#korrupsiyaga_qarshi_kurashish

❗️Biz korrupsiyaga qarshimiz

🔺Bugun Davlat kadastrlari palatasining Namangan viloyati boshqarmasi boshlig‘i M.Tursunbayev, Chortoq tumanida rejalashtirilgan sayyor qabulidan avval, viloyat kadastr tizimida korrupsiyani oldini olish va unga qarshi kurashish bo‘yicha tuman bo‘limi hamda filiali xodimlari uchun navbatdagi umumiy profilaktika yig‘ilishi o‘tkazdi.

🔺Unda 🌟Kadastr agentligi va 👍Davlat kadastrlari palatasi viloyat boshqarmalarining korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar, bo‘lim va filial rahbarlari, inspektorlar, kadastr muhandislari hamda topograflar ishtirok etdilar.

🔺Tadbir avvalida boshqarma boshlig‘i M.Tursunbayev barcha xodimlarni diqqat e’tiborini yil yakunlari bo‘yicha viloyat kadastr tizimida erishilgan yutuqlar va kamchiliklar, foydalanilmagan rezerv imkoniyatlar hamda kadastr tizimi oldida turgan vazifalarga qaratdi. Shuningdek, tizimda korrupsiyaning har qanday ko‘rinishiga murosasiz bo‘lish, turli nopok shaxslardan ehtiyot bo‘lish va ijro intizomiga rioya qilish zarurligini uqtirdi.

🔺Shundan so‘ng A.Obidov xodimlarga hayotiy tajribadan kelib chiqib korrupsiya insonning o‘ziga, oilasiga va qarindosh urug‘lariga qanday salbiy tasir qilishi, uning qanday oqibatlarga olib kelishi mumkinligini jonli misollar bilan tushuntirdi. Bilimli, ilmli, vatanparvar inson hech qachon korrupsiyaga yo‘l qo‘ymasligi alohida ta’kidlandi.

🔺Yig‘ilishda so‘z olgan M.Nurmatov tartib intizomga qat’iy amal qilish, ishga o‘z vaqtida kelib-ketish, axborot xavfsizligi qoidalariga amal qilish, davlat xizmatchisi sifatida vijdon erkinligi va diniy tashkilotlar to‘g‘risidagi qonun haqida tushuncha berdi. Shuningdek, turli diniy saytlar va oqimlar ta’siriga tushib qolmaslik haqida gapirib, ishtirokchilarni ogohlikka chaqirdi.

🔺Mazkur profilaktik tadbir ochiq, samimiy, ishchanlik va o‘zaro hurmat ruhida o‘tdi.

Matbuot xizmati
📱 Telegram 📱 Instagram 📱 Facebook