#matbuot_anjumani

Darsliklar bilan ta’minlash yo‘nalishida raqamli tizim yaratilmoqda

Anjumanda ishtirok etayotgan bloger Zafar Solijonov darsliklar bilan ta’minlash mavzusida savol berdi:

Siz vazir bo‘lishingizdan oldin darsliklar masalasi ancha muammo bo‘lgan. Murojaatlar soni ham ko‘p edi. Hozir vaziyat yaxshilandimi? Darsliklar bilan ta’minlash bo‘yicha ma’lumot bersangiz? Muammolar bormi yoki muammolar to‘liq bartaraf etildimi?

Javob:

Haqiqatan, eng ko‘p muhokama bo‘ladigan mavzulardan biri. Umuman olganda, darsliklar yetkazib berish masalasi bo‘yicha may oyida reja tasdiqlanadi. Ya’ni, har bir hudud o‘z ehtiyoji asosida buyurtma beradi. Vazirlik buyurtmalarni muvofiqlashtiradi va o‘quv yili boshlanishiga qadar yetkazib beradi.

Sentabr oyida ham ba’zi o‘quvchilar maktabini o‘zgartirishi mumkin, darslik esa o‘sha o‘quvchining eski maktabiga etkazilgan bo‘ladi. Shuning uchun ba’zi maktablarda darslik ortib qoladi, ba'zi maktablarda darslik yetmay qoladi. Bu vaziyatlar turli tushunmovchiliklarni yuzaga keltirishi mumkin. Biz buni inobatga olib, operativ ishlash uchun har bir hududda shtab tashkil qildik va muammolarni joyida hal qilishga harakat qilamiz. Yana shuni aytib o‘tishim joizki, hozirda darsliklar bilan ta’minlash yo‘nalishida raqamli tizim yaratilmoqda. Bu endilikda mavjud muammolarni yanada tezkor hal qilishimizga imkon yaratadi — dedi Hilola Umarova.

O‘qituvchi-pedagoglarning maoshi qachon 1000 AQSH dollaridan oshadi?

Matbuot anjumani doirasida o‘qituvchi-pedagoglarning maoshi qachon 1000 AQSH dollaridan oshishi bilan bog‘liq savol ham berildi.

“Hamma joyda shu savol beriladi. Umuman, o‘qituvchilarning oyligi oshishi biz uchun ham muhim. Bu bo‘yicha Moliya vazirligi bilan doimiy hamkorlikda ishlayapmiz. Bir narsani aytib o‘tishimiz kerak, bugun 1000 AQSH dollaridan ko‘p oylik oladigan ustozlarimiz bor.

Ma’lumot uchun, bugungi kunda oʻqituvchilarning oʻrtacha oylik ish haqi 3,4 mln soʻmni tashkil etadi. 2023-yilning mos davriga nisbatan 13,3 foizga oshgan.

Shuningdek, oliy toifali, direktor jamgʻarmasi hisobidan ustama oluvchi hamda xalqaro darajada tan olingan sertifikatga ega oʻqituvchilarning ish haqi miqdorlari 10 mln soʻm.

Vazir jamgʻarmasi hisobidan har oylik ustama 5,7 mln soʻm, sinovlardan shaffof o‘tgan o‘qituvchilarga bu pul ham to‘lab beriladi, asosiysi, ustozlar soniga chegara qo‘yilmagan.

Shuningdek, olis hududga borib ishlaydigan oʻqituvchilarga 3,7 mln soʻmgacha, xalqaro olimpiada gʻolibi boʻlgan hamda bugungi kunda oʻqituvchi boʻlib ishlayotganligi uchun 4,1 mln soʻmgacha ustama beriladi.

Hozirda umumtaʼlim maktablarining 1000 AQSH dollari va undan yuqori miqdorida ish haqi oluvchi oʻqituvchilari soni 6000 nafardan ziyodni tashkil etadi. Yildan yilga oyliklarimiz va o‘z ustida ishlaydigan ustozlarimiz soni ko‘paymoqda.

Barcha ustozlarimiz yuqori miqdorda oylik olishlarini xohlayman. Ularning o‘z ustida ishlashi va munosib yutuqlarga erishishi uchun sharoit yaratib berishga, bor imkonim bilan yordam berishga harakat qilaman” – dedi vazir Hilola Umarova.

#Navbahor_tumani
#JARAYON

"Kamalak" bolajonlarni o‘z bag‘riga oldi.

🇺🇿Yurtimiz mustaqilligining 33 yilligi munosabati bilan "Bir bo'lsak - yagona xalqmiz, birlashsak - vatanmiz" shiori ostida kuni kecha Navbahor tumani "O'zbekiston" MFYda tashabbuskor tadbirkor Karomat Yo'ldashova tomonidan quvvati 50 o'rinli davlat-xususiy sherikchilik asosidagi "Kamalak" oilaviy nodavlat maktabgacha ta'lim tashkilotining ochilish marosimi bo'lib o'tdi.

☘Tadbirda tuman hokimining birinchi o'rinbosari Murodjon Jumaboyev, tuman hokimining ijtimoiy masalalar buyicha o'rinbosari Abror To'xliyev, tuman Maktabgacha va maktab ta'limi bo'limi bosh'ligi Nigora Amonova , O'zbekiston MFYninig yettilik a'zolari hamda mahalla faollari ishtirok etdi.

☘Tashkilotda rus tili, ingliz tili, mental arifmetika to'garaklari faoliyati yo‘lga qo‘yilgan.

Navoiy viloyati Maktabgacha va maktab ta'limi boshqarmasi matbuot xizmati.