#Brifing #aholi_murojaatlari

🔹Kadastr agentligi hamda Davlat kadastrlari palatasining Namangan viloyati boshqarmalariga 2022-yil davomida aholi va tadbirkorlardan kelib tushgan murojaatlar tahliliga bag'ishlangan brifing.

Matbuot xizmati.
Telegram Instagram Facebook

#Bilasizmi

📋Kadastr pasportini tayyorlash muddatlari haqida ma'lumotga egamisiz?

✅Hukumat qaroriga ko‘ra, ko‘chmas mulk ob’ektini kadastr hisobiga olish va kadastr yig‘majildini shakllantirish natijasida ko‘chmas mulk ob’ekti bo‘yicha elektron shaklda kadastr pasporti rasmiylashtiriladi.

👨‍💼Ariza beruvchi kadastr pasportini olish uchun Davlat xizmatlari markaziga yoki YIDXP ro‘yxatdan o‘tadi.

🗂Ko‘chmas mulk ob’ektlarining turar joyga oid qismi bo‘yicha quyidagi muddatlarda amalga oshiriladi:

🔷ko‘p kvartirali uydagi kvartira – 3 ish kunigacha;
🔷yakka tartibdagi turar joy – 5 ish kunigacha;

🗂Ko‘chmas mulk ob’ektlarining noturar joyga oid qismi bo‘yicha:

🔷umumiy maydoni 100 kv.m. gacha - 5 ish kunigacha;
🔷umumiy maydoni 100 kv.m. dan 1000 kv.m. gacha - 7 ish kunigacha;
🔷umumiy maydoni 1000 kv.m. dan 5000 kv.m. gacha - 10 ish kunigacha;
🔷umumiy maydoni 5000 kv.m. dan 15000 kv.m. gacha - 15 ish kunigacha;
🔷umumiy maydoni 15000 kv.m. dan 50000 kv.m. gacha - 20 ish kunigacha;
🔷umumiy maydoni 50000 kv.m. dan ortiq - 25 ish kunigacha.

🔹 Kadastr yig‘majildi shakllantirilgandan so‘ng kadastr pasportini berish uchun to‘lov miqdori qiymati ko‘rsatilgan xabarnoma (invoys) Davlat xizmatlari markaziga yoki ariza beruvchiga elektron shaklda yuboriladi.

⏳Ariza beruvchi xabarnomani olgandan so‘ng 1 oy mobaynida to‘lov qiymatini to‘laydi.

‼️ Kadastr pasportini berish uchun to‘lov qiymatlari Hukumatning 186-son qarori bilan belgilanadi.

Matbuot xizmati.
Telegram Instagram Facebook

#Islohotlar_amalda

Yer kerakmi - ochiq elektron tanlovga marhamat!

🇺🇿 O‘zbekiston Respublikasi Prezidentining 2022 yil 10-sentabrdagi “Dehqon xo‘jaliklari tashkil etishni qo‘llab-quvvatlash orqali aholi daromadlarini oshirish bo‘yicha qo‘shimcha chora-tadbirlar to‘g‘risida”dagi PQ-373-sonli qarori mamlakatda oziq-ovqat xavfsizligini va ichki bozorlarda narxlar barqarorligini taʼminlash hamda agrar sohada aholining tashabbuslarini qo‘llab-quvvatlash orqali ularning daromadlarini oshirish, shuningdek, «Bir hudud - bir mahsulot» tamoyili asosida qishloq xo‘jaligi mahsulotlari yetishtirishni kengaytirish hamda eksport salohiyatini oshirish maqsadida qabul qilingan edi.

🔹 Qaror ijrosi yuzasidan Davlat kadastrlari palatasining Namangan viloyat boshqarmasi tomonidan 2022 yilda fermer xo‘jaliklari va klasterlardan davlat zaxirasiga olingan 8 541 gektar yer maydonlari Viloyat hokimining tegishli qarorlariga hamda tuman hokimliklarining buyurtma xatlariga asosan, tuman hokimliklari nomiga Davlat mulki sifatida davlat ro‘yxatidan o‘tkazildi. Mazkur yer maydonlari aholi tomonidan dehqon xo‘jaliklari yuritish uchun 61 555 ta lotlarga bo‘linib, shaffof tizim orqali ochiq elektron tanlovga chiqarildi.

🔹 Natijada tanlov g‘oliblar bo‘lgan 58 628 nafar fuqarolarimizga 30 yilgacha yerdan foydalanish uchun ijara shartnomalari rasmiylashtirilib, Davlat ro‘yxatidan o‘tkazildi. Ular o‘z oila aʼzolari bilan yerda mehnat qilib daromadlarini oshirishga va 150 mingdan ziyod ish o‘rni yaratish uchun imkoniyat yaratildi.

🔹 Boshlangan 2023 yilda ham Namangan viloyatidagi fermer xo‘jaliklari va klasterlar foydalanishidagi paxta va g‘alladan qisqartirilgan hamda aholi punktlariga yaqin va suv taʼminoti yaxshi bo‘lgan yerlardan 9056 gektar ekin maydonlari dehqon xo‘jaliklari yuritish uchun aholiga ochiq elektron tanlov orqali ijaraga berish rejalashtirilgan.

🔹 Namangan kadastrchilari tomonidan hozirga qadar 3951 gektar yer maydonlariga Davlat zaxirasiga olish uchun tuman hokimliklarini qarori chiqarildi va 2398 gektar yer maydonlari davlat ro‘yxatidan o‘tqazildi. Vakolatli tashkilotlar bilan hamkorlikda bu yerlarni ochiq elektron tanlovga chiqarish ishlari jadal ketmoqda. Natijada bu yil ham yangi tashkil qilinadigan dehqon xo‘jaliklarida 170 mingdan ziyod fuqarolarimizga ish joylari yaratiladi.

🔹 Hurmatli hamyurtlar! Yer kerakmi – marhamat, ochiq elektron tanlovga e-auksion platformasiga kiring va tanlovda qatnashing. Bu shaffof, korrupsiyadan holi tizimda tanish bilishlar, amaldorlar va boshqa “ucharlar” sizga yer olib tadbirkorlik qilishingizga xalaqit bera olmaydilar.

Matbuot xizmati.
Telegram Instagram Facebook

Namangan viloyati bo'yicha 2 449 ta tadbirkorlik uchun yer uchastkalari mulk va ijara huquqi bilan savdoga chiqarildi:

▪️Mingbuloq tumanidan 108 ta (koʼrish)
▪️Kosonsoy tumanidan 227 ta (ko'rish)
▪️Namangan tumanidan 70 ta (koʼrish)
▪️Norin tumandan 88 ta (koʼrish)
▪️Pop tumandan 503 ta (koʼrish)
▪️To'raqo'rg'on tumanidan 220 ta (ko'rish)
▪️Uychi tumanidan 130 ta (ko'rish)
▪️Uchqo'rg'on tumanidan 140 ta (ko'rish)
▪️Chortoq tumanidan 323 ta (ko'rish)
▪️Chust tumanidan 280 ta (ko'rish)
▪️Yangiqo'rg'on tumanidan 214 ta (ko'rish)
▪️Namangan shahridan 156 ta (ko'rish)

Barcha hududlardan yer maydonlari savdoga chiqarildi, endilikda yerlar soni ko'payishda davom etadi.

📞 "E-AUKSION" vakili: 992073612 (soat 09:00 dan 18:00 gacha)

#Seminar #Farmon_va_ijro

Farmon va ijro

🔹 Bugun Davlat kadastrlari palatasining Namangan viloyati boshqarmasida O‘zbekiston Respublikasi Prezidentining 2022-yil 24-avgustdagi «Mulk huquqining daxlsizligini ishonchli himoya qilish, mulkiy munosabatlarga asossiz aralashuvga yo‘l qo‘ymaslik, xususiy mulkning kapitallashuv darajasini oshirish chora-tadbirlari to‘g‘risida» PF-198-sonli farmonidan kadastr tizimi uchun kelib chiqadigan vazifalarga bag‘ishlangan o‘quv seminari bo‘lib o‘tdi.

🔹O‘quv seminarini boshqarma boshlig‘i o‘rinbosari vazifasini bajaruvchi A.Nasriddinov olib bordi. Unda barcha tuman shahar filiallarining rahbar xodimlari, davlat ro‘yxatdan o‘tkazuvchi mutaxassislar va kadastr muhandislari jami 55 nafar xodim qatnashdi.

🔹 Xabaringiz bor farmon bilan 2023-yilning 1-yanvardan boshlab Kadastr va ko‘chmas mulklarni ro‘yxatdan o‘tkazish integratsion axborot tizimi - UZKAD ko‘chmas mulk obyektlariga bo‘lgan huquqlarning davlat reyestri hamda ko‘chmas mulk obyektlari haqidagi maʼlumotlar yuritiladigan, maʼlumotlarining haqiqiyligi va ishonchliligi davlat tomonidan kafolatlanadigan yagona axborot tizimi etib belgilandi.

🔹 Bunda UZKAD tizimiga “Notarius” avtomatlashtirilgan axborot tizimi, Ko‘chmas mulk obyektlari manzillari yagona reyestri, Tadbirkorlik subyektlari yagona davlat reyestri, O‘zbekiston Respublikasi soliq to‘lovchilarining yagona reyestri, «Davlat mulki» axborot tizimi, Garov reyestri, Nodavlat notijorat tashkilotlar va ularning bo‘linmalari reyestri, litsenziyalar, ruxsat berish xususiyatiga ega hujjatlar va xabarnomalar reyestrlari va ko‘chmas mulk obyektlariga oid maʼlumotlar yuritilayotgan boshqa barcha Davlat axborot tizimlari integratsiya qilinadi hamda real vaqt rejimida onlayn maʼlumot almashinuvi yo‘lga qo‘yiladi.

🔹 Seminarda UZKAD tizimida ishlash qoidalari, tartibi va ko‘chmas mulk bilan bog‘liq bitimlarni rasmiylashtirish va davlat ro‘yxatidan o‘tkazish tizimidagi maʼlumotlar asosida amalga oshirilishi misollar bilan tushuntirildi.

🔹 Tadbir qatnashchilarining ko‘chmas mulklarni ro‘yxatdan o‘tkazish integratsion axborot tizimida ishlashda uchrab turadigan bir qator muammoli savollariga mutaxassislar javob berdilar.

🔹 O‘quv-seminari qiziqarli va savol javoblarga boy va qatnashchilar uchun foydali bo‘ldi.

Matbuot xizmati.
Telegram Instagram Facebook

Президент Шавкат Мирзиёев раислигида ўтаётган видеоселектор йиғилишида камбағалликни қисқартириш, аҳоли бандлигини таъминлаш ва кичик бизнесни қўллаб-қувватлаш бўйича 2023 йил учун режалар муҳокама қилинмоқда.

Давлатимиз раҳбари камбағалликни қисқартириш миллий сиёсат даражасига олиб чиқилганини таъкидлади.

Натижада ўтган йилнинг ўзида камбағаллик даражаси 17 фоиздан 14 фоизга тушгани, бунда ҳоким ёрдамчилари 1 миллион нафар аҳолини касб-ҳунарга ўқитиб, тадбиркорлигини бошлашга кўмаклашгани, даромадли иш билан банд қилгани муҳим омил бўлгани қайд этилди.

Шу даврда 200 мингга яқин тадбиркорлик субъекти ташкил қилинди, 10 мингта корхона фаолияти кенгайтирилди, 11 мингта корхона қуввати тикланди.

Бу ишларни 2023 йилда давом эттириш, бандликни таъминлаш бўйича барча тармоқ ва ҳудуд раҳбарларига аниқ топшириқлар берилган.

Жумладан, 2023 йилда 5 миллион нафар аҳоли бандлигини таъминлаш, шу жумладан 2 миллионта доимий иш ўринларини яратиш зарурлиги кўрсатиб ўтилди.

Facebook|Instagram|Twitter

Йиғилишда бандликни таъминлашда аҳолига тарқатилган ерлардан самарали фойдаланиш зарурлиги қайд этилди.

Икки йил ичида аҳолига бериладиган ерлар 200 минг гектардан ошади. Бу – Самарқанд вилоятининг жами пахта ва ғалла еридан кўп майдон.

Лекин, бу йил ажратилиши керак бўлган ерларни кўпи ҳали захирага олинмаган, ишлар пала-партиш ташкил қилинаяпти. Маҳалланинг ичидаги кичик-кичик қулай майдонлар қолиб, даланинг ўртасидаги катта ерларни ажратиш ҳолатлари ҳам бор.

Шу муносабат билан мутасаддиларга:

- ҳар бир маҳаллага “уста деҳқонлар”ни жалб қилиб, ушбу ер майдонларида фақат экспортбоп-бозорбоп маҳсулотлар етиштирилишига эътибор қаратиш;

- ҳар бир туман агрологистика марказлари ва экспортёрлар билан шартномалар тузилишини таъминлаш топширилди.

Бу ерлардан самарали фойдаланиб, камида 1 миллиард долларлик маҳсулот ишлаб чиқариш зарурлиги кўрсатиб ўтилди.

Facebook|Instagram|Twitter

📣Dehqon xo'jaligi yerlarini e-auksion.uz orqali ijraga oling!

Ayni paytda Namangan viloyatida 6 600 ta yer maydonlari ochiq tanlovlarga chiqarilgan bo'lib, ochiq elektron tanlovlarda ishtirok eting!

➡️ Mingbuloq tumanidan 625 ta (ko'rish)
➡️ Kosonsoy tumanidan 821 ta (ko'rish)
➡️ Namangan tumanidan 1756 ta (ko'rish)
➡️ Norin tumanidan 768 ta (ko'rish)
➡️ Pop tumanidan 18 ta (ko'rish)
➡️ To'raqo'rg'on tumanida 1700 ta (ko'rish)
➡️ Uychi tumanidan 682 ta (ko'rish)
➡️ Chortoq tumanidan 9 ta (ko'rish)
➡️ Chust tumanidan 73 ta (ko'rish)
➡️ Yangiqo'rg'on tumanidan 148 ta (ko'rish)

Eslatma!!! Dehqon xo'jaligiga mo'ljallangan yer uchastkalari O'zbekiston Respublikasi Vazirlar Maxkamasining 2022-yil 6-maydagi 237-sonli qarori asosida yangi tartibda ochiq elektron tanlovga qo'yilgan.

📞 Murojaat uchun telefon: 99-207-36-12 (soat 09:00 dan 18:00 gacha )

#Huquqiy_bilim

Huquqiy hujjatlarni o‘rganamiz

🇺🇿Davlat fuqarolik xizmatchilari odob-axloqining namunaviy qoidalari

❗️Davlat xizmatchilari o‘z kasbiy faoliyatini quyidagi prinsiplar asosida amalga oshirishi shart:

✅ qonuniylik;
✅ Vatanga sadoqat va xizmat vazifasiga fidoyilik, yuklangan funksional vazifalarini to‘liq bajarish, ijro intizomiga qatʼiy rioya etish;
✅ fuqarolar huquqlari, erkinliklari va qonuniy manfaatlarining ustuvorligi;
✅ davlat va jamiyat manfaatlariga sodiqlik;
✅ adolatlilik, halollik va xolislik;
✅ korrupsiyaviy holatlarga murosasiz munosabatda bo‘lish va qarshi kurashish;
✅ xizmat sirini qatʼiy saqlash;
✅ mansab vakolatlarini suiisteʼmol qilmaslik;
✅ manfaatlar to‘qnashuviga yo‘l qo‘ymaslik.

Vazirlar Mahkamasining 2022 yil 14-oktabrdagi 595-son qaroridan.

Matbuot xizmati.
Telegram Instagram Facebook