#Ҳадя #Китоблар

▪️40 дона "Қуръони карим маънолари таржимаси" китоби ҳадя қилинди

📜 Имом Бухорий номидаги Тошкент ислом институтида "Октябрь – Тафсир фани ойлиги" доирасида профессор-ўқитувчилар ва талабаларнинг фойдаланиши учун Ўзбекистон Ислом цивилизацияси маркази бўлим бошлиғи Мирзо Кенжабек бошчилигидаги таржимонлар жамоаси томонидан нашр қилинган “Файзул Фурқон” – Қуръони карим маъноларининг ўзбекча изоҳли таржимасидан 40 дона ҳадя қилинди.

📘 Таржимада улуғ ватандошларимиз – Шайх Олтинхон Тўра Тарозий, Шайх Ҳожи Муҳаммаджон Ҳиндистоний, Шайх Муҳаммад Содиқ Муҳаммад Юсуф, Шайх Абдулазиз Мансур, Шайх Алоуддин Мансур, Шайх Шамсиддинхон Бобохон (30-жузъ), шунингдек, Муталлиб Усмон ва Али Ўзак бошчилигидаги олимлар ҳайъати таржималаридан фойдаланилган.

🔗 t.iss.one/oliymahad – диний-маърифий канал!

🌐 Oliymahad.uz | Info | Murojaat | Tezkor | Telegram | Youtube | Facebook | Instagram |

#Ташриф

• Малайзиялик профессор ташрифи

• Имом Бухорий халқаро илмий-тадқиқот маркази томонидан хорижий тадқиқотчилар ва изланувчилар учун 2021 йилда Имом Бухорий номидаги халқаро стипендия жорий қилинган.

• Стипендиянинг 2024 йилги совриндори Малайзиянинг Малая университети профессори Ашраф Ишроқий ибн Жамил Имом Бухорий халқаро илмий-тадқиқот марказида амалиёт ўтамоқда.

• Профессор Ашраф марказда Ўзбекистондаги ислом таълим тизимига оид мавзуда тадқиқот олиб бормоқда. Амалиёти давомида мамлакатимиз бўйлаб илмий сафарлар уюштиришни режалаштирган. Шу боис Ашраф Ишроқий тадқиқоти доирасида Тошкент ислом институтига ҳам ташриф буюрди.

• Ўқув ишлари бўйича проректор Жаҳонгир Рўзиев ва Илмий ишлар ва фан бўйича проректор Соатмурод Примов тадқиқотчига муфтийлар, ТИИ ректорлари, фахрий устозлари, диний таълим тизими, 14 та олий ва ўрта махсус ислом таълим муассасалари ва 4 та илмий-тадқиқот марказлари ҳақида маълумот берди.

🔗 t.iss.one/oliymahad – диний-маърифий канал!

🌐 Youtube | Facebook | Instagram

#Ташриф

• Таълимга оид конференция иштирокчилари Ҳазрати Имом мажмуасида

• 17–25 октябрь кунлари Тошкент шаҳрида ўтган "Ўзбекистон Халқаро ҳамкорлик ташаббуслари" ҳафталиги доирасида Олий таълим, фан ва инновациялар вазирлиги томонидан “Янги Ўзбекистонда таълим тизимини трансформация қилиш, таълим сифатини ошириш пировард мақсад сифатида” мавзусида халқаро конференция бўлиб ўтди.

• Конференция иштирокчилари Жазоир-2 университети ректори Саид Раҳмоний, Қозоғистоннинг Қизилўрда университети профессори Гулжамол Хоним Ўзбекистон давлат жаҳон тиллари университети ректори, профессор Илҳом Тўхтасинов ҳамроҳлигида пойтахтнинг тарихий ва диққатга сазовор жойларига, жумладан Ҳазрати Имом мажмуасидаги Мўйи Муборак мадрасаси, Қаффол Шоший мақбараси ва Тошкент ислом институтига ташриф буюрдилар.

• Меҳмонларни Ўзбекистон мусулмонлари идораси раиси ўринбосари, ТИИ ректори Муҳаммадолим Муҳаммадсиддиқов кутиб олиб, институт фаолияти ҳамда мажмуадаги тарихий ёдгорликлар ҳақида маълумот берди.

🔗 t.iss.one/oliymahad