Тинчлик-хотиржамлик  - энг улуғ неъмат!

Тинчлик қарор топган юртда хотиржамлик ҳукм суради, оқибатда, жамиятда ҳар томонлама юксалиш ва ривожланиш рўй беради.

Бугун Наманган шаҳрининг 1-сектор ҳудудида жойлашган 74-сонли мактабда “Тинчлик-хотиржамлик - энг улуғ неъмат” мавзусида очиқ мулоқот ташкил этилди.

Маҳалла фаоллари, нуронийлар, кенг жамоатчилик вакиллари ва ёшлар иштирок этган мулоқотда Наманган шаҳар ҳокими Ғофиржон Джамалов,  шаҳар бош имом-хатиби Абдуллохон Саматов, «Эл-юрт ҳурмати ордени» соҳиби Зиёвиддин Мансуровлар сўзга чиқиб, кўплаб давлатларда содир бўлаётган воқеалар ҳақида гапириб,  фаровон юртимизни, тинч ҳаётимизни қадрлаш, шукроналикда яшаш кераклигини такрорладилар.

Тинчлик ва хотиржамлик яратганнинг беҳисоб бўлган буюк илоҳий неъматларидан биридир. Қолаверса, барча эзгу ишлар рўёбга чиқишининг боиси ҳам осойишталикдадир. Шундай экан, инсонлар нафақат мавжуд тинчликни қадрига етиб, шукрини адо этишлари балки, унга ношукурлик қилиб путур етказишдан ҳам сақланишлари керак.

Наманган шаҳар ҳокимлиги

Sayt | Telegram | Instagram | Facebook |Twitter | YouTube

НАМАНГАН - АСАЛ МАҲСУЛОТЛАРИ ЕТИШТИРИШ ПОЙТАХТИГА АЙЛАНМОҚДА

«Янги Ўзбекистон» республика газетаси 2023 йил 31 октябрь, 226-сонида Наманган II Халқаро асал фестивали тўғрисида ва якунига бағишлаб чоп этилган таҳлилий мақоланинг тўлиқ вариянти билан Yuz.uz сайтидаги қуйидаги ҳавола орқали батафсил танишинг👇

https://yuz.uz/news/namangan--asal-mahsulotlari-etishtirish-poytaxtiga-aylanmoqda

“Яшил макон” умуммиллий лойиҳасининг кузги мавсуми доирасида Наманган вилоятининг барча ҳудудларида турли дарахт ва бута кўчатларини экиш ишлари жадал амалга оширилмоқда.

Бугун Бош прокурорнинг биринчи ўринбосари Б.Валиев, вилоят ҳокими Ш.Абдуразақов ҳамда вилоят прокурори У.Мадрахимов аҳоли пунктларида экологик вазиятни яхшилаш, ҳудудларни яшил маконга айлантириш мақсадида Поп туманида кўкаламзорлаштириш тадбирларини амалга оширишди.

Ташкил этилган тадбирда турли ҳил  мевали ва манзарали дарахт кўчатлари экилди.

Қозоғистон йўл хўжалиги тажрибаси  Наманганда қўлланилади

Водийда йўл хўжалигини янада такомиллаштириш мақсадида Наманган автомобил йўллари бош бошқармаси бошлиғи Акрамжон Ҳамдамов ташаббуси билан Қозоғистоннинг йирик асфалт босувчи "UneedUs group"  компанияси томонидан семинар ўтказилди.

Унда давлат аҳамиятидаги автомобил йўлларида асфалтнинг чақиртош мастикали ШМА-15 туридан экспериментал фойдаланишнинг техник жиҳатлари ва афзалликлари ҳақида тушунтирилди.

Семинарда  вилоят ҳокими ўринбосари Саидаҳмад Султонов ҳамда Фарғона, Андижон, Наманган вилоятлари автомобил йўллари тизими корхоналари вакиллари, асфалтлаш ишларини бажарувчи корхоналар раҳбарлари иштирок этди. 

ШМА-15 асфалт-бетон аралашмасини қўллаш  йўлларнинг ишлаш муддатини узайтириб, ҳаражатларни камайтиради, бу эса йўл соҳасида ресурсларни янада самаралироқ тақсимлашга имкон беради.

Ушбу тизимни жорий этишда Наманган вилояти етакчилик қилган ҳолда, мамлакатнинг бошқа ҳудудлари ҳам мазкур инновацион ёндашувни қўллаши кутилмоқда.

Наманган вилояти Автомобил йўллари бош бошқармаси