Келгуси йили вилоятда 1,5 миллиард доллар инвестиция олиб келиб, саноатда 12 триллион сўм маҳсулот ишлаб чиқариш, 500 миллион долларлик экспортни амалга ошириб, 100 миллион доллар импортни қисқартириш, камида 500 минг хорижий сайёҳга хизмат кўрсатиш учун шароит яратиш, 400 минг аҳолини банд қилиш вилоят, туман ҳокимларининг асосий вазифаси бўлиши кераклиги таъкидланди.

Энг асосий масала – инвестиция ва саноат. Бунда энг катта захира мавжуд конларни ишга солишдир.

Сариосиёдаги "Чинорсой" полиметалл конида қўрғошин, рух ва олтин, "Хўжа-осмин" конида оқ мармар, Бойсун ва Сариосиёда кўмир, Шерободдаги “Хўжаи-кон” конида калий ўғити захираларини ўзлаштириш бўйича мутасаддиларга тегишли топшириқлар берилди.

Тоғ-кон саноати ва геология вазирлиги олдига вилоятнинг тоғли ҳудудларида геология-қидирув ишларини кенгайтириш вазифаси қўйилди.

Facebook|Instagram|Twitter

Вилоятнинг қишлоқ хўжалигидаги имкониятлари таҳлил қилинар экан, Сурхондарё ўзининг табиий тупроқ-иқлим шароити билан эртаки маҳсулотларни етиштиришда биринчи ўринда бўлиши кераклиги таъкидланди.

Лекин, ҳосилдорлиги юқори уруғ ва кўчат билан таъминлаш ҳамда етиштирилган маҳсулотни сотиб олишда муаммолар борлиги кўрсатиб ўтилди. Шу боис, Қишлоқ хўжалиги вазирлигига 10 та туманда in vitro лабораторияларини ташкил қилиш топширилди.

Келгуси йилда дала четларида 100 та мини қуритиш, саралаш ва қадоқлаш ускуналари ҳамда 70 та кичик совуткичлар ўрнатилади. Бунинг учун ерлар деҳқонларга текин берилади.

100 минг гектарда ихчам парниклар ташкил қилиб, барра пиёз, брокколи, розмарин, руккола, тимьян, қизил райҳон, ялпиз каби экспортбоп экинлар етиштириш мумкинлиги таъкидланди.

Термиз агро-технология институтида Италиянинг Тушиа университети, “Сиви Италия” уюшмаси билан Интенсив уруғчилик ва кўчатчилик халқаро марказини ташкил қилиш топширилди. Унда афғон шамоли ва қурғоқчиликка чидамли навлар яратилади, in vitro лабораторияси ва IT инкубатор маркази, 20 та иссиқхона ва тажриба-синов участкалари иш бошлайди.

Facebook|Instagram|Twitter

Мева-сабзавотни қайта ишлаш қуввати Ангор, Бойсун, Узун, Шўрчи, Қизириқ ва Термиз туманларида 5 фоизга ҳам етмаслиги кўрсатиб ўтилди.

Шу муносабат билан мутасаддиларга Ангор, Жарқўрғон, Қумқўрғон, Олтинсойда 6 та сақлаш, қуритиш, саралаш ва ташиш марказини барпо қилиш, Термиз туманида Корея билан бирга 50 миллион долларлик логистика хабини ишга тушириш топширилди.

Сурхондарё озиқ-овқат маҳсулотларини экспорт қилишдаги ташиш харажатларининг 50 фоизини қоплаш тизимини жорий этиш масаласини ўрганиш, бунда қўшни давлатларга ташиш харажатларини ҳам қоплаб бериш, экспорт товарлари рўйхатига карам, пиёз, қизил лавлаги, ловия, мошни киритиш чораларини ишлаб чиқиш таклиф қилинди. Бу – қўшимча 150 миллион долларлик экспорт дегани.

Ингичка толали ғўза 15 фоизгача кам сув талаб қилади, тола чиқими 10 фоиз кам ва 12-15 кун эрта пишади.

Шу муносабат билан ингичка толали пахтани қайта ишлашни 30 фоизга етказиш, ингичка толали ғўза навларини яратишда молекуляр генетика ва селекция бўйича қўшма лойиҳа ва замонавий лаборатория ташкил этиш, тупроқ-иқлим шароитига мос ингичка толали ғўза навлари майдонини 50 минг гектаргача кенгайтиришга топшириқ берилди.

Facebook|Instagram|Twitter

Президент вилоятнинг транзит ва туризм салоҳиятини ишга солиш масалаларига тўхталди.

Вилоятга қўшни давлатларда 5 миллиард долларлик катта бозор бўлса-да, уларга экспортимиз 200 миллион долларга етмайди.

Ҳозирда 75 миллион доллар сармоя эвазига “Термиз халқаро савдо маркази” қурилмоқда. Марказга “Термиз” божхона пости кўчирилади, “ягона дарча”, нотариал ва банк хизматлари йўлга қўйилади.

Шунингдек, Сариосиёдаги “Ўзбек-Тожик чегара пости” ёнида 6 гектар бўш ерда “Транспорт логистика маркази”ни барпо этиш, Бандихондаги “Танги-муш” станциясида экспорт учун юк ортиш-тушириш хизматларини йўлга қўйиш топширилди.

Транзит салоҳияти юқори Термиз шаҳри, Жарқўрғон, Сариосиё ва Узундаги магистрал йўл четида логистика-сервис марказлари очилади, Жарқўрғон, Олтинсой ва Деновни боғловчи 111 километр йўлни таъмирлашга хусусий шерик жалб қилинади.

Facebook|Instagram|Twitter

Вилоятнинг туризм салоҳияти анча юқори, бу ерда 600 дан зиёд маданий мерос ва туризм объектлари бор.

Бу йили Далварзинтепа ёдгорлигида очиқ осмон музейини ташкил қилиш бўйича ишлар бошланди. Бу ишларни давом эттириб, Бойсунда дунёдаги энг чуқур ғорлардан бири бўлган “Бойбулоқ”, неандертал одам қолдиғи топилган “Тешиктош” ва “Мачай” ғорлари, эллин маданияти ёдгорлиги бўлмиш Узундара қалъасида ҳам бундай музей ташкил этилади. Шерободдаги қадимги одам яшаган Хатак ғори ва Зараутсой қоятошига хорижий олимлар экспедицияси йўлга қўйилади.

“Самарқанд – Китоб – Денов – Олтинсой – Термиз” маршрути бўйлаб “Нақшбандия пирлари” туризм ҳалқаси очилади.

Вилоятда 2,5 минг ўринга эга 53 тагина меҳмонхона бор, уларнинг ярми Термиз шаҳрида жойлашган.

Келгуси йилда вилоятга сайёҳлар оқимини 3 баробар ошириш режа қилинаётгани боис, Сурхондарё тадбиркорларига меҳмонхона қуришга “юлдузи”дан қатъи назар субсидия берилиши белгиланди.

Йил якунига қадар Сариосиё аэропортида фуқаро авиацияси фаолиятини тиклаш, келгуси йилдан Сариосиёдан Самарқанд ва Тошкентга мунтазам рейсларни йўлга қўйиш, Термиздан Истанбул, Фарғона, Бухоро ва Хоразмга рейсларни кўпайтириш топширилди.

Шунингдек, “Термиз – Тошкент” йўналишида туристик вагон қўйилади, “Сариосиё – Тошкент” йўналишида поезд қатнови йўлга қўйилади.

Facebook|Instagram|Twitter

📣 1 dеkabrdan ish haqi, pеnsiya va ijtimoiy nafaqalar 7 foizga oshiriladi

O'zbеkiston Rеspublikasi Prеzidеntining 2023 yil 17 noyabrdagi “Ish haqi, pеnsiyalar va nafaqalar miqdorini oshirish to'g'risida”gi 196-sonli farmoniga ko'ra, joriy yil 1 dеkabrdan pеnsiyalar va ijtimoiy nafaqalar 7% ga oshirilmoqda. Ya'ni Farmonga muvofiq:

📌 - yoshga doir eng kam pеnsiya miqdori – 725 ming so'm;

📌 - nogironlik pеnsiyasi miqdori - 800 ming so'm;

📌 - yoshga doir nafaqa, bolalikdan nogironligi bo'lgan farzandi bor (bo'lgan) onalarga bеriladigan nafaqa miqdori - 608 ming so'm;

📌 - boquvchisini yo'qotganlik nafaqasi oluvchi oilaning bir nafar a'zosiga 682 ming so'm va kеyingi har bir oila a'zosiga 212 ming so'mdan;

📌 - nogironligi bo'lgan 18 yoshgacha bolalarga bеriladigan nafaqa, 18 yoshdan katta bolalikdan nogironligi bo'lgan shaxslarga bеriladigan nafaqa miqdori miqdori - 800 ming so'm.

➡️ Prеzidеntning farmoni natijasida 4,5 mln nafar fuqarolarning pеnsiya va nafaqalari miqdori ko'payadi.

@ohangaronshahar