#Zakovat

✅ Bugun Agentligimiz tizimidagi maktablar o’rtasida “Zakovat” intellektual o’yinining respublika bosqichi bo’lib o’tdi.

Unda maktablarimizdan 26 ta terma jamoa ishtirok etib, 4 tur doirasida o’z bilimlarini sinovdan o’tkazishdi.

❗️”Zakovat" o'yinlari asoschisi Abdurasul Abdullayev o’quvchilarimizning savollarga javob berishdagi tezkorliklari, murakkab savollarga ham oson javob topishlarini alohida e’tirof etdi.

Musobaqa yakuniga ko'ra:

🥇1-o'rinni - Namangan shahridagi Prezident maktabi,
🥈2-o'rinni - Abdulla Oripov nomidagi ijod maktabi,
🥉3-o'rinni - Samarqand shahridagi Prezident maktabi jamoasi qo’lga kiritdi.

Sovrindor jamoalarning har bir a’zosi diplom va noutbuklar bilan taqdirlanishdi. Shuningdek, g’olib jamoalarga “Zakovat” stipendiyasi ham berilishi ko'zda tutilgan.

O’yin qizg’in bahslarga boy holda o’tdi. Har bir tur natijalari hayajon bilan qarshi olindi. Shuningdek, o'yin doirasida appelyatsiya jarayonlari ham bo’lib o’tdi.

Aytish mumkinki, bunday o’yinlar yoshlarimizning intellektual salohiyatini oshirish va bo’sh vaqtlarini samarali tashkil etishda alohida ahamiyatga ega.

O’quvchilarimizga bundan keyingi faoliyatlari hamda o’qishlarida ham omad tilayman.

Zafar hamisha yor bo’lsin, aziz yoshlar!

#Navoiy_Prezident_maktabi

MILLIY FAZILATLAR - BEBAHO BOYLIGIMIZ

❇️ Navoiy shahridagi Prezident maktabida tonggi "Speech time" Davlat madhiyasi bilan boshlandi.

✅ Oʻquvchilarni maktab odob-axloq qoidalariga qatʼiy amal qilish koʻnikmasini shakllantirish maqsadida maktab konstitutsiyasining Odob-axloq qoidalari bilan tanishtirildi. Uning nusxasi sinflar kesimida oʻquvchilarga tarqatildi.

Oʻquvchilarda mehr-oqibatlilik, kattalarga hurmat, kichiklarga izzat kabi fazilatlarni tarbiyalashga qaratilgan "Axloq kodeksi" yosh avlod vakillari ongi va qalbida olijanob fazilatlarni kamol toptirishni nazarda tutadi.

⬇️⬇️⬇️
Telegram | Facebook

#Navoiy_Prezident_maktabi
#team_building
#psychologist_time

BIZ - BIR JAMOAMIZ!

🎈 Navoiy shahridagi Prezident maktabida oʻquvchi-qizlar bilan jamoani shakllantirish va oʻzaro samarali munosabatlarni oʻrnatish maqsadida "Biz - bir jamoamiz!" trening mashgʻuloti oʻtkazildi.

🔅 Maktab psixologi O.Fayziyeva tomonidan oʻtkazilgan ushbu trening mashgʻuloti oʻquvchilarga birlashish, oʻzaro hamkorlik, tushunish, qabul qilish ko'nikmalarini egallash va rivojlantirishlariga imkon berdi.

🌈 Chaqqonlik, aniqlik, fikrlashning oʻziga xosligi, boy tasavvur hamda yumor tuygʻusi bilan oʻquvchi-qizlar oʻrtasida ijobiy psixologik muhit yaratildi.


⬇️⬇️⬇️
Telegram | Facebook

#Navoiy_shahar_Prezident_maktabi
#ot_sporti🐎🐎🐎

CHAVANDOZLAR MAKTABIGA SAYOHAT

✅ Navoiy shahridagi Prezident maktabi o'quvchilariga Milliy gvardiyaning Navoiy viloyat chavandozlar maktabi yo‘riqchi mutaxassislari tomonidan ot sporti va chavandozlik to‘g‘risida ma’lumotlar berib o‘tildi.

✅ Mashg‘ulotlarda ishtiyoq bilan ishtirok etgan yoshlarda abjirlik, epchillik kabi xususiyatlarni shakllantirilib, ularning o‘tkir zehnli va sog‘lom bo‘lishlariga ahamiyat berildi.

⬇️⬇️⬇️
Telegram | Facebook