#Давра_суҳбати

▪️Тошкент ислом институтида “Июнь – Миллий-маданий меросимизни ўрганиш” фан ойлиги муносабати билан Ижтимоий фанлар кафедраси катта ўқитувчиси Тўлқин Азимов 1-курс талабалари учун тадбир ўтказди.

▫️“Исломнинг муҳташам миноралари” мавзусидаги тадбирда миноралар тарихи ва архитектура услублари борасида маълумот берилди.

▫️Хивадаги Калта минор пойдевори 15 метр чуқурликда, диаметри 14,5 метр, баландлиги 29 метр. 1853 йилда Муҳаммад Аминхон томонидан қурила бошланган, хоннинг ўлдирилиши билан қурилиш тўхтаб қолган. Баландлиги 70 метр бўлиши керак эди.

▫️Бухородаги Минораи калон меъмор Бақо лойиҳаси асосида Арслонхон 1127 йили қурдирган. Асоси 9 метр чуқурликда, баландлиги 50 метр, 104 та зинаси бор.

▫️Сурхондарёдаги Жарқўрғон минораси Хуросон меъморчилиги асосида 1108 йилда барпо этилган. Минора 8 қиррали пойдевор устига қурилган. 20 м баландликда ғиштин панжарали равоқлар ишланиб, унинг устида куфий ёзувли белбоғ ҳошия бор.

🔗 t.iss.one/oliymahad

🌐 Oliymahad.uz | Youtube | Facebook | Instagram

#Диплом_ҳимоя

▪️Тошкент ислом институтида Кундузги таълим тизими 4-курс талабаларининг битирув диплом иши ҳимоялари бўлиб ўтмоқда.

▫️Диплом ҳимояларини ўтказиш бўйича комиссия тузилган бўлиб, раис – Ўзбекистон халқаро ислом академияси докторанти, ТИИ Таҳфизул Қуръон кафедраси доценти, фалсафа фанлари доктори (PhD) А.Абдуллаев, раис ўринбосари – Илмий ишлар ва фан бўйича проректор, фалсафа фанлари доктори (PhD) С.Примов, аъзолар – Кундузги таълим декани Н.Тўрабоев, Илмий тадқиқот бўлими бошлиғи М.Эркаев, кафедра мудирлари ва котиб М.Мавлянкулов ҳамда ўқитувчилар илмий ишлар ҳимоясини кузатиб бормоқдалар.

▫️Маълумот учун, Тошкент ислом институтини жорий 2023-2024 ўқув йилида 67 нафар талаба битирмоқда, шулардан 12 нафари аёл-қизлар.

▫️Диплом ҳимоялар жорий йилнинг 21 июнига қадар давом этади.

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram

#Ташриф
 
◾️ Тошкент ислом институтида “Июнь – Миллий-маданий меросимизни ўрганиш” фан ойлиги доирасида Ижтимоий фанлар кафедраси доценти Нозима Ибрагимова 1-курс талаба қизлари билан Абдулла Қодирий уй музейига ташриф буюрдилар.
 
◽️ Талабалар музейнинг “Умр ва ҳаёт”, “Қонли қатағон” ва “Мустақиллик даври” каби алоҳида бўлимларида адиб ҳаётига тегишли бўлган муҳим маълумотларга эга бўлдилар.  
 
◽️ Абдулла Қодирий томонидан ёзилган “Инқилоб” ва “Муштум” журналларидаги мақолалари ҳамда “Ўтган кунлар” ва унинг охирги романи “Обид кетмон” каби йирик асарларни ёзилишига оид қизиқарли маълумотлар талабалар эътиборини ўзига жалб этди. Музей мутахассиси талабалар томонидан берилган барча саволларга батафсил ва атрофлича жавоб берди.  

🔗 t.iss.one/oliymahad - диний-маьрифий канал!

🌐 Oliymahad.uz | Murojaat | Tezkor | Telegram | Youtube | Facebook | Instagram