Кўкрак нишони муборак азиз фахрийлар.

"Кексаларни эъзозлаш, уларга ҳурмат-эҳтиром кўрсатиш халқимизга хос эзгу фазилатлардан. Мамлакатимизда ёши улуғ инсонларни ижтимоий қўллаб-қувватлаш, турмуш шароитларини янада яхшилаш, саломатлигини мустаҳкамлашга алоҳида эътибор қаратилмоқда. Зотан, нуронийларни эъзозлаган кам бўлмайди", Шавкат Мирзиёев.


Дархақиқат бу юрт шундай юртки қариялари эъзоз ва эҳтиром топган. Ёшлар улму марифатда камолотга эришиши, юртимиз равнақ топиши ва тинчлик хукмрон бўлишида уларнинг дуоси ижобатдир. Бугун Наманган нуронийлари учун қувончли кундир. Боиси вилоятимизда кўп йиллар турли соҳаларда меҳнат қилиб, ёшларнинг таълим тарбиясига муносиб хисса қўшган, маҳаллада шахсий наъмуна кўрсатган, ўз ўрнига эга бўлган 48 нафар нуроний отахон ва онахонларимиз “Меҳнат фаҳрийси” кўкрак нишони билан тақдирландилар. Ушбу тантанали маросимда вилоят хокими Шавкатжон Абдураззоқов, Маҳалла ва нуронийларни қўлаб-қувватлаш бошқармаси раҳбари Аҳмаджон Аълоходжаев, Маҳалла ва нуронийларни қўлаб-қувватлаш бошқармаси ўринбосари Икромжон Нажмиддинов ва Наманган шаҳар хокими, бир қатор фаоллар иштирок этдилар. Дастлаб вилоят хокими сўз олиб бугун вилоятдаги ижтиомий ва иқтисодий ўсишлар, янгликлар ва фаровонлик, тинчликни барқарорлигида манашу нуронийларимизнинг алоҳида ўрни ва роли борлигини таъкидлаб ўтди. Кейинги йилларда шахсан юртбошимиз бошчиликларида кекса авлодга алоҳида эътибор қаратилиб, шарт-шароитлар яратилаётганлигини таъкилаб ўтди. Шундан сўнг тақдирланганларга кўкрак нишони ва эсталик совғалари топширилди.
Эслатиб ўтамиз нуронийларимиз Ўзбекистон фаҳрийларининг ижтимоий фаолиятини қўллаб-қувватлаш "Нуроний" жамғармаси Васийлик кенгашининг 1 даражали "Меҳнат фаҳрийси” кўкрак нишонини билан 25 нафар ва 23 нафар эса 2 даражали худди шундай кўркак нишони билан тақдирландилар. Тадбир пир пиёла чой устида хонандаю, созандаларнинг куй қўшиқлари билан янада файзли ўтди.

“Давлат фуқаролик хизмати тўғрисида”ги Қонун тарғиботи давом этади!

Ўзбекистон Республикаси Президенти ҳузуридаги Давлат хизматини ривожлантириш агентлиги Наманган вилояти филиали ташаббуси билан Янгиқўрғон туман ҳокимлиги биносида тумандаги давлат органлари ва ташкилотларида фаолият олиб борадиган раҳбар ҳамда масъул ходимлар учун тарғибот семинари ташкил этилди.

Семинарда Давлат хизматини ривожлантириш агентлиги Наманган вилояти филиали раҳбар ўринбосари И.Ходжиев 4 август санасида Президент ҳузурида бўлиб ўтган “Давлат фуқаролик хизматини ислоҳ қилиш ҳамда бошқарувда натижадорликни таъминлаш чора-тадбирлари”га бағишланган видеоселектор йиғилишида белгиланган вазифалар, уларнинг ижросини таъминлаш борасида амалга ошириладиган чора-тадбирлар ҳамда 8 августда юртбошимиз томонидан имзоланган “Давлат фуқаролик хизмати тўғрисида”ги Ўзбекистон Республикаси Қонуни қабул қилинганлиги, мазкур қонун билан давлат фуқаролик хизматчиларининг ҳуқуқ-мажбуриятлари, вазифалари ҳамда уларнинг мақоми аниқ белгилаб берилганлиги таъкидланди.

Семинар якунида эса иштирокчиларнинг қонун борасидаги фикр-мулоҳазалари ҳамда таклифлари тингланди. Семинар иштирокчиларига қонуннинг мазмун-моҳияти ва аҳамиятини давлат хизматчиси сифатида аҳоли ўртасида кенг тарғиб этиш борасида тавсиялар берилди.

☀️ ⛅️ 19 август куни ҳаво бироз булутли бўлади, ҳаво ҳарорати 36 даражагача иссиқ бўлади

▫️Республика Гидрометеорология маркази 19 август кунги об-ҳаво маълумотини эълон қилди.

▫️Наманган вилоятида ҳаво бироз булутли бўлади, айрим жойларда ўзгариб туради, ёғингарчилик бўлмайди. Шарқдан секундига 5-10 метр тезликда шамол эсади. Кечаси 20-25 даража илиқ, кундузи 34-39 даража иссиқ бўлади.

▫️Республикамизнинг тоғолди ва тоғли ҳудудларида ҳаво бироз булутли бўлади, айрим жойларда ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 17-22 даража илиқ, кундузи 29-34 даража иссиқ бўлади.