#Хатми_кутуб #Араб_тили #Шарҳи_Мулло #Ижоза

🗣 “Шарҳи Мулло” китоби хатм қилинди

💬 Диний таълимнинг анъанавий услубларидан бири бўлган “хатмул кутуб” Тошкент ислом институтида ривожланиб бормоқда. Ҳадис, Фиқҳ, Тафсир, Қуръон илмлари, Ақоид ва Фароиз фанлари билан бир қаторда Ислом илмларининг асоси бўлган Араб тилига оид китобларни ҳам профессор-ўқитувчилар устозлигида талабалар тўлиқ ўқиб, хатми кутуб анъанасини давом эттирмоқдалар.

😎Талабалар ижозалар олиб устозлар силсиласини бўлажак шогирдларига етказиш учун дуойи фотиҳа олмоқдалар.

✅ Тошкент ислом институтида Тиллар кафедраси устозлари томонидан 3-курс талабалари билан ўқиб тугатилган “Шарҳи Мулло” китобининг хатмига бағишланган илмий-маърифий тадбир бўлиб ўтди.

💬 Тадбирда Илмий ишлар ва фан бўйича проректор, исломшунослик фанлари бўйича фалсафа доктори (PhD) Соатмурод Примов, Ўқув ишлари бўйича проректор Жаҳонгир Рўзиев сўзга чиқиб, устозлар ва талабаларнинг илм йўлидаги ҳимматлари, хатми кутуб қилишдаги сабр ва матонатларига тасаннолар айтиб, Аллоҳ таолодан уларнинг илми ва шижоатига янада баракалар сўрадилар.

✅ Араб тилига оид китоблар, жумладан халқ ичида “Шарҳи Мулла” номи билан машҳур бўлган китобни хатм қилиб, талабаларга шаҳодатнома бериш анъанасини йўлга қўйишда Тиллар кафедраси мудири Улуғбек Ҳасанов, ўқитувчилар Файзулла Абдулҳамидов, Самариддин Аҳмедов ва кафедранинг бошқа устозларининг ўрни беқиёс.

🔅Тадбирда ана шундай устозлар фидойилиги эътироф этилди.

💬 Талабалар китобнинг сўнги матнларини ўқидилар, устозлари С.Аҳмедов шарҳлади, сўнг хатм қилган талабалардан бир нечтаси асарга оид саҳна кўринишини намойиш қилдилар.

📱 t.iss.one/oliymahad – диний-маърифий канал!

🌐 Oliymahad.uz 📱 Youtube 📱 Facebook 📱 Instagram

#Хатми_кутуб #Араб_тили #Шарҳи_Мулло #Ижоза

🗣 53 нафар талабага “Шарҳи Мулло” китоби бўйича ижоза шаҳодатномалари топширилди

✅ Ибн Ҳожибнинг Кофия китоби матнига ёзилган шарҳлардан бири Абдураҳмон Жомийнинг “Фаваидуз зияиййа” асари, яъни “Шарҳи Мулла” номи билан машҳур китоб Тиллар кафедраси мудири Улуғбек Ҳасанов, ўқитувчилар Файзулла Абдулҳамидов ва Самариддин Аҳмедов устозлигида 3-курс талабалари 2,5 йил мобайнида дарс ва тўгарак машғулотларида ўқиб хатм қилдилар.

🔄Ижоза топшириш маросимида 3-курс талабалари “Шарҳи Мулла”нинг сўнги саҳифаларини ўқиб хатмни якунладилар, сўнг 301, 302, 304 – гуруҳ талабаларидан 53 нафарига асарни ўқиб тугатгани учун ижоза шаҳодатномалари топширилди.

⬇️ Тиллар кафедраси мудири, ижоза соҳиби Улуғбек Ҳасанов “Шарҳи Мулла” китоби бўйича силсилани давом эттириш учун, асарни талабаларга ўқитган Файзулла Абдулҳамидовга ижоза берди ва шаҳодатномани ўқитувчига С.Примов топширди.

📱 t.iss.one/oliymahad – диний-маърифий канал!

🌐 Oliymahad.uz 📱 Youtube 📱 Facebook 📱 Instagram