🎉Balalarǵa sheksiz quwanısh baǵıshladı

Ájiniyaz atındaǵı Nókis mámleketlik pedagogikalıq institutı gumanitar hám jámiyetlik pánlerdi aralıqtan oqıtıw kafedrası mektepke shekemgi tálim baǵdarınıń professor-oqıtıwshıları paytaxtımız Nókis qalasındaǵı 39-sanlı mektepke shekemgi bilimlendiriw shólkeminde bolıp, usı jerde tárbiyalanıp atırǵan balalar menen ushırastı.

Olarǵa ózleri menen alıp kelgen sawǵaların berdi, kewillerin kóterdi.

Mektepke shekemgi bilimlendiriw shólkemi direktorı G.Tájibaeva kafedra professor-oqıtıwshılarına minnetdarshılıq bildirdi.

Balalar tárepinen tayarlanǵan hár qıylı ayaq-oyınlar hám qosıqlardan ibarat koncert baǵdarlaması keshege bayram keypiyatın baǵıshladı.

Institut oqıtıwshıları keleshegimiz iyeleri bolǵan jas áwladtı tárbiyalawda, olarǵa tálim-tárbiya beriwde ayanbay xızmet etip atırǵan pedagog-tárbiyashılardıń mashaqatlı jumıslarında tabıslar tiledi.

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

🇺🇿🇩🇪Реализация международного проекта

Профессорско-преподавательский состав кафедры русского языка и литературы НГПИ им. Ажинияза работает над международными проектами.

Один из таких проектов: «Обмен и академическая мобильность между преподавателями и студентами» по Erasmus+.

В целях реализации пунктов вышеуказанного проекта завкафедрой русского языка и литературы доцент А.А.Ходжаниязова посетила в качестве координатора от института Дрезденский технический университет, ознакомилась с учебным процессом, учебными планами, программами данного университета, также были проведены семинары, встречи с организаторами и координаторами проекта.

Подробно 👇👇👇
https://ndpi.uz/ru/2024/06/15/29649/

Подписывайтесь на нас

📱 Telegram | 📱 Instagram | ▪️ Facebook | ▪️ YouTube

Bilimlendiriw tarawınıń pidayısı Qalbay Seytmuratovtıń 70 jıllıǵı belgilendi

Ájiniyaz atındaǵı Nókis mámleketlik pedagogikalıq institutında Ózbekstan hám Qaraqalpaqstan xalıq bilimlendiriw aǵlası, belgili pedagog hám ilimpaz, pedagogika ilimleriniń kandidatı, docent Qalbay Seytmuratovtıń 70 jıllıǵına arnalǵan yubiley keshesi bolıp ótti.

Kesheni institut rektorı wazıypasın waqıtsha atqarıwshısı Quvondiq Qodirov basqarıp bardı.

Ilajda ulıwma pedagogika hám psixologiya kafedrasınıń baslıǵı, pedagogika ilimleriniń doktorı, professor Tájibay Ótebaev, Qaraqalpaqstan xalıq muǵallimi, pedagogika ilimleriniń kandidatı, professor Arzı Pazılov, pedagogika ilimleriniń kandidatı, docent Túrkmenbay Jiyemuratovlar yubiley iyesiniń ómiri hám ilimiy-pedagogikalıq jumısları haqqında bayanatlar jasadı.

Qalbay Seytmuratov 1954-jıl 15-iyunda Shımbay rayonında dúnyaǵa kelgen. Orta mektepti pitkergennen soń Nókis awıl xojalıǵı texnikumında, sońınan Tashkent mámleketlik pedagogikalıq institutında oqıdı. Bilimlendiriw tarawındaǵı miynet jolın Aqmańǵıt pedagogikalıq oqıw ornında oqıtıwshılıqtan baslaǵan bolsa, keyin ala direktor orınbasarı lawazımında, Nókis mámleketlik universitetinde juwapkerli lawazımlarda isledi.

Miynet jolı dawamında Qaraqalpaqstan Respublikası Ministrler Keńesi, Xalıq bilimlendiriw ministrligi, Respublikalıq oqıw-metodikalıq orayı, Respublikalıq xalıq bilimlendiriw xızmetkerleriniń qánigeligin jetilistiriw hám qayta tayarlaw institutı, Nókis pedagogikalıq kolledji, Qaraqalpaq mámleketlik universiteti hám Nókis mámleketlik pedagogikalıq institutında miynet etip, respublikamızdıń bilimlendiriw tarawınıń rawajlanıwına, zamanagóy pikirleytuǵın, joqarı potencialǵa iye bolǵan kadrlar tayarlaw jumıslarına óz úlesin qostı.

Házirgi waqıtta instituttıń ulıwma pedagogika hám psixologiya kafedrasınıń docenti sıpatında bolajaq pedagoglardıń tálim-tárbiyası máseleleri boyınsha óziniń kóp jıllıq tájiriybesi menen jaslarǵa ustazlıq etip kelmekte.

Tolıq maǵlıwmat 👇
https://ndpi.uz/qq/2024/06/15/29659/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube