Наманган вилояти ИИБ бошлиғи полковник Шухрат Алиев Янги Наманган туманидаги маҳаллалар фаолиятини ўрганди

Маҳаллаларда жиноятчилик ва ҳуқуқбузарликларнинг олдини олишда аҳоли муаммоларини аниқлаш ва ҳал этиш, тадбиркорликни ривожлантириш, аҳоли бандлигини таъминлаш маҳалла ходимларининг асосий вазифалари сифатида белгилаб берилиб, уларнинг ҳамкорликдаги фаолияти раҳбарлар томонидан доимий равишда ўрганилиб борилмоқда.

Бугун полковник Шухрат Алиев Янги Наманган туманининг «Гўзал» ва «Беруний» маҳалласида бўлиб, маҳалла ходимларининг ўтган давр мобайнидаги фаолиятини атрофлича муҳокама қилди ва аҳоли билан етарлича иш олиб борилмаганлиги ҳамда ҳудудда назорат ташкил этилмаганлиги натижасида оила турмуш доирасидаги жиноятлар содир этилаётганлиги кескин танқид қилди.

Шунингдек, жиноятчиликни олдини олишда маҳалла ходимларининг ўзаро ҳамкорлиги ва масъулиятини янада ошириш ҳамда ҳар бир фуқаро билан индвидуал ишлаш устувор вазифа эканлиги алоҳида таъкидланиб, масъул раҳбар ва ходимларга бу борада аниқ топшириқлар берилди.

Наманган вилояти ИИБ Ахборот хизмати.

Наманган ёшлари билан очиқ мулоқот ўтказилди

Унда Ўзбекистон Республикаси Президенти администрациясининг масъул ходими Асилбек Муртазаев иштирок этди. Тадбирда ёшлар ўзларининг фикр-мулоҳазалари, долзарб муаммолари ва таклифларини айтишди.

Ёшлар таълим, инновациялар, талабаларнинг фаоллигини ошириш ва бу борада тизимли ишларни амалга ошириш борасида ўзларини қизиқтирган саволлар билан мурожаат қилиб, ушбу соҳаларда ўз таклифларини билдириб ўтдилар.

Ушбу очиқ мулоқот ёшларнинг орзу-интилишларини қўллаб-қувватлаш, уларга ёндашувлар ва янгиликлар киритиш борасида муҳим қадам бўлиб, ўз келажагини ўзи қуришга интилаётган ёшлар учун қимматли тажриба бўлди.

Наманган вилояти Ёшлар ишлари бошқармаси