#Kadastr #yer_nazorati

🇺🇿Kadastr agentligi Namangan viloyati boshqarmasi yer va kadastr nazorati inspektorlari tomonidan joriy yilning 1-mart holatiga viloyatda 100 ta holatda 28.4 gektar yer maydoni o‘zboshimchalik bilan egallab olinganligi aniqlangan.

O'zboshimchalik bilan noqonuniy egallangan yer maydonlari

🔹5 ta holatda 10,7 gektari qishloq xo'jaligiga mo'ljallangan yerlardan;
🔹26 ta holatda 0.8 gektari aholi punkti yerlaridan;
🔹25 ta holatda 0.1 gektari sanoat transport, aloqa mudofaa va boshqa yerlardan;
🔹11 ta holatda 10 gektari Tarixiy-madaniy ahamiyatga molik yerlardan;
🔹9 ta holatda 1.6 gektari o'rmon fondi yerlaridan;
🔹5 ta holatda 1.9 gektari suv fondi yerlaridan;
🔹19 ta holatda 3.3 gektari zaxira yerlaridan egallab olingan.

Matbuot xizmati.
Telegram | Instagram | Facebook

#siyosiy_marifat_soati

🔹Bugun Kadastr agentligi hamda Davlat kadastrlari palatasining Namangan viloyati boshqarmalari xodimlari Davlat xizmatini rivojlantirish agentligi tomonidan davlat fuqarolik xizmatchilari uchun namoyish etilgan navbatdagi "Siyosiy-maʼrifat soati"da ishtirok etdilar.

🔹Tadbir davomida Kadastr agentligi Namangan viloyati boshqarmasi Korrupsiyaga qarshi kurashish bo'yicha bosh mutaxassisi M.Nurmatov “O‘zbekiston Respublikasining Referendumi to‘g‘risida”gi qonunining mazmun-mohiyatini yig‘ilganlarga tushuntirdi va barchani yurt taqdiriga daxldorlik hissini his etgan holda 30-aprel kuni o'tkaziladigan siyosiy jarayon - umumxalq referendumida oila a'zolari bilan faol ishtirok etib o'z munosabatlarini bildirishga va befarq bo‘lmaslikka chaqirdi.

🔹Shuningdek, boshqarmaning Matbuot kotibi Sh.Toshtemirov boshqarmada maʼnaviy va maʼrifiy ishlarni tashkil qilinishi va oldinda turgan vazifalar haqida yig‘ilganlarga maʼlumot berdi.

🔹Siyosiy-maʼrifat soati har galgiday savol-javoblarga boy va qiziqarli o‘tdi.

Matbuot xizmati.
Telegram | Instagram | Facebook

Президент Шавкат Мирзиёев Сирдарёда халқ депутатлари вилоят кенгаши сессиясида иштирок этмоқда.

Давлат раҳбари сессиядаги нутқида Сирдарёни саноат, тадбиркорлик, қишлоқ хўжалиги, таълим ва тиббиёт бўйича “илғор инновациялар ҳудуди”га айлантириш зарурлигини таъкидлади.

– Инновацион ҳудудда ҳоким, вилоят, туман раҳбарлари аҳоли ва тадбиркорларга шароит яратиш бўйича ҳар куни янгиликка интилиши, дунёқараши ва ёндашувлари ўзгариши керак.

Вилоятни инновацион ҳудудга айлантириш учун қайси давлат тажрибасини олиб келиш бўйича кўп ўйладик. Тан олиш керак, охирги йилларда Хитой саноат, қишлоқ хўжалиги, таълим ва тиббиётда мисли кўрилмаган ютуқларга эришди. Хитойнинг илм, инновация, муҳандислик, электротехника, робототехника ва IT йўналишларида тажрибаси катта. Энг асосийси, Хитой бизга транспорт-логистика жиҳатидан энг яқин йирик бозорлардан бири.

Хитойлик инвесторларнинг ҳам вилоятга қизиқишлари катта. Охирги олти йилда хитойлик инвесторлар билан бирга Ширин шаҳри, Мирзаобод ва Сирдарё туманларида 60 дан ортиқ йирик саноат корхоналари иш бошлаган. Вилоятга 2022 йилнинг ўзида 250 миллион доллардан зиёд Хитой инвестициялари жалб қилинган. Бу вилоят инвестициясининг деярли 90 фоизи.

Шу боис, Сирдарёда барча соҳаларни ривожлантиришда Хитой тажрибасига таянишимиз лозим, – деди Шавкат Мирзиёев.

Facebook|Instagram|Twitter

⚡️Qonun ijrosi o'rganilmoqda

🔹Bugun O‘zbekiston Respublikasi Vazirlar Mahkamasining Rayosat majlisi tasdiqlagan “O‘zbekiston Respublikasi Vazirlar Mahkamasining 2023-yil I yarim yillikka mo‘ljallangan Ish rejasi"ga asosan “Geografik obyektlarning nomlari toʻgʻrisida”gi Oʻzbekiston Respublikasi Qonuni ijrosini ta’minlashda Kadastr agentligi, Namangan va Jizzax viloyatlari hokimliklari rahbariyatining mas’uliyati toʻgʻrisidagi masalani maqsadli oʻrganish va Vazirlar Mahkamasi Rayosati ma’lumotlarini tayyorlash” topshirig‘i bo‘yicha Kadastr agentligi ishchi guruhining, Namangan viloyati hokimligi bilan hamkorlikdagi tezkor yig‘ilish bo‘lib o‘tdi.

🔹Unda Namangan viloyati hokimining maslahatchisi I.Qo‘chqarova va Kadastr agentligi Ishchi guruh a’zolari D.Qodirov va J.Jasanovlar, Davlat kadastrlari palatasining Namangan viloyati boshqarmasi boshlig‘i Q.Gapparov hamda tumanlar hokimlarining maslahatchilari, tuman kadastr filiallarining mutaxassislari qatnashdilar.

🔹Ishchi guruh tomonidan geografik obyektlarni nomlash va qayta nomlash, shuningdek, nomlarni davlat ekspertizasidan o‘tkazish, tegishli qaror bilan tasdiqlash va davlat reyestriga kiritilishini ta’minlash, “Geonames.uz” elektron axborot veb-portaliga ulanishni ta’minlash Namangan shahri, Kosonsoy va Namangan tumanlari misolida mahalla xaritalarini joyga chiqib oʻrganish rejalashtirildi.

Matbuot xizmati.
Telegram | Instagram | Facebook