#yer_nazorati

Sug'oriladigan yerlarning har qarichi nazoratda

🔹Bugun Kadastr agentligi Namangan viloyati boshqarmasi Ishchi guruhining Chust tumanidagi nazorat tadbirlari davomida, fuqaro S.G'. ga tegishli bo'lgan "Gulzor" MFY hududi, qishloq xo'jaligi xaritasining 976-konturida joylashgan, tuproq unumdorligi jihatidan 47 ball bonitetga teng, sug'oriladigan ko'p yillik daraxtzorning 300 kv.m qismiga o'zboshimchalik bilan molxona bino inshootlari qurilgani aniqlandi.

🔹Bu bilan fuqaro tomonidan sug'oriladigan yerni qishloq xo'jaligi muomalasidan chiqishiga sabab bo'lgan.

🔹Ushbu aniqlangan holat bo'yicha rasmiylashtirilgan hujjatlar huquqiy baho berish uchun o'rnatilgan tartibda prokuratura organlariga yuborilmoqda.

Matbuot xizmati.
Telegram | Instagram | Facebook

#Yer_nazorati

Kadastr sohasi – qonun ustvor soha

🔹Avval xabar beganimizdek, Kadastr agentligi direktori tomonidan joriy yilning 29-aprel kuni o‘tkazilgan tezkor yig‘ilishida bergan topshiriqlar ijrosi yuzasidan Namangan viloyati boshqarmasi tizimida Yer nazorati ishlarini faollashtirish, o‘zboshimchalik bilan egallab olingan yerlarni aniqlash va qonun buzilish holatlariga nisbatan keskin choralarni ko‘rish uchun yer nazorati tadbirlari olib borilmoqda.

🔹 Aniqlangan yer qonunbuzilish holatlari "E-yer nazorat" avtomatlashtirilgan axborot tizimiga kiritilmoqda.

🔹Masalan, fuqaro I.S. tomonidan oʼzboshimchalik bilan Yangiqoʼrgʼon tuman, Bunyodkor MFY hududi, qishloq xo‘jaligi xaritasining 1183k konturidan 0.04 gektar yer maydoniga huquqiy hujjatlarsiz qurilish ishlari amalga oshirganligi aniqlanib, tegishli hujjatlar rasmiylashtirildi.

🔹Kun davomida Yer nazorati tadbirlari haqida Sizlarni xabardor qilib boramiz.

Matbuot xizmati.
Telegram | Instagram | Facebook

#Yer_nazorati

Kadastr sohasi – qonun ustvor soha

🔹Bugun kunning ikkinchi yarmida, Namangan viloyati bo‘yicha olib borilayotgan Yer nazorati ishlari ko‘lami yanada kengaydi. Viloyat kadastr tizimida tuzilgan boshqarmaning 2 ta doimiy va barcha tumanlarida bo‘lim boshliqlari rahbarligida tuzilgan 14 ta Ishchi guruhlar hududlarida yer uchastkalarini talon-taroj qilishni oldini olish bo‘yicha yer nazorati tadbirlarini olib bormoqdalar. 

🔹Tadbirda asosiy eʼtiborni qishloq xo‘jaligi yerlaridagi, magistral yo‘llar atrofidagi va aholi punktlaridagi o‘zboshimchalik bilan qurilgan bino inshootlarga qaratilmoqda.

 🔹Masalan, To‘raqo‘rg‘on tuman “Obod” MFYdagi yer nazorat tadbirlarida "Sirdaryo"  mintaqa zonasida 160 kv.m. yer maydoniga huquqiy hujatlarsiz imorat qurib olgan fuqaro D.S. ga nisbatan Maʼmuriy javobgarlik to‘g‘risidagi Kodeksning 60-modda 3-qismi bilan maʼmuriy bayonnoma rasmiylashtirildi.

🔹Yer nazorti tadbirlari barcha tumanlarida davom etmoqda.

Matbuot xizmati.
Telegram | Instagram | Facebook

#Yer_nazorati

Kadastr sohasi – qonun ustvor soha

🔹Tezkor. Hozir ayni damda, Kadastr agentligi Namangan viloyati boshqarmasi boshlig‘i boshchiligida tuzilgan 1-Ishchi guruh Toshkent-Namangan A-373 avtomagistral yo‘lning muhofaza zonasiga qurilgan noqonuniy inshootlarni bartaraf qilish ishlarini davom ettirmoqdalar.

🔹Xabaringiz bor A-373 avtomobil yo‘li serqatnov bo‘lib yo‘lga yaqin noqonuniy qurilgan har xil qurilmalar haydovchilarga ham, piyodalarga ham noqulaylik tug‘dirmoqda.

🔹Masalan, Pop tumandan o‘tuvchi bu magistralning 283-284 kilometr oralig‘ida fuqaro T.S. tomonidan 0,6 gektar yer maydoni o‘zboshimchalik bilan egallab olingan va 100 kv.m. yerda noqonuniy qurilish ishlarini amalga oshirgan. Unga bu ishning oqibati tushuntirilgandan keyin huquqbuzarlikni o‘z ixtiyori bilan bartaraf qildi. Fuqaroga nisbatan MJtKning 60-moddasi 2-qismi bo‘yicha maʼmuriy bayonnoma rasmiylashtirildi.

🔹Yer nazorti tadbirlari viloyatning barcha tumanlarida davom etmoqda.

Matbuot xizmati.
Telegram | Instagram | Facebook