«Халқаро гуллар фестивали ўзининг биринчи ҳафтасида узоқ-яқин хорижнинг 43 давлатидан 40 мингга яқин меҳмонни чорлади. Нафосат ва гўзаллик байрамини кўргани келганлар сони 2,5 миллиондан ортди. Шуни алоҳида таъкидлаш жоизки, Ахсикент бўйича бундай нуфузли халқаро анжуман биринчи бор ўтказилмоқда. У муҳтарам Президентимиз томонларидан ёдгорлик мажмуасини ривожлантириш бўйича бошланган ишларнинг лойиҳаси учун пухта замин ҳозирлади», - Наманган вилояти ҳокими Шавкатжон Абдураззоқов Фарғона водийсида туризм: Ахсикент туризм марказини яратиш мавзусида халқаро илмий-амалий конференцияси иккинчи иш кунида иштирок этиб, оммавий ахборот воситалари вакиллари саволларига жавоб берди.

Шунингдек, вилоят раҳбари хорижлик экспертлар ва халқаро ташкилотлар вакиллари билан мулоқот қилди.

Ўзбекистоннинг Покистондаги туризм элчиси Аммад Роҳайл, архитектор, доктор Заҳро Хусайнлар вилоят раҳбарига ўз совғаларини топширдилар.

Sayt | Telegram | Instagram | Facebook |Twitter | YouTube

«Амалий натижа бор жойда тараққиёт бўлади», - Наманганда 62-Халқаро гуллар фестивали доирасида Фарғона водийсида туризм: Ахсикент туризм марказини яратиш мавзусида халқаро илмий-амалий конференцияси иккинчи куни биринчи ярми ёрқин тадбирларга бой бўлди.

Дастлаб, вилоят ҳокимининг ўринбосари Ботир Нуриддинов покистонлик Аммад Роҳайл, Заҳро Хусайн, ҳиндистонлик Ражив Гоял, мисрлик Аҳмад Қандил ва индонезиялик Риан Тимандарларга Наманганнинг туризм элчиси фахрий мақомларини тасдиқловчи диплом топширди.

Кейин эса, америкалик ёзувчи Марк Ризнинг Ўткан кунлар китоби инглизча таржимадаги версияси тақдимот маросими бўлиб ўтди. Ёзувчи китобларини Ёшлар зиё масканига тақдим этди.

Шунингдек, Наманган вилояти Медиа Департаменти ва Қозоғистоннинг Туркистон ТВси ўртасида ўзаро ҳамкорлик меморандуми имзоланди.

Ботир Нуриддинов ва Ражив Гояллар эса гастрономик туризмни ривожлантириш бўйича ҳужжатга имзо чекдилар.

Халқаро конференциянинг амалий куни амалий ишларга бой ўтди.

Sayt | Telegram | Instagram | Facebook |Twitter | YouTube