#Олимпиада

🥇🥇Икки карра Олимпиада ғолиблари

🥋Париж шаҳрида ўтказилаётган ХХХIII ёзги Олимпия ўйинларининг таэквондо WТ бўйича вазни 68 килограммгача бўлган таэквондочилар баҳсида ҳамюртимиз Улуғбек Рашитов ва бокс мусобақаларида вазни 51 килограммгача бўлган спортчилар ўртасида Ҳасанбой Дўсматов икки карра Олимпиада чемпиони бўлдилар.

🇺🇿 Ўзбекистон ҳисобидаги олтин медаллар сони 3тага етиб, 16-ўринда бормоқда!

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram

#Ташриф

▪️Чеченистонлик меҳмонлар ташрифи

▫️Чеченистон Республикаси муфтийси ўринбосари Арби Жафаров, муфтий ўринбосари ёрдамчиси Асхаб Кайсаров, Веденский тумани қозиси Ильяс Газимагомаев, Ўзбекистон халқаро ислом академияси докторанти Мавлидин Гаджиев ва “Ўзбекистондаги И.Р.Гамзатов номидаги Доғистон миллий маданият маркази” раиси Гарун Шамхалов Имом Бухорий номидаги Тошкент ислом институтига ташриф буюрди.

▫️Меҳмонларни Ўзбекистон мусулмонлари идораси раиси ўринбосари, ТИИ ректори, профессор М.Муҳаммадсиддиқов ҳамда Ёшлар масалалари ва маънавий-маърифий ишлар бўйича проректор Т.Эвадуллаев кутиб олди.

▫️Ректор М.Муҳаммадсиддиқов институт фаолияти ва тарихи, Қуръони карим ва тажвид ўқув курси ҳамда таълим даргоҳида таҳсил олиб кетган чеченистонлик талабалари ҳақида маълумот берди.

▫️Арби Жафаров ташриф билан боғлиқ таассуротларини “Меҳмонлар хотира китобига” ёзиб қолдирди ҳамда ўзаро эсдалик совғалари топширилди.

🔗 t.iss.one/oliymahad - диний-маърифий канал!

Murojaat | Youtube | Facebook | Instagram

#Қабул_2024

▪️Кириш имтиҳонлари юқори савияда ўтмоқда

▫️Август ойи давомида Ўзбекистон мусулмонлари идораси тасарруфидаги 13 та олий ва ўрта махсус диний таълим муассасаларига 2024–2025 ўқув йили учун кириш имтиҳонлари республикамизнинг 6 та ҳудудида ўказилмоқда.

▫️Сурхондарё вилояти, Термиз шаҳрида жойлашган “Имом Термизий” ўрта махсус ислом таълим муассасаси, яъни "4-ҳудуд"да навбатдаги кириш имтиҳони бўлиб ўтди.

▫️Имтиҳонларни ЎМИ раиси ўринбосари, Тошкент ислом институти ректори, профессор М.Муҳаммадсиддиқов кузатиб, таълим муассасаси масъуллари билан мулоқот ўтказди.

▫️Учрашувда М.Муҳаммадсиддиқов,
илк бор замонавий ахборот технологияларида олинаётган имтиҳон жараёнлари шаффофлигини таъминлаш, абитуриентлар ва ота-оналарга қулай шароитлар яратиш каби масалаларни таъкидлади.

▫️Эслатиб ўтамиз, Тошкент шаҳри, Имом Бухорий номидаги Тошкент ислом институти биносидаги "6-ҳудуд"да имтиҳонлар 19-24 август кунлари ўтказилади.

👉 t.iss.one/oliymahad - диний-маърифий канал!

#Олимпиада

🥇Чемпионлар билан телефон мулоқоти

🇺🇿 Президент Шавкат Мирзиёев Париж Олимпиадасида олтин медалларни қўлга киритган ҳамда икки карра олимпия чемпионига айланган таэквондочимиз Улуғбек Рашитов ва боксчимиз Ҳасанбой Дўсматов билан телефон орқали мулоқот қилди.

▫️Давлатимиз раҳбари спортчиларни қизғин табриклаб, терма жамоамиз томонидан бир кун ичида Олимпиаданинг иккита олтин медали қўлга киритилгани Ўзбекистон спорти учун тарихий воқеа бўлганини катта мамнуният билан қайд этди. Йигитларимизнинг дадил ва ишончли чиқишлари, юксак маҳорати ва мардлиги чинакам қаҳрамонлик намунаси бўлгани, Янги Ўзбекистоннинг ёшлари нималарга қодир эканини кўрсатгани, халқимизга улкан куч ва ғурур бағишлаганини таъкидлади. Мураббийлари, ота-онаси ва яқинларига миннатдорлик билдирди.

▫️Улуғбек Рашитов ва Ҳасанбой Дўсматов алоҳида эътибор ва юксак ишонч, спортчиларга барча шароитлар яратилгани учун давлатимиз раҳбарига ташаккур изҳор этиб, ғалабаларини Янги Ўзбекистонга бағишлашларини айтдилар.

🔗 oliymahad.t.iss.one