DAVLAT TILI – FUQAROLARNI BIRLASHTIRUVCHI OLIY QADRIYAT

Oʻzbek tili xalqimiz uchun milliy oʻzligimiz va mustaqil davlatchilik timsoli, bebaho ma’naviy boylik, buyuk qadriyatdir.
Shavkat Mirziyoyev

Oltoy tillar oilasining turkiy guruhiga kiruvchi oʻzbek tili qadimiy va boy til sanaladi. Bu tilda ifodalab boʻlmaydigan fikrning oʻzi yoʻq. Oʻzbek tilining ilk tadqiqotchilaridan biri A.Navoiy oʻzining “Muhokamat-ul lugʻatayn” (“Ikki til muhokamasi”) asarida turkiy tilning naqadar boy til ekaniga e’tibor qaratadi va uni fors-tojik tili bilan qiyoslar ekan, turkiy (oʻzbek tili)ning barcha imkoniyatlarini ilmiy asoslaydi. Shu bilan birga boshqa tillarni kamsitmagan holda har bir tilning oʻziga xos xususiyatlarini bayon qiladi.

Maqolani batafsil oʻqish 👇
https://ndpi.uz/uz/2023/10/21/25746/

Kanalimizga obuna boʻling 👉 @nmpi1934

#21_oktabr
#Oʻzbek_tili_bayrami
#Nukus_DPI

Ona tilim

Qoshg‘ariydan Navoiy bobomgacha to bugun,
Ona tilim, qon, jonim hayotimsan aslida.
Ash’or bitmoq imkonim, soʻz boyligim inchunun,
Bayram sabab chin dildan bitgum senga qasida.
Sohibqiron Temurning “Ko‘hi nuri” boshqacha,
Mahv aylagan dunyoni “Tuzuk duri” boshqacha!

Choʻlpon, Fitrat, Qodiriy qalblarida armonsan,
G‘animlar tosh otsa ham yiqilmading sen minbad.
Bedanaga “bitbildiq” oshiq dilga armonsan,
Bulbullarga navosan bor ekansan toabad.
Hatto qushlar tushungay seni tilim, qush tilim,
Zabonlarning ulug‘i tillar ichra xush tilim.

Nur jilongdan uyalar hatto ko‘kda yulduz oy,
Or diyonat, oqibat ishqu vafo senda jo.
Qaydan olding ilohiy kalomingni xushchiroy,
Yaratganga qilurman o‘lgunimcha iltijo!
Ona tilim jozibang jaranglaring boshqacha,
Til mulkida she’r bo‘lib yaralganing boshqacha.

Bani odam so‘z qotar turfa ajib tillarda,
Sen bo‘lmasang balki men ingliz farang so‘zlardim.
Shukr deyman boringga ming bir rangsan gullarda,
She’rim uchun kimgadir balki xiroj to‘lardim.
Latofatda yagona duru marjon boshqacha,
Ona tilim buyuksan nuru jahon boshqacha.

Go‘zalliging his etar jami o‘zbek millatim,
Abdulla Orif birla Erkin Vohid yod bilgan.
Shavkat Rahmon, Oybegu, Qahhorlarga himmatim,
Zarvaraqli tarixing kitobiga bitilgan.
Ko‘p tillarni angladim lekin o‘zing boshqacha,
Hatto lugʻat ko‘rmagan jargon so‘zing boshqacha.

Bugun ulug‘ maqoming istiqlolga shukrona,
Qutlug‘ bo‘lsin sen qayta tugʻilgan kun, ey tilim.
Yangramoqda madhiyam jahon uzra mardona,
Tinchlik sari dunyoni chorlab bugun shod dilim.
Butun olam mahliyo chorlashlaring boshqacha,
Yuraklarni yondirib porlashlaring boshqacha.

Madh aylagay Nodirbek, seni tilim koʻp bora,
Moziy aro marjondek ko‘zga etib to‘tiyo.
Oʻtmishingni eslasa dili bo‘lgay dilpora,
Kechirmoqda sen sabab totli umr purziyo!
Har bir madhi chindanam bitilgaydir boshqacha,
Boqar yorqin kelajak va kulgaydir boshqacha!

©️Nodirbek Bozorboyev,
Ajiniyoz nomidagi Nukus davlat pedagogika instituti Turkiy tillar fakulteti oʻzbek tili va adabiyoti ta’lim yoʻnalishi talabasi.

Kanalimizga obuna boʻling 👉 @nmpi1934

TIL – MILLATNING MA’NAVIY TAYANCHI

«Har bir millatning dunyoda borligini koʻrsatadurgʻon oyinai hayoti tili va adabiyotidur. Milliy tilni yoʻqotmak millatning ruhini yoʻqotmakdur».
(Abdulla Avloniy)

Hozirda dunyoda yetti yarim milliard atrofida inson yashaydi va ularning hech birining barmoq uchidagi izi boshqa birinikiga oʻxshamaydi. Shuncha xalq yaqin-yaqinlargacha yetti-sakkiz mingta tilda gaplashgan. Hozir bu raqam 6000ga qadar qisqargan. Bularning ham 90 foizi yoʻqolib ketish arafasida. Chunki olimlarning xabar berishicha, har ikki haftada bitta til oʻlib boryapti.

Dunyoda yana shunday tillar borki, ularda faqat eru xotingina gaplashadi. Ulardan keyin til ham egasiz qoladi. Tilning egasi orqasidan tilning oʻzi ham tarixga aylanadi. Shu bilan birga, buning tamomila teskarisi ham boʻlishi mumkin: el yashayveradi, lekin oʻz tilini qoʻyib oʻzga tilda gaplashadi. Bunday holda ham til oʻladi.

Maqolani batafsil oʻqish 👇
https://ndpi.uz/uz/2023/10/21/25748/

Kanalimizga obuna boʻling 👉 @nmpi1934

📹«InnoWeek-2023»: NMPIde kreativ bilimlendiriw hám zamanagóy bilimlendiriw metodikalarına baǵıshlanǵan kórgizbe hám konferenciya bolıp ótti

«Kreativ bilimlendiriw hám innovaciyalar – Jańa Ózbekstan rawajlanıwınıń tiykarı» súreni tiykarında ótkerilip atırǵan «InnoWeek.Uz-2023» innovaciyalıq ideyalar hápteligi sheńberinde Ájiniyaz atındaǵı Nókis mámleketlik pedagogikalıq institutında kreativ bilimlendiriw hám zamanagóy bilimlendiriw metodikalarına baǵıshlanǵan kórgizbe hám konferenciya shólkemlestirildi.

YouTube arqalı kóriw 👇
https://youtu.be/BYHEx89C6e0

Kanalǵa aǵza bolıń 👉 @nmpi1934