💳 Кадастр паспортини тайёрлаш объектнинг мураккаблигига қараб қуйидаги муддатларда амалга оширилади:

🏠 🏢 кўчмас мулк объектларининг турар жойга оид қисми бўйича:

🏢 кўп квартирали уйдаги квартира — 3 иш кунигача;
🏠 якка тартибдаги турар жой — 5 иш кунигача;

🏬🏫 кўчмас мулк объектларининг нотурар жойга оид қисми бўйича:

умумий майдони 100 кв.м. гача — 5 иш кунигача;
умумий майдони 100 кв.м дан 1 000 кв.м. гача — 7 иш кунигача;
умумий майдони 1 000 кв.м дан 5 000 кв.м. гача — 10 иш кунигача;
умумий майдони 5 000 кв.м дан 15 000 кв.м. гача — 15 иш кунигача;
умумий майдони 15 000 кв.м дан 50 000 кв.м гача — 20 иш кунигача;
умумий майдони 50 000 кв.м дан ортиқ — 25 иш кунигача;

ажратилган ер участкалари бўйича — 3 иш кунигача.

Кадастр (йиғмажилди) паспорти йўқолганда (яроқсиз ҳолга келганда), қоғоз ёки пластик шаклда янги кадастр паспорти икки иш куни мобайнида берилади.

Хусусий мулкни қандай қилиб бузилишдан сақлаб қолиш мумкин?

Оҳирги вақтларда кўчмас мулклар, шу жумладан уй-жойларни давлат ва жамоат эҳтиёжлари(снос) учун, деган важ билан бузишда қонунбузилиш ҳолатлари кўпайиб кетди.

Афсуски, масъуллардан қонунларга риоя этишларини қанча талаб қилмайлик, бироқ мулк дахлсизлигини бузганлик учун уларга нисбатан жазосизлик ва ман-манлик сабаб қонунларни бузишда давом этаётган мансабдорлар ҳамон учраб турибди. Айниқса, Жиззах, Сурхондарё, Фарғона, Тошкент вилоятлари ва Тошкент шаҳридан келаётган мурожаатларда кўплаб фуқаро ва тадбиркорларнинг мулклари ғайриқонуний йўллар билан бузилиб, компенсация ҳам қопланмаганлиги кўринмоқда.

Бироқ бундай бебошлик узоқ давом этиши мумкинмас.

Шу боис, ҳурматли мулкдор ва тадбиркорлардан ўз мулкларини ҳимоя қилишда бир қатор жиҳатларга эътибор беришларини сўраб қолардим.

Агар сизнинг жойингизни бузиб, ер участкасини олиб қўйишмоқчи бўлса дастлаб бу ҳақида расмий «огоҳлантириш хати»ни талаб қилинг.

«Огоҳлантириш хати» беришса, унда қандай мақсад учун сизнинг жойингиз бузилишга тушаётганлигини яхшилаб ўқиб чиқинг. Бордию, кўп қаватли уй, савдо маркази ёки бошқа хилдаги тадбиркорлик фаолияти билан боғлиқ қурилиш белгиланган бўлса билингки, Сизнинг жой ёки уйингизни ғайриқонуний равишда бузишмоқчи.

Чунки сизнинг кўчмас мулкингиз фақат давлат ва жамоат эҳтиёжлари учунгина мажбурий бузилишга тушиши мумкин.

Қайси ҳолатлар давлат ва жамият эҳтиёжларига кириши эса Ўзбекистон Республикаси Президентнинг 2018 йил 1 августдаги 5495-сонли Фармонида аниқ белгилаб қўйилган.

Унга кўра, давлат ва жамоат эҳтиёжлари учун ер участкаларини олиб қўйишга фақат қуйидаги мақсадларда йўл қўйилади:

мудофаа ва давлат хавфсизлиги, муҳофаза этиладиган табиий ҳудудлар эҳтиёжлари, эркин иқтисодий зоналарни ташкил қилиш ва уларнинг фаолият юритиши учун ерларни тақдим этиш;

халқаро шартномалардан келиб чиқадиган мажбуриятларни бажариш;

фойдали қазилмалар конларини аниқлаш ва қазиб чиқариш;
автомобиль ва темир йўллари, аэропортлар, аэродромлар, аэронавигация объектлари ва авиатехника марказлари, темир йўл транспорти объектлари, кўприклар, метрополитенлар, тоннеллар, энергетика тизими объектлари ва электр узатиш тармоқлари, алоқа тармоқлари, космик фаолият объектлари, магистрал қувурлар, муҳандислик-коммуникация тармоқларини қуриш (реконструкция қилиш);

аҳоли пунктлари бош режаларини Ўзбекистон Республикасининг Давлат бюджети маблағлари ҳисобидан объектлар қуриш қисмида ижро этиш, шунингдек, қонунлар ва Ўзбекистон Республикаси Президенти қарорларида тўғридан-тўғри назарда тутилган бошқа ҳолларда.

Бошқа барча ҳолатларда ер участкасини олиб қўйиш учун кўчмас мулкни бузиш ғайриқонунийдир.

Мулкингиз давлат ва жамоат эҳтиёжлари учун бузилишга тушган тақдирда ҳам Сиз бундан норози бўлсангиз, токи суд томонидан бу иш кўрилиб қонуний қарор қабул қилинмагунча, сизнинг танлов ва талабингизга кўра компенсация ва бошқа тўловлар тўлиқ қопланмагунча мулкингизни бузишлари мумкинмас.

Буни ёдда тутинг ва талаб қилинг!

👉 @deputat_kusherbayev

Тўрақўрғон ИЭСда юзага келган носозлик бартараф этилди. Станция тўлиқ қувватда ишламоқда

Тўрақўрғон ИЭСнинг 2 та энергоблоки авариявий тўхташи натижасида мазкур станция орқали энерготизимга етказиб берилаётган қувват 600 МВтга камайган эди.

Энергетика вазирлиги матбуот хизматига кўра, аварияга қарши тезкор бригада томонидан носозлик юзага келган мазкур ИЭСнинг 1- ва 2-энергоблокининг тўлиқ қувватда ишлаши таъминланди.

Шунингдек, истеъмолчилар эҳтиёжини таъминлаш учун Тахиатош ИЭСнинг қуввати 280 МВт бўлган 1-энергоблоки ҳамда Толимаржон ИЭСда қуввати 450 МВт бўлган 2-энергоблоки ҳам тўлиқ қувватда ишлаши таъминланди.

👉 Наманган хабарлари