#huquqiy_targibot

❗️Ko‘chma savdo do‘konlari uchun kadastr pasporti talab etiladimi ?

Javob: Yo‘q, talab etilmaydi.

⚖️ Qonunchilikka ko‘ra, mol-mulk fuqarolik huquqlari obyekti sifatida ko‘chmas mulkka va ko‘char mulkka bo‘linadi. Ko‘chmas mulk jumlasiga kirmaydigan mol-mulk ko‘char mulk hisoblanadi. Ko‘char mulkka kadastr pasporti berilmaydi va unga bo‘lgan huquqlarni ro‘yxatdan o‘tkazish talab etilmaydi.

🔹Ko‘chma savdo joyini ijaraga olish huquqi “E-auksion” elektron savdo platformasi orqali elektron onlayn-auksionda sotiladi. Bunda elektron onlayn-auksion g‘olibiga ko‘chma savdo joyi ko‘pi bilan 36 oygacha ijaraga beriladi, ko‘chma savdoning “K-SAVDO” avtomatlashtirilgan axborot tizimida ro‘yxatdan o‘tganligini tasdiqlovchi guvohnoma yer uchastkasi ijarasi shartnomasiga tenglashtiriladi.

Matbuot xizmati.
📱 Telegram 📱 Instagram 📱 Facebook

#huquqiy_targibot

❗️“O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi Qonun (O‘RQ-937-son, 05.08.2024 y.) mazmun-mohiyatini tushuntirish yuzasidan infografika.

Matbuot xizmati.
📱 Telegram 📱 Instagram 📱 Facebook

#Kadastr_inson_manfaati_yo_lida #sarhisob

🆕 Aholi murojaatlari doimiy e’tiborimizda

🇺🇿 Kadastr agentligi Davlat kadastrlari palatasining Namangan viloyati boshqarmasiga 2024-yil davomida Xalq qabulxonasi, Viloyat hokimligi, Virtual qabulxonalar, bevosita idora va uning hududiy filiallariga kelgan fuqarolar murojaatlari sifatli ko‘rib chiqish uchun joyiga chiqib “mahallabay” va “xonadonbay” o‘rganish ishlari tashkil qilindi.

✔️2024-yil davomida jami 2 612 ta murojaatlar kelib tushdi.

Shundan:
🔹Virtual qabulxonalar orqali – 876 ta;
🔹Og‘zaki murojaatlar – 196 ta;
🔹Yozma murojaatlar – 221 ta;
🔹Elektron murojaatlar – 1 319 ta;
🔹Rahbarlar qabul qilingan murojaatchilar – 196 nafar;
🔹Bevosita idorada qabul qilinganlar – 102 nafar;
🔹Sayyor qabullarda qabul qilinganlar – 63 nafar;
🔹Tuman rahbarlariga murojaatlar – 318 ta.

✔️Barcha murojaatlar boshqarma va tuman shahar rahbarlari va malakali mutaxassislar tomonidan murojaatchilar bilan bevosita ko‘rishgan holda, joylarga chiqib, xonadonlariga tashrif buyurib o‘rganish ishlari yo‘lga qo‘yildi.

✔️Natijada barcha murojaatlarning 1 756 tasi yoki 67% ijobiy hal qilindi, va 831 tasiga huquqiy tushuntirish berildi, hamda 25 ta murojaatni o‘rganish jarayoni davom etmoqda.

Matbuot xizmati.
📱 Telegram 📱 Instagram 📱 Facebook

🇺🇿🇺🇿🇺🇿🇺🇿🇺🇿

Yer uchastkasi olib qo‘yilishi munosabati bilan kompensatsiya beriladi

🪪Yer uchastkasi olib qo‘yilganligi munosabati bilan huquq egasiga noqulayliklar keltirib chiqarilganligi uchun kompensatsiya sifatida yer uchastkasida joylashgan ko‘chmas mulk bozor qiymatining besh foizi miqdorida bir martalik to‘lov amalga oshiriladi.

❕Quyidagilar kompensatsiya qilinadi:

▪️olib qo‘yilgan yer uchastkasida joylashgan ko‘chmas mulk obyektlarining bozor qiymati;
▪️olib qo‘yilgan yer uchastkasiga bo‘lgan huquqning bozor qiymati;
▪️olib qo‘yilgan yer uchastkasida joylashgan ko‘p yillik dov-daraxtlarning bozor qiymati;
▪️ko‘chish, shu jumladan boshqa ko‘chmas mulk obyektini vaqtinchalik ijaraga olish bilan bog‘liq xarajatlar;
▪️yer uchastkasidan va unda joylashgan ko‘chmas mulk obyektlaridan foydalanishdan olinishi mumkin bo‘lgan boy berilgan foyda (bunda yer uchastkasi va unda joylashgan ko‘chmas mulk obyektlari bo‘shatib qo‘yilgan paytdan e’tiboran avvalgi faoliyatni tiklashga qadar bo‘lgan, biroq bir yildan ortiq bo‘lmagan muddatdagi foyda yoki mavsumiy hosildan olinishi mumkin bo‘lgan foyda hisobga olinadi);
▪️huquq egasining qonunchilikda yoki kelishuvda nazarda tutilgan boshqa xarajatlari va zararlari.

Asos: 29.06.2022-yildagi O'RQ-781-son

#DavKadastrPalata #huquqiy_ma_lumotlar

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

8-yanvar - Prokuratura organlari xodimlari kuni

🇺🇿 Prokuratura organlari mamlakatimizda huquqiy tartibni saqlash, qonunlarning adolatli va teng ravishda qo‘llanilishini ta'minlashda beqiyos ahamiyatga ega. Ularning har bir qarori, har bir amaliyoti jamiyatimizda qonun ustuvorligini, huquqiy xavfsizlikni va adolatni tiklashga xizmat qiladi.

🇺🇿 Bugungi kunda prokuratura tizimi faqatgina jinoyatlarni tergov qilishda emas, balki inson huquqlarini himoya qilish, korrupsiyani fosh etish va jamiyatda adolatli huquqiy muhitni yaratishda ham katta rol o‘ynaydi. Ularning har bir xatti-harakati Vatanimiz ravnaqi uchun muhim ahamiyatga ega.

💐 Prokuratura tizimida mehnat qilayotgan barcha xodimlarga adolat va qonuniylikni ta'minlashdagi fidokorona va mashaqqatli ishlarida davomiy muvaffaqiyat va omadlar tilaymiz! Jamiyatimizdagi huquqiy tartibni mustahkamlashga xizmat qilayotgan sharafli faoliyatingizda ulkan zafarlar yor bo'lsin!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿🟦🟦🟦🟦🟦🟦

Davlat kadastrlari palatasining rasmiy sahifalariga obuna bo'ling!

✔️ Ijtimoiy tarmoqlarda bizni kuzatib borish orqali:

🌟 Kadastr tizimi bo'yicha eng so'nggi yangiliklar, xizmatlar va imkoniyatlardan xabardor bo'ling;

📥 Davlat xizmatlaridagi o'zgarishlar va imtiyozlar haqida muntazam boxabar bo'ling;

✅ Sohaga oid savollaringizga tez va aniq javoblarni topishingiz mumkin.

🎚Bizning sahifalarimizni skaner qilib, eng so'nggi xabarlar va foydali ma'lumotlarga ega bo'ling!

#DavKadastrPalata #e_tibor_qarating

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter