#Малака_ошириш #Қишки_таътил

⚡️ ДТМ масъул ходим ва ўқитувчиларига сертификатлар топширилди

💬 Ўзбекистон мусулмонлари идораси Таълим ва илмий-тадқиқот бўлими томонидан диний таълим муассасаларининг ўқув-услубий, маънавий-маърифий салоҳиятини ошириш, замонавий педагогик усулларни жорий қилиш, таълим сифатини яхшилаш мақсадида Тошкент ислом институтида олий ва ўрта махсус ислом таълим муассасаларининг ўқув ишлари бўйича раҳбар ўринбосарлари, ўқув-услубий ва ёшлар билан ишлаш, маънавият-маърифат бўлимлари бошлиқлари учун қисқа муддатли малака ошириш курси ташкил этилди.

✔️ Малака ошириш машғулотлари махсус ўқув режа ва дарс жадвали асосида Дин ишлари бўйича қўмита, Имом Мотурудий халқаро илмий-тадқиқот маркази, Ички ишлар вазирлиги мутахассислари, Ўзбекистон халқаро ислом академияси, Тошкент Давлат педагогика университети, Тошкент ислом институтидан жалб қилинган профессор-ўқитувчилар томонидан замонавий ахборот технологиялари ва интерфаол усуллардан фойдаланган ҳолда ўтказилди.

💳 Ўқувлар якунида тингловчиларга ТИИ ректори Уйғун Ғафуров, Диний идора мутахассислари Муҳаммадамин Насриев ва Шерзод Чўлпонов сертификатларни топширишди.

📱 t.iss.one/oliymahad – диний-маърифий канал!

📱 Youtube 📱 Facebook 📱 Instagram

#Малака_ошириш #Қишки_таътил

🔹 Қишки таътил даврида ўтказилган малака ошириш ўқув семинари ниҳоясига етди

🗓 2024 йил 25 декабрдан 2025 йил 07 январга қадар Имом Бухорий номидаги Тошкент ислом институтида профессор-ўқитувчилар учун ўқув семинарлари ташкил этилди.

💬 Мавзу:
“Ўқув жараёнига оид меъёрий-ҳуқуқий ҳужжатлар, замонавий педагогик технологиялар ва методологиялар ҳамда ихтисослик фанлари”.

🗂 Семинарнинг асосий мақсади профессор-ўқитувчиларнинг малакасини ошириш, янги педагогик технологиялар ва методологиялар бўйича билимларини бойитиш, шунингдек, ихтисослик фанлари бўйича ўқув жараёнларини янада самарали ташкил этишдир.

💬 Шу малака ошириш ўқувлари доирасида институт профессор-ўқитувчилари билан бир қаторда Тошкент шаҳридаги “Кўкалдош” ва “Хадичаи Кубро” ўрта махсус ислом таълим муассасалари педагоглари ҳам дарсларда иштирок этиб, маърузаларни тингладилар.

💼 Маърузаларга Ўзбекистон мусулмонлари идораси қошидаги Фатво маркази, Дин ишлари бўйича қўмита, Имом Мотуридий халқаро илмий-тадқиқот маркази каби ташкилотларнинг етук мутахассислари, Ўзбекистон Республикаси Фанлар академияси Абу Райҳон Беруний номидаги Шарқшунослик институти, Ўзбекистон халқаро ислом академияси, Алишер Навоий номидаги Тошкент давлат ўзбек тили ва адабиёти университети, Тошкент халқаро университети каби нуфузли таълим муассасаларининг профессор-ўқитувчилари жалб этилди.

🔅Машғулотлар махсус ўқув режа ва дарс жадвали асосида замонавий ахборот технологиялари ва интерфаол усуллардан фойдаланган ҳолда ўтказилди.

✅ Бугун малака ошириш ўқувларининг сўнги дарслари бўлиб ўтди. Шундан сўнг институт ректор Уйғун Ғафуров, Кўкалдош мадрасаси мудири Маъмуржон Эркаев ва Хадичаи кубро мадрасаси мудираси Марям Абдуллаева тингловчиларга сертификатларни топширдилар.

📱 t.iss.one/oliymahad – диний-маърифий канал!

📱 Youtube 📱 Facebook 📱 Instagram