#International_national_sweets_day

XALQARO MILLIY SHIRINLIKLAR KUNI

Navoiy shahridagi Prezident maktabida 4-dekabr "Xalqaro milliy shirinliklar kuni" munosabati bilan shirinliklar festivali o‘tkazildi.

Oʻzbek xalqining azal-azaldan sevib isteʼmol qilgan mazali, mayin, xushboʻy, foydali va barchaga birdek yoqadigan shirinliklari, quruq mevalar-u milliy qandolatchilik mahsulotlari sinflar kesimida namoyish etildi.

Oʻquvchilar dasturxonlarni milliy noz-neʼmatlar bilan bezatar ekan, ular uchun bu kun unutilmas shirin xotiralarga boy boʻldi.

#Navoiy_Prezident_maktabi
#viktorina

Navoiy shahridagi Prezident maktabida "tarix va tarbiya haftaligi" doirasida 7-Blue va 7-Green sinf oʻquvchilari oʻrtasida Jahon tarixi fanidan viktorina tashkil etildi.

Qizgʻin kechgan musobaqada ikkala jamoa oʻquvchilari faol ishtirok etib, oʻz iqtidorlarini namoyon etdilar.

Tarix bilimdonlariga hamisha omad va muvaffaqiyatlar yor boʻlsin!

#Navoiy_Prezident_maktabi

SPORT - SOGʻLIK GAROVI

Navoiy shahridagi Prezident maktabida oʻquvchilarining boʻsh vaqtlarini mazmunli tashkil etish maqsadida turli sport-sogʻlomlashtirish tadbirlari tashkil etilmoqda.

Navoiy viloyat Milliy Gvardiya Qoʻriqlash boshqarmasi bilan hamkorlikda oʻquvchilar oʻrtasida quvnoq startlar oʻyinlari oʻtkazilib, unda 5-sinf oʻquvchilari faol ishtirok etishdi.

Gʻolib boʻlgan jamoa hamkor tashkilot tomonidan esdalik sovgʻalari bilan taqdirlandilar.