Axborot va ommaviy kommunikatsiyalar agentligida “Yangi O‘zbekiston” universiteti rahbariyati ishtirokida matbuot anjumani o'tkazildi.

🎙Matbuot anjumanida universitetga 2024/2025 o'quv yili uchun o'qishga arizalar qabuli, imtihonlar va qabul shartlari bo'yicha ma'lumot berildi.

📚 Unga ko'ra Kimyo va materialshunoslik muhandisligi, Mexanika muhandisligi, Dasturiy ta’minot muhandisligi, Kiber xavfsizlik, Sun’iy intellekt va robototexnika, Amaliy matematika, Iqtisodiyot va ma’lumotlar tahlili, Pedagogika va Sanoat boshqaruvi kabi 9 ta ta'lim yo'nalishining bakalavriat bosqichiga o'qishga arizalar qabul qilinadi.

🌐 Qabul shartlariga ko‘ra o‘qishga ariza topshiruvchi talabgorlardan ingliz tilini eng kamida B2 darajada bilishni tasdiqlovchi sertifikatga ega bo‘lishi talab etiladi. Bunda talabgorlar minimum IELTS 5.5, CEFR B2 va TOEFL iBT 46 kabi natijalarga ega bo‘lishi kerak.

❗️Ingliz tilini bilish darajasini tasdiqlovchi sertifikati bo‘lmagan abituriyentlarning ham arizalari qabul qilinadi. Ammo ular 26-avgustga qadar talab etilgan minimum darajaga ega ekanliklarini tasdiqlovchi sertifikatni qabul bo‘limiga taqdim etishlari kerak bo‘ladi.

❗️Akademik litsey, kollej va maktablarning oxirgi sinf o‘quvchilari ham hozirdan o‘qishga ariza topshirishlari mumkin va ulardan 26-avgustga qadar bitiruv attestatini qabul bo‘limiga topshirishlari talab etiladi.

✅ Universitetda qabul imtihonlarida yuqori natija qayd etgan talabgorlarga turli miqdordagi grantlar ajratiladi.

🔁 English
➖➖➖➖➖➖➖➖➖➖➖➖➖
#matbuot_anjumani #qabul_2024

⬇️ Biz ijtimoiy tarmoqlarda:
Veb-sayt | Telegram | Instagram | Facebook