Вилоят ҳокими "Саховат" ва "Мурувват" уйларида бўлди

Бугун вилоят ҳокими Зоир Мирзаев мутасадди раҳбарлар ҳамроҳлигида Оҳангарон шаҳридаги "Саховат" ва "Мурувват" интернат уйларида бўлиб кексалар ва беморлар ҳолидан хабар олди.

Даставвал вилоят ҳокими Оҳангарон “Мурувват” ногиронлиги бўлган шахслар учун эркаклар интернат уйидаги беморлар учун яратилган шароитлар билан танишди ҳамда муассаса тарбияланувчиларига янада қулай шароит яратиш, мавжуд камчиликларни бартараф этиш борасида тегишли топшириқлар белгилади.

Шундан сўнг, вилоят раҳбари "Саховат" уйидаги кексалар билан мулоқотда бўлди, уларнинг мурожаат ва таклифларини тинглади. Шунингдек, муассасадаги тиббий хизмат сифати ва яшаш шароитини ўрганди.

Учрашув давомида муассасаларнинг коммуникация тизимини, тарбияланувчиларнинг яшаш шароитини ва тиббий хизмат сифатини яхшилаш бўйича вилоят ҳокими томонидан кўрсатма ва тавсиялар берилди ҳамда кексаларга эсдалик совғалари улашилди.

Kаналга уланиш :👇
🌏https://t.iss.one/ohangaronshahar

#жараён

Вилоят ҳокимининг кейинги манзили Оҳангарон шаҳридаги 7-сонли имконияти чекланган болалар учун ихтисослаштирилган ёрдамчи мактаб бўлди.

Вилоят раҳбари мактаб маъмурияти ходимлари билан яқиндан мулоқотда бўлиб, уларнинг таклифларини тинглади шунингдек, дарс жараёнлари билан танишди.

Учрашув давомида шаҳар ҳокими томонидан берилган мактабда спорт зали қуриш таклифини вилоят ҳокими қўллаб-қувватлади ҳамда мазкур таклиф бўйича мутасадди раҳбарларга тегишли вазифалар белгилади.

Kаналга уланиш :👇
🌏https://t.iss.one/ohangaronshahar