Ярим кечаси соат 3 да келган киска фикрлар...
https://telegra.ph/YArim-kechasi-soat-3-da-kelgan-kiska-fikrlar-04-14
@nurbekalimov

​​2000 йилнинг 17 март куни Угандадаги «Худонинг ўн илоҳий амрини қайта жонлантириш ҳаракати» деб номланган сектанинг 500 нафар аъзоси ўзларини оммавий ёқиб юборди деган хабар дунё оммавий ахборот воситаларини ларзага келтирди. Бугун ушбу сирли сектанинг кирдикорлари ҳақида гаплашамиз. Улар ростан ҳам ўзларини ёқиб юборганмидилар ёки...

Батафсил👉 https://daryo.uz/k/2020/03/18/dunyoning-oxirini-vada-qilgan-nodavlat-sekta-faoliyati-ugandada-nega-500-kishi-bir-kunda-oz-joniga-qasd-qilgandi/

Каналга уланиш👉@nurbekalimov

Бугун бирдамлик ҳар қачонгидан муҳим. Мамлакатда карантин эълон қилинган. Ортиқча саросима бундай пайтда ёрдам бермаслиги аниқ. Ҳамма бирлашиши, ягона мақсад йўлида ҳаракат қилиши лозим.🤟

Юқоридаги видеода вирус тарқалган ҳудуд қандай бирлашиши кераклиги чиройли тарзда очиб берилган.

Каналга уланиш👉 @nurbekalimov

Мени сўнги кунларда хайрон қолаётганим, айрим Ўзбекистонга олиб келинаётганларнинг карантин зоналаридан нолишлари бўляпти. Аслида узоқ юртлардан ваҳима билан қайтаётган юртдошларимиз, уйига тезроқ кетишни хоҳлашади. Буни тушунаман. Лекин иложи йўқ, ушбу касалликнинг олдини олишни ягона йўли – карантин. Бу касаллик Ўзбекистондан чиқмади, у албатта чет давлатдан кириб келиши аниқ эди. Бу нарса бошимизга бехосдан келди.

Вирус хавфи олдида карантиндан нолиётганлардан эса ҳайратдаман, давлат уларни ташлаб қўймади, Хитойдан, Кореядан, Мисрдан фуқароларимизни олиб келяпти. Айрим хокимлар хатто Тошкентдан вилоятларга талабаларни олиб келиш учун текин транспортлар қилиб беришяпти. Карантин қилиш учун ажратилган жойларнинг шароитлари имкон қадар тез яхшилашга харакат қилиняпти. Келишингизга 5 юлдузли мехмонхонага жойлашларини кутганмидингиз? Иссиқ сув йўқмиш, қишлоқларда одамлар йиллаб ўтин ёқиб сув иситишларидан хабари бормикин буларни?

Сизни икки хафтага карантинга қўйишибди. Хечкимни карантин зонасини тарк этишга ва бошқаларнинг соғлигига хавф туғдиришга маънавий хаққи йўқ. Яхшиям бизда Украинада содир бўлгани каби карантинга олиб кетилаётганларнинг автобусларини тош бўрон қилишмади. Халқимиз тушуняпти. Бугунги нозик холатда бирлашмасак бўлмайди. Одамларни ҳатто умумий мақсад бирлаштира олмаслиги мумкин, аммо умумий душман бирлаштира олади. Ўзингизни босинг, бу юртга келган ташвиш, буни ваҳима кўтармасдан сабр матонат билан енгиб ўтишимиз керак.

Барча расмий маълумотлар фақат шу ерда 👉@koronavirusinfouz

Каналга уланиш👉@nurbekalimov

​​Мактабда қизлар тутган "анкета" хақида.

Болалигимизда мактабда қизлар "анкета" деб номланган дафтар тутишар эди. Школотрон, сен буни нималигини тасаввур ҳам қила олмасанг керак😁

Хуллас битта катта дафтар ва биринчи бетига турли ҳил саволлар ёзилган. Хар бир вароғида синфдошлар учун жой ажратилган ва сен ўша саволларга жавоб беришинг керак. Мини интервью типа.

Саволларам жуда ажойиб, орзу қилган машинанг, қандай рангни яхши кўрасан, нима овқатни яхши кўрасан каби банальный саволлар. Биттаси орзу қилган машинасига "Тико" деб ёзиб қўйганди, буни хозир эсласам куляпману но лекин ўзим ҳам Турбо жевачкаларидан чиқадиган машиналарни номини ёзардим, нархи фантастиклигини билмай😂

Яна, ўша вароқда индийский кино актёрларини расмларини ёпиштиришимиз керак бўларди😌 Типа эсталикка. Яна мени нимага бу расмларни орқасига "Made in Pakistan" деб ёзиб қўйиларкин деган савол кўп ўйлантирарди🤔 Ҳамма чиройли ҳинд актрисаларини расмини ёпиштирса мен ярамас Терминаторни расмини ёпиштириб қўйгандим😁

Менга тўлдириб бериш учун беришганида, биринчи бўлиб бошқа синфдошларим қандай жавоблар ёзганини кўриб чиқардим.😁

Албатта 10 чи саволни биринчи навбатда ўқирдим. Унда "Севганинг борми?" деб ёзилган ва аксарияти "йўқ" баъзилар эса "ёқ" деб жавоб ёзишарди. Аслида ҳамма синфдаги Мафтунани севарди😂 Чунки у олдин айтганимдай "янги келган қиз" эди😌

Ўша Мафтунани анкетаси болалар ўртасида таламаш бўлар эди, зўр расмлар ёпиштиришар, гуллар чизишиб, шеърлар ёзворишарди мамкин Навоийлар😂 Аммо кўримсизгина, 12 вароқли оддий дафтар тутган Насибанинг анкетасига хечким қарамасди... Кейинчалик у қиз Сирдарёга кўчиб кетди оиласи билан, балки ўша ерда "мактабдаги янги қиз" сифатида ардоқлангандур... Эскиларни қадрига етмаймиз, янгини ортидан чопамиз... Аммо Мафтуна бирортамизга тегмаган, барча эртакларда бўлгани каби, малика қанақадур Девга турмушга чиққан😂

Хозир ўша тентак ва чиройли Мафтунадан кўра, кўзлари маюс, опасини попкасини тутиб келадиган ақлли Насиба билан соатлаб гаплашган бўлардим....😔

Каналга уланиш👉@nurbekalimov

​​Абадий шармандалик рамзига айланган Рим императори Калигула хақида биласизми? Бугун қадимги римга, энг ғайриоддий император даврига саёҳат қиламиз. (бизнинг чегаралар ёпиқ эмас🤟😁)

Саёҳат чиптаси бу ерда👇 https://daryo.uz/k/2020/03/18/gayrioddiy-kaligula-abadiy-sharmandalik-ramziga-aylangan-rim-imperatori/

Каналга уланиш👉@nurbekalimov

Президент Шавкат Мирзиёев коронавируснинг аҳоли турмуш даражаси ва иқтисодиётга салбий таъсирини юмшатиш бўйича қуйидаги топшириқларни берди:

👉 10 триллион сўм ҳажмидаги Инқирозга қарши жамғарма тузилди;

👉 йил якунига қадар солиқ текширувларига мораторий эълон қилинди, бундай қийин шароитда тадбиркорни бирорта текширувчи безовта қилмайди;

👉 ҳокимларга иқтисодий қийинчиликка дуч келган корхоналардан маҳаллий солиқларни ундиришни 6 ойгача кечиктириш ваколати берилди;

👉 якка тартибдаги тадбиркорларнинг даромад солиғи, фермерларнинг сув солиғи 50 фоизга камайтирилди;

👉 коронавирус таъсири энг юқори бўлган иқтисодиёт тармоқларидаги корхоналарнинг кредит муддатлари узайтирилди, туристик йиғимлар ундириш вақтинча тўхтатилди;

👉 аҳолини иш билан таъминлаш, бунинг учун маҳаллаларда қўшимча инфратузилма объектлари қуришга қўшимча 200 миллиард сўм ажратилди;

👉 янги иш ўринлари яратадиган бизнес субъектларига кўмаклашиш учун 500 миллиард сўм қўшимча маблағ берилди;

👉 карантиндаги фарзандларига қараётган ота-оналарни ишдан бўшатишга мутлақо йўл қўйилмайди. Уларга вақтинча меҳнатга лаёқатсизлик нафақаси юз фоиз тўлаб берилади;

👉 боғча тарбияланувчилари ва бошланғич синф ўқувчиларининг ота-оналарига белгиланган режадан қатъи назар йиллик меҳнат таътили навбатдан ташқари берилади;

👉 карантинга ёпилган муассасалар ходимлари, карантиндаги фуқаролар ва уларга қаровчиларнинг ҳуқуқлари таъминланади, ижтимоий нафақа олувчилар сони камида 10 фоизга ёки 60 мингтага оширилади.

Каналга уланиш👉@nurbekalimov

Бугундан тотальный карантиндаман. Холодилник тўла, интернет безлимит, китоблар жуда кўп, хечқаерга чиқишга зарурат ҳам, мажбурият ҳам йўқ. Тўхта... Ахир мен буни бир умр орзу қилгандимку... 😑Орзуларни ўйлашда эхтиёт бўлинглар😂

Каналга уланиш👉@nurbekalimov

Твиттер ижтимоий тармоғида, АҚШлик коронавирусга чалинган 22 ёшли қиз - Бйонда Халитининг твитлари миллионлаб лайк ва ретвит қилинмоқда. Қуйида сизга унинг бошидан ўтказганлари ва маслаҳатларининг таржимасини ҳавола этамиз.

"Мен 22 ёшдаман, менда COVID-19 вируси аниқланди. Бу ҳақида ёзишдан олдин анча иккиландим, лекин пандемия натижасида юзага келадиган хавотир ва стрессни камайтириш учун мени ёшимдаги инсонларга ўз тажрибам ҳақида сўзлаб беришга қарор қилдим.

1-кун: Бу енгил қуруқ йўтал ва озгина томоқ қизариши билан бошланди. Кечга томон жуда чарчадим

2-кун: Бошимда шу қадар кучли босим ҳис қилдимки, ҳатто иложи борича енгил йўталишга ҳаракат қилишимга тўғри келди. Тунда терладим ва иситма кўтарилди. Битта симптомга алоҳида эътибор қаратдим – кўзларим жисмонан оғрий бошлади. Улар сезувчан ва оғриқли эди, кўзларни ҳаракатга келтириш ноқулай эди. Симптомларни ўрганиб чиқиш натижасида менда мигрень деган хулосага келдим, лекин кун бўйи ухлаганимга қарамай “мигрень” ҳеч ўтиб кетмади.

3-кун: Қаттиқ қувватсизлик, кун бўйи фақат ухладим ва иситма қилиб чиқдим. Менда қуйидаги симптомлар пайдо бўлди: қуруқ йўтал, бош оғриғи (мигрень), совуқ тер, иситма ва кўнгил айниши. Шифокорларга мурожаат қилишга қарор қилдим, менда грипп ва стрептококк йўқлигини аниқлашди. Шифокор менда инфекция борлигини таҳмин қилди ва антибиотик билан 800 мг ибупрофен ёзиб берди. Мен кўпроқ суюқлик ичишга ҳаракат қилдим ҳамда витамин ва пробиотиклар сотиб олдим. Тунда менда ҳали ҳам иситма бор эди.

4-кун: Ниҳоят иситма қилмадим, лекин янги симптом пайдо бўлди: нафас қисилиши. Нафас олишим қийинлашди, худди кўкрагимда ғишт осилиб тургандек. Интернет тармоғида учратган тестни (нафасингизни 10 секунд ичида ушлаб туринг) ўзимда синаб кўришга қарор қилдим, тестни ҳеч қандай қийинчиликсиз бажара олдим. Коронавирусга тест топширишга қарор қилдим, лекин бу анча қийин масала эди. Мен уйдан чиқмай карантинга амал қилишда ва суюқлик, суюқлик ва яна суюқлик ичишда давом этдим.

5-кун: Симптомлар: томоқ оғриши, йўтал, нафас қисилиши. Яна ўша шифокорга мурожаат қилдим ва коронавирусга тест топшираман деб туриб олдим. Шифокор менга ҳаётий муҳим кўрсаткичларим “нормал ҳолатда” эканлигини айтди, аммо мен ўз қароримда қатъий турдим. Менга кўкрак қафаси рентгени ҳам қилишди, натижаси яхши чиқди. Менга уй карантинида қолишимни ва тест жавоблари 5-6 кунда чиқишини айтишди!

6-кун: Доимий антибиотик ва ибупрофен ичишим натижасида мени симптомларим қуйидагича: томоқ оғриши, йўтал, нафас қисилиши. Қувват даражаси кўтарила бошлади.

7-кун: Симптомлар: томоқда енгил оғриқ, енгил йўтал, нафас қисилиши. Қувват даражаси кўтарилишда давом этди.

8-кун: Симптомлар: енгил йўтал. Ўзимни яна соғлом ҳис қила бошладим. Энергия!

9-кун: Симптомлар: йўталим сал оғирроқ эди, қувват даражаси нормал ҳолатда.

10-кун: Симптомлар: енгил йўтал, балғам, нормал қувват даражаси. Лабораториядан тест натижалари келди: ИЖОБИЙ.

Карантинда қолишда давом этдим. Бугун (18 март) ўзимни жуда яхши ҳис қиляпман. Мен такрорий тестдан ўтишим керак. Ҳозирча менга тестга йўлланма берадиган шифокорни топганимча йўқ.

Мен ҳамма бир нарсани билишларини хоҳлардим, мен доктор тавсиясига кўра уйдан ҲEЧ ҚАЕРГА чиқмадим. Жуда кўп суюқлик истеъмол қилдим. Суюқликнинг муҳимлигини яна бир бор таъкидлаб ўтмоқчиман!

Менга ибупрофен симптомларни оғирлаштиришини айтишди. Олдин айтиб ўтганимдек, ибупрофенни COVID-19 га тест топширгунимга қадар менга шифокор ёзиб берганди. Мен ибупрофенни 4 кун ичдим ва кейин ичишда давом этишга ҳожат сезмадим.

Мен барча кўришган, муомалада бўлган инсонларга менда COVID-19 аниқланганлиги ҳақида ЗУДЛИК билан хабар бердим.

Касаллик нимага ўхшайди, деб савол йўллаганларга жавобим: бундан олдин шамоллаш касалликларини бундан оғирини ҳам бошдан кечирганман. Мен ўз ҳолатимга 10 дан 4 балл берган бўлардим. Касалликнинг дастлабки 3 куни энг қийин давр бўлди."

Каналга уланиш👉@nurbekalimov

Дўстлар! «Daryo.uz» билан ҳамкорликда камина «Жаҳон адабиётининг энг буюк асарлари» лойиҳаси доирасида машҳур бадиий асарларни таҳлил қилишда давом этаман. Бугун австралиялик машҳур ёзувчи Маркус Зусакнинг "Китоб ўғриси" романи ҳақида ҳикоя қиламан. 👇

https://daryo.uz/k/2020/03/20/hammasi-bolalikda-qum-qasrlar-va-qartadan-yasalgan-uylarni-buzishdan-boshlanadi-markus-zusakning-kitob-ogrisi-romani-haqida/

Агарда сизда ушбу ва бошқа асарларни ўқишга қизиқиш уйғонса ёки кимгадур совға қилмоқчи бўлсангиз уни asaxiy.uz дан сотиб олишингиз мумкин.

Asaxiy.uz сайтидан яна юзлаб жаҳон адабиёти ва ўзбек адабиёти дурдоналарини ҳамёнбоп нархларда топасиз. Асахийдан сотиб олган китобингизни тезда ўзлари уйингизга элтиб беришади.

Яна бир ажойиб янгилик, эндиликда дунёни қайси мамлакатида бўлманг Асахийнинг мобил иловасини юклаб олинг ва Alimoff Team таржима қилиб бораётган машҳур асарларни бепул ўқинг! Иловани ўзим ишлатиб кўрдим, жуда қулай ва энг сўнги дунё бестселлерларини ўзбек тилида топдим.

«Asaxiy Books» электрон китоблар дастурида SMS орқали регистрация Россия, Хитой ва Туркия каби бир неча мамлакатлар ҳудудида ишламаётган эди. Кўпчиликнинг илтимосидан келиб чиқиб, дастурга электрон почта орқали рўйхатдан ўтиш имконини йўлга қўйилди.

Энди рақам ёки электрон почта киритинг деган жойга, электрон почта манзилини киритамиз, шундан сўнг исм-фамилия ва парольни киритиб тасдиқлаш тугмасини боссангиз, электрон почтангизга хат келади.

Хатдаги ссилкага босиб тасдиқлайсиз ва энди бемалол дастурга электрон почта орқали кириш мумкин.
Электрон почта орқали рўйхатдан ўтиш учун дастурнинг 1.0.12 версиясини Google Play орқали кўчириб олиш керак.

Дастур борасида муаммолар бўлса ёки китоб сотиб олишда ёрдам керак бўлса @asaxiymedia аккаунти орқали боғланишингиз мумкин.

Китобдан яхши нарса бу фақатгина яхши китобдир. Китоб ўқинг, дунёга ўзгача назар ташланг!

Каналга уланиш 👉@nurbekalimov

Хитой қандай қилиб коронавирусни енга олди? Бу хақдаги хозир интернет оламида кенг тарқалаётган видеони ўзбек тилига таржима қилдик. Биз ҳам енгамиз!

Каналга уланиш 👉@nurbekalimov

​​Рахматли бувижоним мени болалигимда жуда кўп ерларга бирга олиб кетардилар. Шу жумладан сумалак сайлларига ҳам. Бу давралар қандайдур файзли бўларди, хадислар, Навоий, Машраб, Хувайдо ғазаллари ўқилар, бувимнинг эса "Бир замонлар..." деб бошланадиган "контент"ларини жуда яхши кўрардим. Уларда, бувимнинг монотон, ёқимли ва сокин овозлари билан узоқ юртлардаги шахзодалар, уларнинг саргузаштлари, ибратли ҳикоялар айтиларди... Шайҳ Саъдий Шерозийнинг ижоди билан ҳам болалигимда, қайнаб турган сумалакнинг ифорини туйиб, бошимни бувимни тиззаларига қўйиб ётганимда танишганман...

Бу даврада, махалладаги Ғишмат акани юриб кетгани хақида гаплашиб ўтирадиган ғийбатчилар эмас, Ўзбекистондаги илк университет (САГУ- ЎОДУ хозирги Миллий) битирувчилари, ўз даврининг зиёли аёллари бўлардилар...

Навруз келиши билан, бир муддат ўша даврларни эсга оламан. Сумалак хечқачон пишмаса-ю, мен бу қизиқарли сухбатлардан узилиб қолмасам дердим... Навруз мени тафаккуримга, шууримга сингиб кетган байрам.

Азиз юртдошим, сизни Навруз айёми билан табриклайман! Балки бу Навруз, озроқ ташвишлар билан бу йил татимас, аммо у яна келади. Албатта келади. Мусофир дўстим, кейинги йил Наврузларда оилангиз, яқинларингиз билан бирга бўлишингизга ишонаман. Муҳими юракда Навруз тўхтамасин, кўзларингиздаги баҳор нури сўнмасин. Қолганини ҳал қиламиз. Байрам муборак!

Каналга уланиш 👉@nurbekalimov

​​Ўзингни ҳаётинг билан яшаш ҳақида.

Бизни жамиятимизда учрайдиган энг ёмон кўрган нарсаларимдан бири - бу ўзгаларнинг ҳаёти, қандай яшаши хақида кўп қайғурадиган инсонлардир. Йўқ йўқ, улар ейишга нонинг борми, овқатландингми деб қайғурмайди. Қандай кино кўряпсан, қандай мусиқа эшитяпсан, қандай соч прическасидасан деб қизиқувчи маънавият полициячиларидир.

Бу маҳаллада қоп-қора сақич чайнаб, дурбин орқали ҳаммани кузатиб ўтирадиган Махпиратапа бўлишиям мумкин, онгига номенклатура линейкада белгилаб берган стандартлар сингиб кетган, галстукли профессор ҳам бўлиши мумкин.

Сени нима ишинг бор қўшнингни қизи қайси машинада уйига келгани билан? Таксида келгандур чарчаб кетиб. Нима ишинг бор кимдур бейсболка кийиб, рэперларга ўхшаб кийиниб юриши билан? Ўзига ёқяптими? Яланғочмасми? Сен нега уни ҳаётига бурнингни тиқишинг керак? Жамият қанчалик майда муаммолар билан ўралашиб бораверса унинг кўзига катта муаммолар гўёки уйнинг деворлари каби оддий ҳол бўлиб бораверади. Аслида катта муаммолар тўсиқлардир, лекин маййдакашлар уни мени ҳимоя қилувчи девор деб тушуниб бораверади.

Илтимос менга, Ғишматга ва Ойпарига қандай яшашни ўргатма, ўзига ёққан кинони кўрсин, ёққан таомини есин, ўзини кўнгли хузур топадиган кийимни кийсин. Ўз ҳуқуқларинг бошқалар томонидан чекланмаслигини хоҳласанг, сен ҳам бошқаларнинг ҳуқуқларини чеклашга ҳаракат қилма. Ўзингни ҳаётинг билан яша.

Каналга уланиш 👉@nurbekalimov

О КОРОНАВИРУСЕ С НАУЧНОЙ ТОЧКИ ЗРЕНИЯ (Озвучка)

Если вам до сих пор что-то непонятно в теме коронавируса - обязательно посмотрите это видео, очень интересно и познавательно❗️

Каналга уланиш 👉@nurbekalimov

КОРОНАВИРУСДАН САҚЛАНИШНИНГ 5 ТА ОДДИЙ ЙЎЛИ.

Албатта заруратсиз уйдан чиқманг дўстим.

Каналга уланиш 👉@nurbekalimov

​​Хабарингиз бор бўлса керак, куни кеча дунёга машҳур Кембридж университети коронавирус пайтида карантин сабабли, ўзининг пуллик кутубҳонасидан бир қанча қимматли китобларга текин доступ очиб қўйди. Аммо уларни фақат онлайн ўқиш мумкин эди. Биз бекор ўтирмай, Alimoff Team аъзолари билан биргаликда, бир қанча нодир китобларни олиб пдф форматига келтирдик. У ерда Инглиз тили, Сиёсатшунослик, Математика, Биология, Физика, Инжиниринг, Программалаштириш, Тарих ва яна бир қатор фанларга оид нодир китоблар олинди. Марҳамат шу линкга ўтиб ўша китобларни кўчириб олишингиз мумкин!

Булардан ташқари, бизнинг жамоа томонидан илк бора ўзбек тилига таржима қилинган дунёнинг бестселлер асарларини ҳам мутоала қилишингиз мумкин.

Alimoff Team - Ёшлар ёшлар учун!🤟

Кембридж китобларини шу ердан олинг.

Каналга уланиш 👉@nurbekalimov

Куни кеча АҚШнинг Financial Times журналида, бугунги кундаги дунёда кўзга кўринган йирик интеллектуаллардан бири бўлмиш Юваль Ноа Харарининг "Коронавирусдан кейинги дунё" деб номланган катта мақоласи чиқди. Alimoff Team жамоаси сизга ушбу мақолани ўзбек тилидаги таржимасини тақдим қилади. Марҳамат ўқиб фикр қилинг. Профессор Харари ушбу мақолада, бизга ўйлаб кўришимиз керак бўлган ўткир мавзуларни берган.

https://telegra.ph/Koronavirusdan-kejingi-dunyo-03-23

Каналга уланиш 👉@nurbekalimov

​​Телеграмда китобларга бағишланган каналлар жуда кўп, аммо мен учун уларнинг ичида иккитаси алоҳида ажралиб туради.

Бу @kitobqurti ва @mahinsworld каналлари.

@kitobqurti ҳозирда жуда оммалашган илмий-оммабоп асарларни таҳлили, китоблар, таржималар бериб боради. Фикрлаши, асарларга ёндошиши билан ўқувчи фикрини ўзига жалб қила олади.

@mahinsworld эса моҳир таржимон, Alimoff Team аъзоси бўлган синглимиз Моҳина Нурсаидованинг канали. У ерда синглимизнинг ҳали таржима қилинмаган жаҳоннинг дурдона асарларига тақризлари, ҳикоялар, мусиқалар топишингиз мумкин. Менга бу қизнинг китоб танлаш диди жуда ёқади.

Ушбу каналларга аъзо бўлинг, зеро китобдан яхши нарса бу фақатгина яхши китоб.

​​Бугун сизга содда, аммо қизиқарли нарса ҳақида гапириб бераман. Мансабдорлар, сизлар ҳам яқинроқ келинглар.

Социологияда “Ўзини ўзи бажо келтирадиган башорат” деган термин бор - бу шундай башоратки, айнан шу башорат таъсирида, башорат қилинган нарса ҳақиқатга айланади. Мухтасар қилиб айтганда, агар вазият бошқача бўлса ва инсоннинг тахминлари унга зид бўлса ҳам, бу башорат кутилган натижа амалга ошиши учун вазиятни ўзгартириши мумкин. Бу таъсир бир киши ва бутун жамият миқёсида ҳам ишлаши мумкин.

Ушбу атама социолог Роберт Мертон томонидан оммалаштирилган. У бу вазиятни шундай тасвирлайди: Масалан бирорта Ғишматбанк, ҳамма нарса одатдагидек ишлайди, банкда пул ва активлар мавжуд. Лекин бир куни банкка жуда кўп одамлар кириб келади. Шовқинли оломонни кўриб, одамлар хавотирда ва банкда тўловлар билан боғлиқ муаммолар борлиги ҳақида шаҳарда миш-мишлар тарқала бошлайди. Одамлар янада кўп келмоқда, уларга хизмат қилиш учун умуман ишчилар етишмаяпти - ва кутилган натижалар тасдиқланади. шаҳарда ваҳима пайдо бўлиб, банк банкрот бўлса пулларимизга куйиб қолмайлик деб борган сари кўпроқ одамлар ўз омонат пулларини талаб қилиб келмоқда ва кун бошидаги шунчаки миш-мишлар кун охирида ҳақиқатга айланади: банкротлик. Агарда эрталабги банкротлик хақидаги миш-мишлар бўлмаганида Ғишматбанк биноидек фаолият кўрсатиши мумкин эди.

Бу эса ҳақиқий ҳаётий намуна: Эсингиздами, 2016 йилда АҚШда бўлиб ўтадиган президентлик сайлови олдидан бутун дунё бўйлаб одамлар Трампни сайлашларидан қўрқишган? Хўш, энди президент ким?

Шунинг учун ҳам айрим амалдорларга халққа бирорта гапни айтишдан олдин 40 мартта ўйлаб, учрашувга тайёрланиб айтишларини маслаҳат берган бўлар эдим. Сиз томонингиздан ўйлаб ўтирмасдан “тап” этиб автоматик ақллилик ортидан гапириб юборилган гап, эртага Ғишматбанкни банкрот қилиб юбормасин...

Каналга уланиш👉@nurbekalimov

Альбер Камю шахсиятим шаклланишида улкан ҳисса қўшган буюк ёзувчи. Мен уни ҳамиша ўзимнинг топ-листимда биринчи ўринга қўйиб келганман. Унинг асарларини таҳлил қилишдан эса устозининг ишига баҳо беришдан уяладиган шогирд мисол ҳайиқар эдим. Аммо бугунги кундаги коронавирус балоси унинг "Вабо" деб номланган асарини таҳлил қилмасликнинг иложини қолдирмади.

https://daryo.uz/k/2020/03/24/karantin-payti-oqish-tavsiya-etiladi-alber-kamyuning-vabo-romani-haqida/

Агарда сизда ушбу ва бошқа асарларни ўқишга қизиқиш уйғонса ёки кимгадур совға қилмоқчи бўлсангиз уни asaxiy.uz дан сотиб олишингиз мумкин.

Asaxiy.uz сайтидан яна юзлаб жаҳон адабиёти ва ўзбек адабиёти дурдоналарини ҳамёнбоп нархларда топасиз. Асахийдан сотиб олган китобингизни тезда ўзлари уйингизга элтиб беришади.

Яна бир ажойиб янгилик, эндиликда дунёни қайси мамлакатида бўлманг Асахийнинг мобил иловасини юклаб олинг ва Alimoff Team таржима қилиб бораётган машҳур асарларни бепул ўқинг! Ундан ташқари, карантин туфайли Жорж Оруэллнинг ўзбек тилига таржима қилинган ва шу кунгача сотувда бўлган 1984 асарини ҳам шу илова орқали энди мутлақо бепул ўқишингиз мумкин. Иловани ўзим ишлатиб кўрдим, жуда қулай ва энг сўнги дунё бестселлерларини ўзбек тилида топдим.

Дастур борасида муаммолар бўлса ёки китоб сотиб олишда ёрдам керак бўлса @asaxiymedia аккаунти орқали боғланишингиз мумкин.

Китобдан яхши нарса бу фақатгина яхши китобдир. Китоб ўқинг, дунёга ўзгача назар ташланг!

Каналга уланиш 👉@nurbekalimov