция

▪️ТИИ ректори халқаро конференцияда иштирок этмоқда

▫️Жорий йил 25-26 июль кунлари Россия Федерацияси мусулмонлари диний бошқармаси томонидан Қозон шаҳрида ташкил этилаётган «Маънавий ипак йўли: Катта Евроосиё маконида анъанавий қадриятларнинг маъноси» мавзусида V халқаро илмий конференция бўлиб ўтмоқда.

▫️ Конференцияда Ўзбекистон Республикаси Президентининг Дин ва миллатлараро муносабатлар масалалари бўйича маслаҳатчиси ўринбосари О.Салиев, Дин ишлари бўйича қўмита раисининг биринчи ўринбосари Д.Махсудов, Ўзбекистон мусулмонлари идораси раиси ўринбосари - Тошкент ислом институти ректори М.Муҳаммадсиддиқов ҳамда Ўзбекистон халқаро ислом академияси ректори У.Ғафуров иштирок этмоқда.

▫️Анжуманда «Маънавий ипак йўли: Катта Евроосиё ҳудудида анъанавий қадриятларнинг аҳамияти», «Катта Евроосиё халқлари: кундалик диний ҳаётнинг замонавий этнографик тадқиқотлари», «Қуръоннинг замонавий ислом маданияти ва таълимда акс этиш шакллари» каби мавзулар муҳокама қилинади.

🔗 t.iss.one/oliymahad

#Халқаро_конференция

▪️Халқаро конференция давом этмоқда

▫️Қозон шаҳрида ташкил этилган «Маънавий ипак йўли: Катта Евроосиё маконида анъанавий қадриятларнинг маъноси» мавзусидаги V халқаро илмий конференция давом этмоқда.

▫️ Конференцияда Ўзбекистон мусулмонлари идораси раиси  ўринбосари, Тошкент ислом институти ректори М.Муҳаммадсиддиқов иштирок этиб маъруза қилади.

🔗 t.iss.one/oliymahad

#Халқаро_конференция

▪️Тошкент ислом институти ректори халқаро анжуманда маъруза қилди

▫️Айни пайтда Россия Федерациясининг Қозон шаҳрида бўлиб ўтаётган “Маънавий ипак йўли: Катта Евроосиё маконида анъанавий қадриятларнинг маъноси” мавзусидаги V халқаро илмий-теологик конференциясининг шўбалари ўз ишини давом эттирмоқда.

▫️Унда ТИИ ректори М.Муҳаммадсиддиқов “Ўзбекистон мусулмонлари идораси тизимида диний таълим ва “Қуръони карим ва тажвид” курслари фаолияти” мавзусидаги маъруза билан иштирок этиб, ЎМИ фаолияти, юртимиздаги диний таълим муассасаларидаги йўналишлар ва эришилган ютуқлар ҳақида атрофлича маълумот берди.

Президентимиз Шавкат Мирзиёевнинг саъй-ҳаракатлари билан ёшларни илм-маърифатли, одоб-ахлоқли этиб тарбиялашга жуда катта эътибор қаратилмоқда.
Диний таълим муассасалари ичида Бухорои шарифдаги Мир Араб мадрасаси алоҳида ўрин тутади. Мазкур мадраса 500 йилдан бери олий даражада диний таълим беришни тўхтатмаган.

Давоми... 🔻 https://oliymahad.uz/43260

🔗 t.iss.one/oliymahad

#Халқаро_конференция

▪️Булғор ислом академияси доктори Сайфул Асрий ташрифи

▫️Жорий йилнинг 15-16-октабр кунлари Тошкент ва Хива шаҳарларида “Ислом – тинчлик ва эзгулик дини” номли халқаро конференция бўлиб ўтади.

▫️Анжуманда исломшунос олимлар, соҳа мутахассислари, илмий тадқиқотчилар, юртимизда кўзга кўринган илм-фан арбоблари билан бир қаторда дунёнинг 30 га яқин мамлакатидан 80 дан ортиқ уламолар ўз маърузалари билан иштирок этадилар.

▫️Ўзбекистон Республикаси Президенти ташаббуси билан ўтказилаётган нуфузли анжуманда иштирок этувчи ислом оламининг етук уламоларининг мамлакатимизга ташрифи бошланди.

▫️Юртимизда бўлиб турган Булғор ислом академияси Илоҳиёт кафедраси доктори Сайфул Асрий Тошкент ислом институтига ташриф буюрди.

▫️Меҳмонни ТИИ проректори Тоҳир Эвадуллаев кутиб олиб, институт тарихи ва фаолияти билан яқиндан таништирди. Шунингдек, институт профессор-ўқитувчилари томонидан нашр этилган ўқув қўлланмалар, дарсликлар ва китоблар намойиш этилди.

🔗 t.iss.one/oliymahad

#Ташриф #Халқаро_конференция

▪️ Профессор Салоҳ Муҳаммад Абул Ҳож ташрифи

▫️Жорий йилнинг 15-16-октабр кунлари Тошкент ва Хива шаҳарларида бўлиб ўтадиган “Ислом – тинчлик ва эзгулик дини” номли халқаро конференцияда иштирок этиш учун ташриф буюрган Иордания халқаро ислом илмлари университети Ҳанафий фиқҳи факультети мудири, профессор Салоҳ Муҳаммад Абул Ҳож Тошкент ислом институтида ҳам бўлиб ўқитувчи ва талабалар билан учрашди.

▫️Меҳмонларни Ўзбекистон мусулмонлари идораси раиси ўринбосари, ТИИ ректори, сиёсий фанлар доктори, профессор Муҳаммадолим домла Муҳаммадсидиқов кутиб олди.

▫️Илмий суҳбатда профессор Салоҳ Абул Ҳож "Ҳанафий фиқҳининг мўътадил ва афзаллиги" мавзусида маъруза қилди. Шу билан бирга юртимиздан етишиб чиққан фақиҳлар, муҳаддислар, муфассирлар ва ақида уламоларининг илм йўлидаги хизматларини эътироф этди, учрашув якунида иштирокчиларнинг саволларига жавоб берди.

🔗 t.iss.one/oliymahad

#Халқаро_конференция

▪️Президент Шавкат Мирзиёевнинг 2023 йил 19 сентябрда бўлиб ўтган Бирлашган Миллатлар Ташкилоти Бош Ассамблеясининг 78-сессиясида билдирган ташаббуси ўлароқ, жорий йилнинг 15-16 октябрь кунлари Тошкент ва Хива шаҳарларида “Ислом – тинчлик ва эзгулик дини” мавзусида нуфузли халқаро конференция бўлиб ўтмоқда.

▫️Нуфузли конференцияда Тошкент ислом институти раҳбарияти, профессор-ўқитувчилари ва талабалари ҳам иштирок этди.

▫️Ўзбекистон мусулмонлари идораси раиси ўринбосари, Тошкент ислом институти ректори, профессор Муҳаммадолим Муҳаммадсидиқов конференцияда қатнашиб, “Глобаллашув шароитида Ислом: мўътадиллик ва бағрикенглик” шўъбасига модераторлик қилди ва шу билан бирга ташриф буюрган Миср муфтийси Назир Муҳаммад Айёд, Ислом олами уюшмаси Бош котиби Али Қарадоғий, Карачи ислом университети профессори Муҳаммад Тақий Усмоний каби уламолар билан мулоқот қилди.

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram |

#Ташриф #Халқаро_конференция

▪️Шайх Тақий Усмоний ҳазратлари ташрифи

▫️Жорий йилнинг 15-16 октябрь кунлари Тошкент ва Хива шаҳарларида бўлиб ўтаётган “Ислом – тинчлик ва эзгулик дини” номли халқаро конференцияда иштирок этиш учун ташриф буюрган Покистоннинг Карачи ислом университети профессори Муҳаммад Тақий Усмоний Тошкент ислом институтида ҳам бўлиб ўқитувчи ва талабалар билан учрашди.

▫️Илмий суҳбатда профессор Муҳаммад Тақий Усмоний ҳазратлари "Ўзбекистон диёридан етишиб чиққан олимларнинг Ислом илмларига қўшган ҳиссаси, илм олиш ва унга амал қилишнинг аҳамияти" мавзусида маъруза қилди.

▫️Ақида уламолари, фақиҳлар, муҳаддислар, муфассирлар ва мутасаввуф аждодларимиз олим бўлиш билан бир вақтда илмига амал қилиб бутун Ислом оламига намуна бўлгани таъкидланди. Имом Бухорий, Имом Мотуридий, Имом Марғиноний, Баҳоуддин Нақшбандий каби алломаларнинг илм йўлидаги хизматлари биқиёс экани ёдга олинди.

🔗 t.iss.one/oliymahad

🌐 Oliymahad.uz | Info | Murojaat | Tezkor | Telegram | Youtube | Facebook | Instagram |

#Ташриф #Халқаро_конференция

▪️Профессор Камолиддин Маржуний ташрифи

▫️Жорий йилнинг 15-16 октябрь кунлари Тошкент ва Хива шаҳарларида бўлиб ўтган “Ислом – тинчлик ва эзгулик дини” номли халқаро конференцияда иштирок этиш учун ташриф буюрган Бруней Султонлигининг Султон Шариф Али номидаги ислом университети профессори Камолиддин Маржуний Тошкент ислом институтида ҳам бўлди.

▫️Камолиддин Маржуний проректор Тоҳир Эвадуллаев ҳамроҳлигида институт тарихи ва фаолияти, устозлар томонидан нашр этилган китоблар билан танишди, дарс жараёнларида қатнашиб, ўқитувчи ва талабалар билан мулоқот қилди.

▫️Профессор Маржунийнинг Ўзбекистонга иккинчи ташрифи бўлиб, юртимизнинг бой тарихи ва тамаддуни, буюк алломалари ҳақидаги тасаввурлари кенгайиб, қизиқиши ортиб бораётганини таъкидлади. Муҳтарам меҳмон, илмий конференциялар орқали Ўзбекистон илм-фани ва маданияти бутун дунёга қайта намойиш этилаётганини қайд этди.

🔗 t.iss.one/oliymahad

🌐 Oliymahad.uz | Tezkor | Telegram | Youtube | Facebook | Instagram |

#Ташриф #Халқаро_конференция

▪️Туркиялик профессорлар ташрифи

▫️Жорий йилнинг 17-18 октябрь кунлари Термиз шаҳарида бўлиб ўтаётган "Имом Термизий илмий меросининг ислом цивилизациясида тутган ўрни" мавзусидаги халқаро конференцияда иштирок этиш учун ташриф буюрган Ислом ҳамкорлик ташкилотининг Ислом тарихи, санъати ва маданиятини тадқиқ қилиш IRSICA Бош директори ўринбосари, профессори Чингиз Тўмар ҳамда Намик Кемал номидаги Текирдағ университети профессори Халит Эрен Тошкент ислом институтида ҳам бўлди.

▫️Туркиялик профессорлар проректорлар Тоҳир Эвадуллаев ва Соатмурод Примов ҳамроҳлигида институт тарихи ва фаолияти ҳамда устозлар томонидан нашр этилган китоблар билан танишди. Институт тарихи ва ташрифларга оид фотогаллерия меҳмонларда катта таассурот қолдирди.

🔗 t.iss.one/oliymahad

🌐 Oliymahad.uz | Tezkor | Telegram | Youtube | Facebook | Instagram |

#Ташриф #Халқаро_конференция

▪️Ал-Азҳар шайхи Аввод Маҳмуд Аввод ташрифи

▫️Жорий йилнинг 17-18 октябрь кунлари Термиз шаҳрида бўлиб ўтаётган "Имом Термизий илмий меросининг ислом цивилизациясида тутган ўрни" ҳамда 15-16 октябрь кунлари Тошкент ва Хива шаҳарларида бўлиб ўтган “Ислом – тинчлик ва эзгулик дини” мавзусидаги халқаро конференцияда иштирок этиш учун ташриф буюрган Ал-Азҳар университети Дин асослари кафедраси доктори Шайх Аввод Маҳмуд Аввод Тошкент ислом институтида ҳам бўлиб ўқитувчи ва талабалар билан илмий суҳбат ўтказди.

▫️Ал-Азҳар шайхи Аввод Маҳмуд Ўзбекистон мусулмонлари идораси раиси ўринбосари, Тошкент ислом институти ректори, профессор Муҳаммадолим Муҳаммадсиддиқов ҳамроҳлигида институт тарихи ва фаолияти билан танишди.

▫️Илмий суҳбатда Шайх Аввод "Мотуридийлик таълимоти хусусиятлари" мавзусида маъруза қилиб, ўқитувчилар, магистрантлар ва талабаларни қизиқтирган саволларга жавоб берди.

▫️Институтга меҳмонлар келиши давом этмоқда.

🔗 t.iss.one/oliymahad