Prezidentimizning 2022 yil 19- yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to’g’risida”gi PQ-92-son qaroriga asosan sog’lom turmush tarzi va sportni ommalashtirish borasida Aholi jismoniy tarbiya va ommaviy sport bilan shug’ullanishini to’g’ri yo’lga qo’yish hamda yoshlarni bo’sh vaqtlarini mazmunli o’tkazish maqsadida Ohangaron shahar hokimligi, Madaniyat bo’limi, mahallalarga biriktirilgan yoshlar yetakchilari, O’zbekiston Respublikasi Mudofaa Vazirligi harbiy xizmatchilari bilan hamkorlikda “Bo’ston” MFY namunasida “Sport-sog’lom hayot garovi” deb nomlangan yoshlar festivali bo‘lib o’tdi.

Festivalda tomoshabinlarga shahar Madaniyat bo’limi xonandalari, “Qurama” FXEA tomonidan jozibali raqslari hamda mudofa bo’limi va sport maktabining ko’rgazmali chiqishlari namoyish etildi.

Festivalda yoshlar bilan uchrashib, o’zlarining muvafaqqiyatlari bilan xalqimiz orasida mashhur bo‘lgan olimpiya va jahon chempionlari Bahodir Jalolov, Isroil Madrimov, Murodjon Ahmadaliyev, Sanjar Tursunov, O’zbekiston terma jamoasi katta murabbiyi To’lqin Qilichev, Elnur Abduraimov, Toshkent viloyati sport federatsiyasi prezidenti Ozod Xasanovlar tashrif buyurishdi.

https://t.iss.one/ohangaronshahar