Прадстаўнікі Выдавецкага дома "Педагагічная прэса" знаходзяцца ў прэс-туры па Валожынскім раёне

🔻 Перш чым пачаць знаёмства з сістэмай летняга аздараўлення навучэнцаў, намеснік дырэктара па развіцці Людміла Пастарнакевіч сустрэлася з начальнікам упраўлення па адукацыі, спорце і турызме Валожынскага райвыканкама Таццянай Крыкала.

Падчас дыялогу былі абмеркаваны не толькі пытанні плённага сумеснага супрацоўніцтва і павышэння ўзроўню падпіскі, але і тэма падрыхтоўкі ўстаноў адукацыі да новага навучальнага года.

Так, у сярэдняй школе № 2 Валожына і ў Ракаўскай сярэдняй школе праводзяцца капітальныя рамонты. На чарзе — дзіцячы сад № 3 Валожына "Пралеска". Акрамя гэтага, у 5 установах адукацыі ідуць бягучыя рамонты, якія завершацца да 15 жніўня.

У гімназіі № 1 Валожына працуе лагер "Галактыка". Яго педагог-арганізатар настаўніца англійскай мовы Надзея Сухадолец расказала, што для выхаванцаў ужо былі праведзены дзень краязнаўства, дзень спорту і мерапрыемства "Мульці-пульці — цудоўная краіна". Наперадзе дзяцей чакаюць яшчэ 10 насычаных дзён.

Першы летні месяц навучэнцы сярэдняй школы № 1 Валожына праводзяць у лагеры працы і адпачынку "Пунсовыя ветразі". Установа адукацыі заключыла дагавор з Валожынскім лясгасам, што і вызначыла пералік работ для вучняў. Так, дзеці пад наглядам выхавальніка лагера настаўніцы англійскай мовы Любові Патапчанка штодзень выязджаюць на пасадку сасновага лесу.

Адметная атмасфера пануе і ў загарадным аздараўленчым лагеры "Фатон" Нацыянальнай акадэміі навук. Ім ужо больш як 30 гадоў кіруе Валерый Куніцкі.

Дзякуючы прафесіяналізму і ўменню згуртаваць калектыў, Валерый Васільевіч штогод збірае ў "Фатоне" каманду аднадумцаў. Так, ужо 10 гадоў працаваць у лагер прыязджае выхавальніца спецыяльнай школы № 14 Мінска для дзяцей з парушэннямі слыху Вікторыя Піварчук.
Другое лета праводзіць у "Фатоне" і студэнтка 3 курса філалагічнага факультэта БДПУ камандзір педагагічнага атрада "Шыпшына-3" Юлія Шылько.
У чым сакрэт таго, што педагогам хочацца вяртацца сюды зноў і зноў? Як яны вызначаюць паспяховасць сваёй работы?

🔜 Адказы на гэтыя і іншыя пытанні чытайце ў адным з найбліжэйшых нумароў "Настаўніцкай газеты".

2️⃣ день смены В ДОЛ "Фотон" 💙
✔️ Круглый стол «Беларусь со знаком качества»👍🏻
✔️ Кружок по лепке🏺
✔️ Оформление тематического уголка
✔️ Открытые 1 смены.
Торжественная линейка:
«Наши символы. Наша гордость»
✔️Дискотека «Знаменитости нашей страны»

✨Спасибо всем за этот день!
#ДОЛ_ФОТОН