«Keleshek liderleri» klubı aǵzaları bolǵan NMPI studentleri jaslar forumında múnásip sıylıqlandı

Paytaxtımız Nókis qalasında «Ózbekstan jasları forumı – 2021» hápteligi sheńberinde «Keleshek liderleri» forumı ótkerildi.

Tolıq maǵlıwmat 👉 https://ndpi.uz/qq/2021/12/18/16800/

Kanalımızǵa aǵza bolıń 👉 @nmpi1934

Voleybol boyınsha «Jaslar kubogı» jarısında NMPI komandası 1-orındı iyeledi

Ájiniyaz atındaǵı Nókis mámleketlik pedagogikalıq institutı sport zalında joqarı oqıw orınlarınıń student-qızları arasında voleybol boyınsha «Jaslar kubogı» jarısı ótkerildi.

Jarısqa respublikamızdaǵı joqarı oqıw orınlarınan jámi 9 komanda qatnasıp, jarıs jumaǵına bola:

1-orındı Nókis mámleketlik pedagogikalıq institutı komandası;
2-orındı Ózbekstan mámleketlik dene tárbiyası hám sport universiteti Nókis filialı komandası;
3-orındı Qaraqalpaq mámleketlik universiteti komandası iyeledi.

Jarıs jeńimpazları shólkemlestiriwshiler tárepinen diplom hám estelik sawǵaları menen sıylıqlandı.

Kanalımızǵa aǵza bolıń 👉 @nmpi1934

NMPI magistrantı «Jas dóretiwshiler klubı»nıń bas koordinatorı etip saylandı

Nókis qalasındaǵı Jaslar orayında «Jas dóretiwshiler klubı»nıń ashılıw keshesi bolıp ótti.

Ilajǵa elimizge belgili jazıwshı hám shayırlar, ádebiyatshılar, ádebiyatqa qızıǵıwshı jaslar hám ǵalaba xabar quralları xızmetkerleri qatnastı.

Kesheni Qaraqalpaqstan xalıq shayırı, Qaraqalpaqstan Jazıwshıları awqamınıń baslıǵı K.Kárimov kiris sóz benen ashıp berip, klubtıń aldaǵı islerine rawaj tiledi.

Keshe dawamında klub koordinatorlarına koordinatorlıq gúwalıǵın tapsırıw máresimi de bolıp ótti.

Itibarlısı, jańadan shólkemlestirilgen «Jas dóretiwshiler klubı»na NMPI magistrantı, jas shayır Allayar Dármenov bas koordinator etip saylandı.

Kanalımızǵa aǵza bolıń 👉 @nmpi1934

NMPI studenti respublikalıq kólemde ótkerilgen shıǵarmalar tańlawında 3-orındı iyeledi

Ózbektan «Milliy tiklanish» demokratiyalıq partiyası tárepinen elimizde júrgizilip atırǵan demokratiyalıq reformalardı úgit-násiyatlaw, jaslardıń huqıqıy bilimlerin jetilistiriw, bilimlendiriw, medicina, óndiris hám basqa da tarawlarda korrupciyanıń aldın alıwǵa baǵdarlanǵan «Nızam - korrupciyaǵa qarsı gúresiwde eń nátiyjeli qural (Men korrupciyaǵa qarsıman)» atamasında shıǵarmalar tańlawı ótkerildi.

Tańlawǵa Ózbekstan boylap 100 ge shamalas joqarı oqıw orınları studentlerinen 1000 ǵa shamalas dóretiwshilik jumıslar kelip tústi. Olar arasınan eń jaqsıları anıqlanıp, 10 student jeńimpaz dep tabıldı.

Quwanıshlısı, olar arasında NMPI pedagogika fakultetiniń studenti Aysultan Sharafatdinova sıylı 3-orındı iyelep, diplom, estelik sawǵaları hám «IELTS» sertifikatı imtixanı ushın tólew vaucherine iye boldı.

Kanalımızǵa aǵza bolıń 👉 @nmpi1934

Kitap jańalıǵı

Ájiniyaz atındaǵı NMPI baslawısh tálim fakulteti ulıwma pedagogika hám psixologiya kafedrası docenti Túrkmenbay Jiyemuratovtıń «Qızıl jıńǵıl gúlleri» (Qosıqlar hám gúrrińler toplamı) atamasındaǵı jańa kitabı jarıq kórdi.

Jaqında «Qaraqalpaqstan» baspasınan shayır Túrkmenbay Jiyemuratovtıń «Qızıl jıńǵıl gúlleri» atlı balalar hám jas óspirimlerge arnalǵan qosıqlar hám gúrrińler toplamı (8 baspa tabaq) 2 000 nusxada basılıp shıqtı.

Bul kitaptı oqıǵan oqırman ózlerine ruwxıy azıq alıp, kewli tolatuǵınına isenimimiz kámil.

Kitapqa shayır Ábilqasım Ótepbergenov hám jazıwshı Beknazar Ernazarovlar pikir bildirgen.

Kanalımızǵa aǵza bolıń 👉 @nmpi1934

Intellektual turnirdiń final basqıshı bolıp ótti

NMPI tariyx fakulteti student-jasları arasında ótkerilip kiyatırǵan "Zakovat" intellektual turniriniń final basqıshı bolıp ótti.

Final basqıshında fakultettiń barlıq kurslarınan komandalar qatnastı hám óz bilimlerin sınaqtan ótkerdi.

Solay etip, turnir juwmaǵına muwapıq 1-orındı "Atlantik", 2-orındı "Shin-feyn", al 3-orındı "Galaktika" komandaları iyeledi.

Final basqıshında qatnasqan barlıq komandalarǵa fakultet dekanatı tárepinen diplom hám estelik sawǵaları tapsırıldı.

Kanalımızǵa aǵza bolıń 👉 @nmpi1934