#Кун_иқтибоси

Ёмонликнинг тантанаси учун керак бўлган барча нарса — яхши инсонларнинг ҳаракатсизлигидир.

✍️ Эдмунд Бёрк

@olimlar_minbari

#Туғилган_кун

Сувости кемаларини такомиллаштирган ўзбек олимини танийсизми?

🗓 Ўзбекистон Фанлар академияси академиги, физика-математика фанлари доктори, профессор Рамизулла Мўминов иккинчи жаҳон уруши авж палласига чиққан пайтда, 1941 йил 24 октябрь куни Тошкент вилоятининг Қибрай туманида туғилган.

🧑‍💻 Фаолияти. У ҳозирги Миллий университетни 1963 йилда тамомлаган. Меҳнат фаолияти давомида Ўзбекистон Фанлар академияси Физика-теxника институтида илмий xодим, директор ўринбосари, маxсус конструкторлик бюроси директори вазифаларида ишлаган. ЎзФА академиги.

🔌 Илмий ишлари. Олим асосан қаттиқ жисмлар физикаси, яримўтказгичлар, диэлектириклар физикаси ва шулар асосида асбоб ускуналар яратишга оид илмий ишлар билан шуғулланган. У қаттиқ жисмларда ташқи таъсирлар — кучли импульс магнит майдони, ультратовуш тўлқинлари каби тасвирлар ёрдамида бутунлай янги физик жараёнлар келтириб чиқариш усулларини биринчи бўлиб ривожлантирди.

📌 Унинг изланишлари натижалари асосида ядро нурларини ўлчовчи — яримўтказгич детекторлари, лазерлар, қуёш нурини электр энергиясига айлантирувчи асбоб-ускуналарни ишлаб чиқариш йўлга қўйилди. Бу асбоб-ускуналар, фазо ва сувости кемаларида, термоядро синтези қурилмалари ва бошқаларда кенг қўлланилмоқда.

✅ Беруний номидаги Ўзбекистон Республикаси давлат мукофоти лауреати Рамизулла Мўминов айни пайтда Ўзбекистон Фанлар академияси Физика-техника институти “Физика-Қуёш” илмий ишлаб чиқариш бирлашмасида лаборатория мудири вазифасида фаолият олиб бормоқда.

@olimlar_minbari

“Сайлов – 2024”: гармония – зиддиятлар уйғунлиги

🌐 Бўлиб ўтган дастлабки туркум теледебатлар давомида партиялар етакчилари ва спикерлари ўз сайловолди платформаларига киритилган асосий таклифларини ҳар томонлама тақдим этдилар.

📌 Уларнинг баъзилари бир-бирини тўлдирса, айримлари эса тамоман зид бўлди. Аммо айнан шу тафовутлар аслида сиёсий тизимни амалда такомиллаштиришнинг муҳим омили бўлиб, партиялар ўртасидаги сиёсий баҳслар жамият манфаатларини кенгроқ ҳисобга оладиган муқобил давлат сиёсатини яратишга хизмат қилади.

💠 Умуман олганда, теледебатлар юзасидан миллий экспертлар ҳамжамияти аъзоларининг “Подкаст клуб” майдончасида билдирган холис мушоҳадалари шундан далолат берадики, мамлакат ижтимоий-сиёсий кўланкасида аниқлик, танқидийлик ҳамда очиқликнинг тобора қарор топиб бориши сайловчилар ишончини ошириш ва Ўзбекистонда конструктив сиёсий баҳс-мунозаралар сифатини яхшилаш йўлида ташланган муҳим қадам бўлмоқда.

@olimlar_minbari

#Сайловлар_ва_дунё

Молдовада сайловларда овозларини “сотган” фуқаролар жаримага тортилди

🌐 Молдова Коррупцияга қарши кураш миллий маркази 23 октябрга қадар полициядан бундай ҳуқуқбузарликлар ҳақида 350 та хабар олган ҳолда “пассив сайлов коррупцияси” моддаси бўйича жами 1 миллион лей (тахминан 52 минг евро) миқдорида жарима солди.

✅ Молдова қонунларига кўра, “пассив сайлов коррупцияси” “ўзи ёки бошқа шахс учун сайловда овоз бериш ҳуқуқини амалга ошириш ёки амалга оширмаслик мақсадида сайловчидан ўзига тегишли бўлмаган ҳар қандай шаклда товарлар, хизматлар, имтиёзларни шахсан ёки воситачи орқали талаб қилиш, қабул қилиш ёки олиш жинояти ҳисобланади”.

📎 Президентлик сайловларининг биринчи босқичида ғалаба қозонган Майя Санду “демократияга мисли кўрилмаган ҳужум” уюштирилганини эълон қилди. "Бизда жиноий гуруҳ 300 минг овоз сотиб олмоқчи бўлганига оид далиллар ва маълумотлар бор. Бу мисли кўрилмаган фирибгарлик бўлиб, бундан мақсад демократияга путур етказишдир", — деб баёнот берди у.

@olimlar_minbari

#Туғилган_кун

Атоқли адиб, навоийшунос олим Мақсуд Шайхзода

🗓 Ўзбек адабиётининг атоқли намоёндаси, шоир, драматург, адабиётшунос олим ва таржимон Мақсуд Шайхзода 1908 йил 25 октябрь куни Озарбайжоннинг Оқдош шаҳрида машҳур шифокор Маъсумбек хонадонида таваллуд топган.

📚 Таълим. Сургун. Ўрта ва олий маълумотни Озарбайжонда олгач, 1925 йилдан бошлаб Деркенд шаҳрида ўқитувчилик қилди. У 1926 йилда "Миллий фирқа" ташкилотига аъзо бўлиб, мусовотчилар (изҳ: мусовот – тенглик) ҳаракатида фаол қатнашгани учун 1928 йилда ҳибсга олиниб, Тошкентга сургун қилинди.

🗂 Фаолияти. Адиб Тошкентга келиб, турли газета ва журналларда ишлади, 1935-38 йилларда Тил ва адабиёт инсититутида илмий ходим, 1938 йилдан то умрининг охирига қадар Низомий номидаги Тошкент давлат педагогика институтининг ўзбек мумтоз адабиёти кафедрасида доцент вазифасида фаолият юритиб, ижод қилди.

🪶 Ижоди. Шайхзоданинг "Ўн шеър", "Ундошларим", "Учинчи китоб", деб номланган шеърий тўпламлари, "Тошкентнома" достони, "Жалолиддин Мангуберди" ва "Мирзо Улуғбек" трагедиялари халқимиз орасида машҳур. "Беруний" драмаси эса шоир вафоти сабаб тугалланмай қолди.

🔄 Таржимонлик фаолияти. Ижодкор Руставелининг "Йўлбарс терисини ёпинган паҳлавон" эпоси, Шекспирнинг сонетлари, Пушкиннинг шеърлари, "Мис чавандоз" достони, "Моцарт ва Сальери" трагедияси, Лермонтовнинг шеърлари ва "Кавказ асири" достонини ўзбек тилига таржима қилган.

📖 Шайхзода ва Навоий. У "Навоий лирикасининг баъзи бир поэтик усуллари ҳақида", "Устоднинг санъатхонасида", "Ғазал мулкининг султони" каби тадқиқотларини эълон қилиб борди. Шунга ўхшаш мақолалари жамланган "Гениал шоир" тўпламини нашрдан чиқарди. Шайхзода Алишер Навоийга нисбатан "Ғазал мулкининг султони" таърифини илк бор қўллаган ижодкор ҳамдир.

🤎 Қардош Озарбайжон наслидан бўлиб, кейинчалик ўзбек халқининг чинакам севимли шоири, ёзувчиси, драматурги, забардаст олими сифатида донг таратган адиб Мақсуд Шайхзода 1967 йил 19 февралда Тошкент шаҳрида вафот этди.

@olimlar_minbari

#Эксперт_минбари

Якуний дебат – муҳим хулосаларга асос бўлди

🔖 Шу йилнинг 25 октябрь куни  партияларнинг сайлов тарғиботи  бўйича Дебат Холлда бешинчи якунловчи дебатлар бўлиб ўтди.

⚡️Унда партияларнинг Экология, соғлиқни сақлаш ва хотин-қизларни қўллаб-қувватлаш масалалари борасидаги беллашуви, партия раҳбарлари ва сайловчилар ўртасидаги баҳслар ҳақида сиёсий фанлар номзоди, доцент Феруза Усарова ўз фикр ва мулоҳазаларини билдирди.

🔗 БАТАФСИЛ

@olimlar_minbari

#Мнение

Выборы 2024. Дебаты завершены
 
Вот и закончился избирательный марафон по выборам депутатов Законодательной палаты Олий Мажлиса Республики Узбекистан, областных, районных, городских Кенгашей народных депутатов.

На протяжении всего, отведённого для этого законодательством страны периода он держал в напряжении общественность республики со все более возраставшим вниманием и интересом наблюдавшей за захватывающими перипетиями предвыборных баталий, развернувшихся между пятью политическими партиями Узбекистана и их представителями и сторонниками.

🔗 ПОДРОБНЕЕ

Раҳимжон Махкамов,
публицист

@olimlar_minbari

#Эксперт_минбари

Сиёсий партияларнинг сайловолди дебатлари ижтимоий тармоқларда ҳам катта қизиқиш билан кузатилмоқда

🔹Журналист Анвар Эминов партиялар ўртасида ўтказилган теледебатлар юзасидан ўз фикр-мулоҳазаларини билдирди.

🔗 БАТАФСИЛ

@olimlar_minbari

#Эксперт_минбари

Энергетика тизимидаги муаммоларга партиялар томонидан қандай ечимлар таклиф этилди?

📁Ўтган теледебатлар якунлари бўйича иқтисод фанлари  доктори, доцент Нодир Расулов ўз фикрларини билдирмоқда.

✅ БАТАФСИЛ

@olimlar_minbari

Бугун мамлакатимизда "Сукунат" куни

✅ Кеча, 26 октябрь куни Олий Мажлиси Қонунчилик палатаси ва маҳаллий кенгашлар депутатлари сайлови бўйича депутатликка номзодлар ва сиёсий партиялар учун белгиланган сайловолди ташвиқотнинг охирги куни бўлди.

❎ Сайлов куни 27 октябрь ва овоз беришга бир кун қолганида 26 октябрь кунлари сайловолди ташвиқотига йўл қўйилмайди.

❎ Шу билан бир қаторда, сайлов куни ва овоз бериш бошланишидан бир кун олдин жамоатчилик фикри сўровлари натижаларини, сайлов натижалари прогнозларини, ўтказилаётган сайлов билан боғлиқ бошқа тадқиқотларни эълон қилиш (ҳаммага маълум қилиш), шу жумладан ахборот тармоқларига, шунингдек интернет жаҳон ахборот тармоғига жойлаштириш тақиқланади.

📎 Биноларга, иншоотларга ва бошқа жойларга илгари жойлаштирилган сайловолди ташвиқоти материалларини сайлов куни ва овоз беришдан бир кун олдин олиб қўйилиши мажбурий ҳисобланмайди.

@olimlar_minbari