#korrupsiyaga_qarshi_kurashish #qunun_targiboti

Korrupsiyani oldini olish uchun har birimiz mas’ulmiz

⏺Joriy yilning 28-30 oktyabr kunlari Kadastr agentligi va Davlat kadastrlari palatasining Namangan shahar, Davlatobod, Yangi Namangan hamda Uchqo‘rg‘on, Chortoq, Uychi va Namangan tumanlari bo‘limi va filiallari xodimlari uchun “Yuksak ishonchni oqlaymiz” mavzusida korrupsiyaga qarshi kurashish bo‘yicha profilaktik tadbirlar bo‘lib o‘tdi.

⏺Bugun ushbu tadbirlarni yakuni, Davlat kadastrlari palatasining Namangan viloyati boshqarmasi boshlig‘i M.Tursunbaev rahbarligida bo‘lib o‘tgan yig‘ilishda muhokama qilindi.

⏺Unda Davlat kadastrlari palatasining Korrupsiyaga qarshi kurashish bo‘limi boshlig‘i vazifasini bajaruvchi I.Tadjibaev, boshqarmalarning korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar, boshqarmaning sho‘ba, bo‘lim hamda filiallar rahbarlari, kadastr bosh muhandislari, topograflar va inspektorlar jami 110 nafar xodimlar ishtirok etdilar. Tumanlar ZOOM platformasida videoselektor orqali ulandilar.

⏺Boshqarma boshlig‘i M.Tursunbaev yig‘ilishni kirish so‘zi bilan ochib, so‘zni I.Tadjibaevga berdi. U so‘zida tuman filiallarida korrupsiyani oldini olish bo‘yicha bir qator yutuqlarga erishilgani, ammo shu bilan bir qatorda hujjatlarni rasmiylashtirishda ba’zi bir muammolar mavjudligini ta’kidladi. Yaqinda qabul qilingan O‘RQ-937-son Qonunning amalga kirishiga sanoqli kunlar qolganligini, joylarda uning ijrosini tashkil qilish va unda korrupsion holatlarga yo‘l qo‘ymaslik bo‘yicha o‘z fikr va mulohazalarini bildirdi. Notiq so‘zini davom ettirib, Respublikamizning bir qator viloyatlarida monitoring guruhi tomonidan o‘rganish jarayonida aniqlangan kamchiliklar va ularni kelib chiqish sabablariga to‘xtaldi.

⏺Tadbir yakunida Boshqarma boshlig‘i M.Tursunbaev profilaktik tadbirlarda aniqlangan kamchiliklarni bartaraf etish va kelgusida yo‘l qo‘ymaslik bo‘yicha rahbarlarga tegishli topshiriqlar berdi.

Matbuot xizmati.
📱 Telegram 📱 Instagram 📱 Facebook

#korrupsiyaga_qarshi_kurashish #xatlov #Qonun_937

🆕 Ishonamiz, ammo nazoratni bo‘shashtirmaymiz!

🔺Muhtaram Prezidentimiz tomonlaridan imzolangan "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi O‘zbekiston Respublikasining 937-sonli Qonuni ijrosi yuzasidan viloyatimiz bo‘ylab olib borilayotgan xatlov jarayonlarida sohaning yuqori malakali kadastr muhandislari, topograf hamda inspektorlari bevosita qatnashmoqdalar.

🔺Shu munosabat bilan Kadastr agentligi va Davlat kadastrlari palatasining Namangan viloyati boshqarmalari korrupsiyaga qarshi kurashish bo'yicha bosh mutaxassislari M.Nurmatov, A.Obidovlar tomonidan kadastr muhandislari va topograflar bilan joylarda manzilli profilaktik tushuntirish ishlari hamda fuqarolar bilan suhbatlar olib borilmoqda. Shu kabi tadbirlar kuni kecha viloyatning To'raqo'rg'on, Mingbuloq tumanlarida bo'lib o'tdi.

🔺Maqsadimiz xalqimizni, tadbirkorlarimizni rozi qilish uchun Prezidentimiz tomonlaridan imzolangan ushbu Qonunni sidqidildan, halol va vijdonan bajarishdir!

Matbuot xizmati.
📱 Telegram 📱 Instagram 📱 Facebook

#korrupsiyaga_qarshi_kurashish #xatlov #Qonun_937

🆕 Hamkorlikda ish tashkil qilindi.

🔺Mamlakatimizda 2024-yil 8-noyabrdan kuchga kirgan O‘zbekiston Respublikasining “O'zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida"gi Qonuni ijrosi yuzasidan sohaning yuqori malakali kadastr muhandislari, topograflari bevosita viloyatimiz bo‘ylab xatlov jarayonlarini olib bormoqdalar.

🔺Bugun Kadastr agentligi va Davlat kadastrlari palatasining Namangan viloyati boshqarmalari korrupsiyaga qarshi kurashish bo‘yicha bosh mutaxassislari M.Nurmatov va А.Оbidovlar Namangan shahar filiali tomonidan reja-grafikka muvofiq xatlov ishlari olib borilayotgan Namangan shahrining "Chaman" MFY hamda "Quvonch" MFYda bo‘lib, aholi va  mahallalar yettiligi bilan uchrashdilar.

🔺Ushbu manzilli profilaktik tadbirlarda MFYlar hududida olib borilayotgan xatlov ishlarini sifati, me'yoriy hujjatlarga muvofiqligi va ish jarayonida korrupsiyani oldini olishga qaratilgan tadbirlar o'rganildi. Uchrashuv va suhbat jarayonida Mahalla fuqarolar yig‘inlari raislari bilan hamkorlikda ishlashga, sohaga doir masalalar bo‘yicha aholi bilan mutaxassislar ishtirokida ochiq muloqot o'tkazishga kelishib olindi.

🔺Maqsadimiz xalqimizga, tadbirkorlarimizga beminnat xizmat ko'rsatishdir!

Matbuot xizmati.
📱 Telegram 📱 Instagram 📱 Facebook

#korrupsiyaga_qarshi_kurashish

Elga beminnat, halol xizmat ko‘rsatish - pirovard maqsadimiz

⏺2024-yilning 25-dekabr sanasida 🌟Kadastr agentligi va 👍Davlat kadastrlari palatasining Pop tuman bo‘limi va filiali xodimlari bilan sohada korrupsiyani oldini olish va unga qarshi kurashishga qaratilgan umumiy profilaktika tadbiri o‘tkazildi. Unda Kadastr agentligi va Davlat kadastrlari palatasi viloyat boshqarmalarining korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar, shuningdek tuman bo‘lim va filial rahbarlari, kadastr muhandislari, topograflar ishtirok etdilar.

⏺Tadbir avvalida A.Obidov filial xodimlariga  ijro va mehnat intizomiga rioya etish, mehnat jamoasida sog‘lom muhitni shakllantirish, “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi 937-sonli Qonun ijrosi yuzasidan olib borilayotgan xatlov ishlarini sidqidildan bajarish, yangi yil bayrami arafasida xizmat ko‘rsatish madaniyatiga va odob-axloq qoidalariga rioya etish hamda korrupsiya illatiga yo‘l qo‘ymaslikka eʼtibor qaratdi. Shuningdek, rahbariyat tomonidan berilgan dolzarb topshiriqlarni o'z vaqtida bajarish bugingi kunning talabi ekanligi alohida ta'kidladi.

 ⏺Tadbirda so‘z olgan M.Nurmatov, ishtirokchilarni kirib kelayotgan Yangi yil bayrami bilan qutlab, 2025-yilni mehnatda munosib yutuqlar bilan kutib olish bilan birga, yangi yil arafasida hayot xavfsizligi qoidalariga eʼtibor qaratish lozimligi haqida fikr bildirdi. Jumladan, bugungi qish-qirovli kunlarda mavsumni talofatsiz o‘tkazishga, xususan nobop isitish vositalaridan foydalanmaslik, is gazidan himoyalanish  va yong‘in xavfsizligi qoidalariga amal qilish, korxona mol-mulkini ko‘z qorachig‘idek asrash masalalariga alohida to‘xtalib o‘tdi. So‘zini davom ettirib, notiq, shuningdek, mamlakatimizdagi tinch osoyishta hayotimizga raxna solish maqsadida, bugungi kunda yuzaga kelgan ijtimoiy iqtisodiy muammolardan foydalanib qolishi mumkin bo‘lgan destruktiv elementlar taʼsiriga tushib qolmaslikka chaqirdi.

⏺Mazkur profilaktika tadbiri samimiylik, ishchanlik va o‘zaro hurmat ruhida o‘tdi. Korrupsiya balosini jilovlash o‘z qo‘limizda. Maqsadimiz esa, kadastr sohasini korrupsiyadan xoli tizimga aylantirish va xalqimizga beminnat kadastr xizmati ko‘rsatishdan iboratdir.

Matbuot xizmati.
📱 Telegram 📱 Instagram 📱 Facebook