ZAMONAVIY YONDASHUV, AMALIY KO‘NIKMA

🔰O‘quvchi-yoshlarning ilmiy va ijodiy salohiyatini oshirishda ta’lim muassasalarida yo‘lga qo‘yilgan zamonaviy yondashuvlarning o‘rni muhim. Ayni jihatdan, Namangan shahridagi Prezident maktabining bir guruh o‘quvchilari jinoyat ishlari bo‘yicha Namangan shahar sudiga tashrif buyurdilar.

🔸 Dastlab o‘quvchilar sud binosidagi shart-sharoitlar bilan tanishdilar. Shundan so‘ng jinoyat ishlari bo‘yicha Namangan shahar sudi raisi tomonidan “Qonun va jinoyatchilik” mavzusida amaliy dars mashg‘uloti o‘tib berildi.

📃 Unda sud hokimiyati, qonunchilik normalari, sud jarayonlarining tartibi haqida tushuntirishlar berildi. Mamlakatimizda ta’lim tizimiga qaratilayotgan yuksak e’tibor haqida gapirilib, Prezident maktablari buning yorqin ifodasi ekani e’tirof etildi.

📈 Amaliy dars jarayonida o‘quvchi-yoshlar o‘zlarini qiziqtirgan savollar bilan murojaat qildilar. Xususan, sud jarayonlarining qanday tartibda o‘tishi, huquqbuzar va jinoyatchilarga beriladigan jazo turlari, yetuk huquqshunos va sudya bo‘lishning sir-asrorlari haqidagi savollarga sud raisi tomonidan batafsil tushuntirish berildi.

Yakunda Namangan viloyati sudi hamda Prezident maktabi o‘rtasida bu kabi hamkorlik tadbirlarini muntazam o‘tkazib turishga kelishib olindi.

Namangan shahridagi Prezident maktabi rasmiy sahifalari:
telegram | facebook | instagram| youtube