#siyosiy_marifat_soati

Siyosiy-ma’rifat soati qiziqarli o‘tdi

✔️Bugun Kadastr agentligi va Davlat kadastrlari palatasining Namangan viloyati boshqarmalari xodimlari navbatdagi “Siyosiy-ma’rifiy soat”da ishtirok etdilar.

✔️Unda haftaning asosiy yangiligi bo‘lgan, O‘zbekiston Respublikasi Prezidenti Shavkat Mirziyoevning “BRIKS plyus” sammiti yalpi majlisidagi ishtiroki va bir qator davlatlar rahbarlari bilan ikki tomonlama uchrashuvlarini qiziqib tomosha qilindi.

✔️Shundan so‘ng, Kadastr agentligi viloyat boshqarmasi korrupsiyaga qarshi kurashish bo‘yicha bosh mutaxassisi M.Nurmatov va boshqarmaning Jamoatchilik bilan aloqalar sho‘basi bosh mutaxassisi, O‘zbekiston Ekologik partiyasidan Namangan shahar kengashi deputatligiga nomzod Sh.Toshtemirovlarni 27-oktyabr kuni bo‘lib o‘tadigan O‘zbekiston Respublikasi Oliy Majlisi Qonunchilik palatasi, xalq deputatlari viloyat, tuman va shahar Kengashlari saylovi, uning mohiyati va yangiliklari haqidagi ma’ruzalari tinglandi.

✔️Ular hamkasblarni saylovlarda faol qatnashib o‘zlari tanlagan nomzodlarga ovoz berishga chaqirdilar. Saylov bilan bog‘liq savollarga javob berdilar.

Matbuot xizmati.
📱 Telegram 📱 Instagram 📱 Facebook

#Seminar

Yangi qonunni amalga oshirish mexanizimi yuzasidan o‘quv-seminar

⏺Bugun Namangan viloyatida Davlat kadastrlar palatasining Namangan viloyati boshqarmasi boshlig‘i M.Tursunbayev boshchiligida viloyat boshqarmasi mutaxassislari va tuman, shahar filiallari rahbarlari hamda xodimlari uchun O‘zbekiston Respublikasi Prezidenti tomonidan joriy yilning 5-avgustda imzolangan "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi Qonunini amalga oshirish mexanizmlariga bag‘ishlangan o‘quv seminar bo‘lib o‘tdi.

⏺Seminarda boshqarma boshlig'i M.Tursunbayev kun tartibidagi birinchi masala, Davlat kadastrlari palatasi tomonidan tasdiqlangan "Ko‘chmas mulklarni xatlov yo‘li bilan texnik inventarizatsiyadan o‘tkazish va elektron yig‘majildini tayyorlash tartibi to‘g‘risida"gi Uslubiy qo'llanma va uni amalga oshirish bosqichlari bilan xodimlarni tanishtirdi.

⏺Boshqarma boshlig'i o'rinbosari R.Raximov Qonun ijrosini amalga oshirish uchun Reja-jadval asosida mahalla fuqarolar yig‘ini raislariga xabarnoma yuborish, topograf va kadastr muhandislarini taqsimlash, mahallaning hudud xaritasini va ko‘chmas mulklar ro‘yxatini tayyorlash, joylarda dastlabki xatlov ishlarini boshlash yuzasidan tushunchalar berdi.

⏺Shuningdek boshqarmaning Qonun ijrosiga mas'ul bo'lim boshliqlari tomonidan xatlov jarayonidagi topograf va kadastr muhandisini amalga oshiradigan texnik o'lchov ishlari haqida ma'lumotlar berdilar.

⏺Seminar yakunida boshqarma boshlig'i M.Tursunbayev filiallarni moddiy-texnika bilan ta'minlash, qo'shimcha xodimlar ajratish, ijro intizomi hamda korrupsion holatlarga yo'l qo'ymaslik kabi mavzularda kerakli topshiriqlar berdi.

⏺Tadbir savol javoblarga boy, qiziqarli o‘tdi.

Matbuot xizmati.
📱 Telegram 📱 Instagram 📱 Facebook

#korrupsiyaga_qarshi_kurashish

Korrupsiyaga yo‘l qo‘ymaslik pirovard maqsadimiz

⏺Joriy yil 28-oktabr kuni Kadastr agentligi va Davlat kadastrlari palatasining Namangan shahar, Davlatobod va Yangi Namangan tuman bo‘limlari va filiallari xodimlari bilan Davlat kadastrlari palatasining Namangan viloyati boshqarmasi boshligʼi M.Tursunbayev rahbarligida “Yuksak ishonchni oqlaymiz” mavzusida yigʼilish boʼlib oʼtdi.

⏺Unda Davlat kadastrlari palatasining Korruptsiyaga qarshi kurashish bo‘limi boshlig‘i vazifasini bajaruvchi I.Tadjibayev hamda boshqarmalarning korruptsiyaga qarshi kurashish boʼyicha bosh mutaxassislari M.Nurmatov va А.Obidovlar, boʼlimlar hamda filiallar rahbarlari, kadastr muhandislari, topograflar va inspektorlar jami 65 nafar xodimlar ishtirok etdilar.

⏺Boshqarma boshligʼi M.Tursunbayev yigʼilishni kirish soʼzi bilan ochib, soʼzni I.Tadjibayevga berdi. U oʼz soʼzida Muhtaram Prezidentimiz tomonlaridan yaqinda imzolangan 937-sonli qonunning amalga kirishiga sanoqli kunlar qolganligini, joylarda uning ijrosini tashkil qilish va unda korrupsion holatlarga yoʼl qoʼymaslik boʼyicha oʼz fikrini bildirdi, hamda boshqa viloyatlarda oʼrganish jarayonida aniqlangan kamchiliklar va ularni kelib chiqish sabablariga toʼxtaldi.

⏺Tadbirda soʼz olgan Kadastr agentligi viloyat boshqarmasi korrupsiyaga qarshi kurashish boʼyicha bosh mutaxassisi M.Nurmatov, mehnat va ijro intizomiga rioya qilish, qonun hujjatlarini oʼrganish, doimo oʼz ustida ishlash va bilimini oshirib borish lozimligini uqtirdi. Korrupsiya balosiga giriftor boʼlgan xodimlarning achchiq qismati haqida jonli misollar bilan tushuntirdi.

⏺Yigʼilishda soʼz olgan А.Obidov bugungi profilaktik yigʼilishdan koʼzlangan asosiy maqsad, soha xodimlarining siyosiy va huquqiy ongini oshirish, korrupsiyaning har qanday koʼrinishiga murosasiz boʼlish, turli nopok shaxslarning nayrangiga uchmaslik va hushyorlikni oshirish ekanligiga alohida urgʼu berdi. Barcha xodimlarni ayniqsa yoshlarni davlat xizmatchisi sifatida oʼz yurtiga, kasbiga sadoqatli boʼlish, oʼz ustida ishlashi, koʼproq kitob oʼqish zarurligini uqtirib oʼtdi.

⏺Tadbir yakunida Boshqarma boshligʼi M.Tursunbaev ishlarni muvaffaqiyatli olib borish uchun rahbarlar, kadastr muhandislari, topograflar oʼz faoliyatlariga doir Qonunlarni, sohaga oid meʼyoriy - huquqiy hujjatlarni puxta oʼrganishlari, ularni ish jarayonida toʼgʼri qoʼllashga eʼtibor berishlari, fuqarolar bilan muloqotda qoʼpollikka yoʼl qoʼymaslik zarurligini alohida taʼkidladilar.

⏺Mazkur profilaktik tadbir samimiy, ishchanlik ruhida oʼtdi. Maqsadimiz esa, kadastr sohasini korrupsiyadan holi tizimga aylantirish, xalqimizga beminnat kadastr xizmati koʼrsatish hamda Davlatimiz Rahbari tomonidan bildirilgan yuksak ishonchni oqlashdan iboratdir.

Matbuot xizmati.
📱 Telegram 📱 Instagram 📱 Facebook