Маҳаллабай ишлаш давом этмоқда

🔹Оҳангарон шаҳрида ҳоким ёрдамчилари ўз иш фаолиятини кенг қамровда ташкил этмоқда.

🔹Жумладан, ҳоким ёрдамчилари томонидан шаҳардаги мавжуд маҳалла фуқаролар йиғинларида хатлов ишлари олиб борилмоқда. Ушбу жараёнда боқувчисини йўқотган, ногиронлиги бор, ишсиз фуқаролар билан суҳбат олиб борилиб, уларга субсидия асосида иссиқхоналар қуриб бериш, касб-ҳунар ва тадбиркорликка ўқитиш ва бошқа ёрдам турлари юзасидан тушунтириш ишлари олиб борилмоқда ҳамда тегишли чора тадбирлар белгиланмоқда.

Жумладан, "Нўғойқурғон" МФЙда ҳоким ёрдамчиси Ш.Ўктамов кўмагида "Нўғойқўрғон" мфй Нўғойқўрғон кўчаси 43 уйда яшовчи Б.Боймоқовнинг 6 сотих ери трактор билан шудгор қилиниб, экин экиш учун тайёрланди. Ушбу майдонда Б.Боймоқов иссиқхона қуриш истагини билдириб, кредит учун керакли ҳужжатларни таёрлашга киришди.

👉каналга уланиш

Yoshlar muammolarini o‘rganish va istiqbolli kadrlarni tayyorlash instituti 2021-2022-o’quv yili 2-davra 4 oylik qayta tayyorlash o‘quv kurslarida o‘qish uchun tanlov e’lon qiladi

🔰 Tanlovda oliy ma’lumotli, 30 yoshdan oshmagan, oliy ta'limni tugatgandan so'ng kamida 2 yil ish stajiga ega bo’lgan, mahalliy ijro etuvchi hokimiyat organlari, fuqarolarning o‘zini o‘zi boshqarish organlari, jamoat tashkilotlari rahbarlari yoki xodimlari ishtirok etishlari mumkin.

📩 Hujjatlar O‘zbekiston Respublikasi Yoshlar ishlari agentligining Ohangaron shahar boʻlimi tomonidan 2022-yilning 1-fevraliga qadar qabul qilinadi.

🔸 Batafsil ma'lumotni www.yomi.uz sayti, yoki (93)-119-10-86 raqami orqali bilib olishingiz mumkin!
@yoshlaragentligi

👉каналга уланиш

#маҳаллабай_ишлаш_тизими

❇️Айни пайтда Оҳангарон шаҳар ҳокими Акром Эшонқулов ҳоким ёрдамчиси Шохрух Ўктамов билан "Нўғойқурғон" МФЙ да бўлиб, маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари юзасидан амалга оширилаётган ишлар билан танишмоқда.

✅Шунингдек, аҳолининг имкониятлари, яратилган шароитларидан келиб чиқиб уларга кредит ва субсидия бериш, маҳалладаги томорқа ва бўш ерлардан самарали фойдаланишда кўмаклашиш борасида зарурий тавсиялар берилди.

👉каналга уланиш

#муҳокама
#ҳокимлик_соати

Бугун шаҳар ҳокимлигида ҳоким ўринбосарлари, секторлар ва корхона, ташкилот раҳбарлари, МФЙ раислари ҳамда ҳокимлик бошқарув аппарати ходимлари иштирокида ҳокимлик соати йиғилиши бўлиб ўтди.

♻️Даставвал йиғилишда Президент раислигида 15 январь куни бўлиб ўтган маҳаллабай ишлашнинг янги тизимини йўлга қўйиш ва аҳоли бандлигини таъминлаш бўйича 2022 йилдаги устувор вазифаларга бағишланган видеоселектор йиғилишида белгиланган топшириқлар муҳокама қилиниб, бу борада шаҳарда амалга ошириладиган ишлар белгилаб олинди.

❕Шаҳар ҳокими ўз сўзида маҳаллаларда ишсизликни тугатиш, ижтимоий ҳимояга муҳтож аҳолини ҳар томонлама қўллаб-қувватлаш ҳар бир раҳбарнинг асосий мақсади бўлиши кераклигини таъкидлади.

✔️Шунингдек, мажлисда ижро интизомини мустаҳкамлаш, раҳбарларнинг масъулиятини ошириш, қурилиш-пудрат ишлари ва коммунал соҳалардаги муаммоларни бартараф этиш бўйича тегишли чора-табдирлар белгиланиб, ижросига масъуллар тайинланди.

👉🏻каналга уланиш