"Зўравонлик янада авж олаверса, бу халқаро вазиятнинг кенг миқёсда издан чиқишига, қуролли тўқнашувларга янги кучлар тортилишига олиб келади.

Буларнинг барчаси Яқин Шарқ минтақаси билан чекланмай, узоқ ўлкаларга ҳам тарқалиб кетадиган, оқибатини башорат қилиб бўлмайдиган фожиаларга олиб келиши мумкин.

Айнан шунинг учун ҳам биз ҳар икки томонни зудлик билан гуманитар мақсадларда муросага келишга, жанговар ҳаракатларни тўхтатиб, низони тинчлик йўли билан ҳал этишга чақирамиз.

Маълумки, биз яшаётган Марказий Осиё минтақаси турли миллат ва конфессиялар вакилларининг ўзаро тинч-тотув ҳаёт кечириши бўйича ноёб тажрибага эга.

Бу заминда асрлар давомида мусулмон, христиан ва яҳудийлар дўстлик ва ҳамжиҳатликда ёнма-ён яшаб келяптилар.

Мен бугунги фурсатдан фойдаланиб, барча юртдошларимизга, аввало, ёшларимизга мурожаат қилиб, уларни турли ёлғон ташвиқотларга берилмасликка, қонунга зид хатти-ҳаракатлар содир этмасликка чақираман.

Бизнинг энг катта кучимиз, бебаҳо бойлигимиз бўлган тинч ва осойишта ҳаётимизни, ўзаро бирлик ва ҳамжиҳатлигимизни барчамиз биргаликда асрашимиз зарур", - деди давлатимиз раҳбари ва кун тартибидаги масалалар муҳокамасига ўтди.

Facebook|Instagram|Twitter

#korrupsiyaga_qarshi_kurash

Aholining huquqiy savodxonligi - jinoyatni oldini olishga xizmat qiladi

🔹Kadastr agentligi va Davlat kadastrlari palatasining Namangan viloyat boshqarmalari korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar mahalla fuqarolar yig‘inlarida bo‘lib, fuqarolar bilan uchrashib, aholining huquqiy savodxonligini oshirish, jumladan, kadastr sohasiga oid qonunlar va qonunosti hujjatlari qabul qilinayotganligi va ularni hayotga tatbiq etish jadal olib borilayotganligi haqida targ‘ibot ishlarini olib bormoqdalar.

Batafsil

Matbuot xizmati.
Telegram | Instagram | Facebook

Президент Шавкат Мирзиёев гидроэнергетика соҳасида амалга оширилаётган лойиҳалар ва энергетика тизимини куз-қиш мавсумига тайёрлаш бўйича вазифалар ижроси юзасидан йиғилиш ўтказмоқда.

Кун тартибига ўтишдан олдин давлатимиз раҳбари ҳозирги кунда бутун дунёда катта ташвиш ва хавотир уйғотаётган масалага тўхталиб ўтди:

"Маълумки, Исроил армияси ва Хамас ҳаракати ўртасида давом этаётган қуролли тўқнашувлар гуманитар инқирозни чуқурлаштирмоқда, тинч, бегуноҳ аҳоли орасида кўп сонли қурбонларга олиб келмоқда.

Болалар ва аёллар ҳалок бўлмоқда, одамлар бошпанасидан айрилмоқда, ўз уйларини ташлаб кетишга мажбур бўлмоқда.

Биз Фаластин ва Исроил томонидан қурбон бўлган барча инсонларнинг оилаларига чин дилдан таъзия ва ҳамдардлик изҳор этамиз.

Мен Ғазо сектори аҳолисига баҳоли қудрат ёрдам кўрсатиш учун Бирлашган Миллатлар Ташкилотининг Яқин Шарқ агентлигига 1 миллион 500 минг доллар ажратиш ҳақида қарор қабул қилдим.

Биз Фаластин халқи билан бирдам эканимизни қатъий билдирамиз ва унинг Бирлашган Миллатлар Ташкилоти Бош Ассамблеяси ва Хавфсизлик Кенгашининг илгари қабул қилинган резолюцияларига мувофиқ ўз мустақил давлатини барпо этишга бўлган ҳуқуқини қўллаб-қувватлаймиз", - деди Президентимиз.

Facebook|Instagram|Twitter

#korrupsiyaga_qarshi_kurash

Korrupsiya jamiyatni ichidan yemiradigan illat! 

🔹Kadastr agentligi va Davlat kadastrlari palatasining Namangan viloyati boshqarmalari tizimidagi To‘raqo‘rg‘on tuman bo‘limi va filiali xodimlari uchun sohada korrupsiyani oldini olish va unga qarshi kurashish bo‘yicha profilaktika tadbiri o‘tkazildi. Unda Kadastr agentligi va Davlat kadastrlari palatasining Namangan viloyat boshqarmalari korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar, bo‘lim va filial rahbarlari, kadastr muhandislari, topograflar, inspektorlar ishtirok etdilar.

🔹 Yig‘ilishga raislik qiluvchi M.Nurmatov o‘z so‘zida bo‘lim va filialda korrupsiya illatiga yo‘l qo‘ymaslik, xodimlar xizmat madaniyatiga va ijro intizomiga rioya qilishlarini, ichki muhitni sog‘lomlashtirish kabi masalalariga ahamiyatni kuchaytirish lozimligi haqida gapirdi. Bugungi yig‘ilishdan ko‘zlangan asosiy maqsad, sohaning barcha xodimlarini korrupsiyaning har qanday ko‘rinishiga murosasiz bo‘lishga, unga yo‘l qo‘ymaslikka chaqirishdan iborat ekanligiga alohida urg‘u berdi. Sohada ro‘y bergan holatlardan hayotiy misol keltirib, bu illatdan ehtiyot bo‘lishga chaqirdi. 

🔹Tadbirda so‘zga chiqqan A.Obidov, qayerda ijro va mehnat intizomi qatʼiy yo‘lga qo‘yilgan bo‘lsa, o‘sha yerda baraka va unum bo‘lishi, mehnat jamoasi o‘rtasida o‘zaro ishonch va hurmat bo‘lishi muqarrarligini taʼkidlab o‘tdi. Ishtirokchilarning diqqat eʼtibori hozirda qonuniy kuchga kirgan “O‘zbekiston Respublikasining Davlat fuqarolik xizmati to‘g‘risida”gi qonunida ham bu masalaga jiddiy eʼtibor berilganligiga qaratildi.

🔹 Maqsadimiz kadastr idoralarini korrupsiyadan xoli tizimga aylantirish va xalqimizni kadastr xizmatidan rozi qilishdir.

Matbuot xizmati.
Telegram | Instagram | Facebook

#huquqiy_targibot

Diqqat! Diqqat!

“Huquqiy axborot” – telegram kanali bizning yordamchimiz!

🔹Adliya vazirligi tomonidan ijrochilar va aholiga qabul qilinayotgan qonunchilik hujjatlarining mazmun-mohiyatini yetkazish, ularning huquqiy savodxonlikni yanada yuksaltirish borasida qator innovatsion loyihalarni amalga oshirib kelinmoqda. Xususan, bugungi kunda telegramda o‘zbek, rus va ingliz tillarida “Huquqiy axborot” Telegram kanali tashkil qilingan bo‘lib, unda yangi qabul qilinayotgan qonunchilik hujjatlarining mazmuni qisqacha tahliliy yoritilib, huquqiy bilimlarni oshirishga doir huquqiy materiallar berib borilmoqda.

🔹Yuqoridagilarni hisobga olib barcha hamkasblarimizni qonunchilikdagi yangiliklardan tezkor xabardor bo‘lishini taʼminlash maqsadida Kadastr agentligi rahbariyati topshirig‘iga asosan “Huquqiy axborot” kanaliga aʼzo bo‘lishlarini tavsiya qilamiz.

Matbuot xizmati.
Telegram | Instagram | Facebook

#sayyor_qabul

Sayyor qabullar - inson manfaati uchun

🔹 Bugun Namangan shahri aholisi va tadbirkorlarning kadastr sohasidagi murojaatlarini joyida ko‘rib chiqish maqsadida Kadastr agentligining Namangan viloyati boshqarmasi boshlig‘i Pazilov Bahrom Bahodirovich boshchiligida shaharning Yangi Namangan tumani “Chamanzor” mahalla fuqarolar yig‘inida bo'lib o'tgan sayyor qabuldan videolavha.

Matbuot xizmati.
Telegram | Instagram | Facebook

#kadastr #huquqiy_targibot

🔹Ijtimoiy himoya yagona reyestri axborot tizimida ro‘yxatga olingan shaxslarga, shuningdek, I va II guruhlar nogironlari va Ikkinchi jahon urushi qatnashchilari uchun davlat xizmatlari narxi xizmatlar umumiy qiymatining 50 foizini tashkil qiladi.

❗️ Tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno.

📝 Vazirlar Mahkamasining 2014-yil 14-iyuldagi 186-son qarori.

Matbuot xizmati.
Telegram | Instagram | Facebook

Namangan viloyati bo'yicha 2 422 ta tadbirkorlik uchun yer uchastkalari mulk va ijara huquqi bilan savdoga chiqarildi:

🔹Mingbuloq tumanidan 85 ta (koʼrish)
🔹Kosonsoy tumanidan 199 ta (ko'rish)
🔹Namangan tumanidan 59 ta (koʼrish)
🔹Norin tumandan 89 ta (koʼrish)
🔹Pop tumandan 556 ta (koʼrish)
🔹To'raqo'rg'on tumanidan 203 ta (ko'rish)
🔹Uychi tumanidan 104 ta (ko'rish)
🔹Uchqo'rg'on tumanidan 125 ta (ko'rish)
🔹Chortoq tumanidan 323 ta (ko'rish)
🔹Chust tumanidan 349 ta (ko'rish)
🔹Yangiqo'rg'on tumanidan 237 ta (ko'rish)
🔹Namangan shahridan 96 ta (ko'rish)

Barcha hududlardan yer maydonlari savdoga chiqarildi, endilikda yerlar soni ko'payishda davom etadi.

📞 "E-AUKSION" vakili: 992072612 (soat 09:00 dan 18:00 gacha)