#yer nazorati

‼️ Sherbuloqda 2 gektarga yaqin zaxira yerga kim ko‘z olaytirmoqda.

💎 Bugun Kadastr agentligining Namangan tumani bo‘limi inspektorlari tomonidan kuchaytirilgan yer nazorati va yer maydonlarini talon-taroj qilishni oldini olishga qaratilgan tadbirlar davomida quyidagilar aniqlandi:

❗️ Tumanning “Sherbuloq” massivida davlat zaxirasida bo‘lgan 12 gektar yer maydoning 1,9 gektariga hozircha shaxsi aniqlanmagan fuqarolar tomonidan  hech bir huquqiy hujjatlarsiz, o‘zboshimchalik bilan hovli joylar uchun beton poydevorlar qurilgani  va 0,48 gektar yerni devor bilan o‘rab olingani aniqlandi.

💎 Tuman kadastr bo‘limi, tuman IIB bo‘limi vakillaridan iborat tuman Ishchi guruhi tomonidan beton poydevorlar olib tashlandi va yer o‘z holiga keltirilmoqda.

💎 Hozirda tegishli huquqni himoya qilish organlari tomonidan “Sherbuloq” massivida 2 gektarga yaqin zaxira yerga kimlar ko‘z olaytirganiga aniqlik kiritilmoqda.

 💎 Bizni kuzatib boring! Bu masalaga yana bir bor qaytamiz va Sizlarga qo‘shimcha maʼlumotlarni yetkazamiz!

 ❗️ Yerlarini talon-taroj qilinishini oldini olishga qaratilgan tadbirlar barcha tumanlarida davom etmoqda.

Matbuot xizmati.

#siyosiy_maʼrifiy  soati

🔼 Siyosiy-maʼrifat soati qiziqarli o‘tdi.

🌐 Bugun Kadastr agentligi va Davlat kadastrlari palatasi Namangan viloyati boshqarmalari va tumanlari xodimlari navbatdagi “Siyosiy-maʼrifiy soat”da ishtirok etdilar.

🌐 O‘quv soatidan so‘ng  yig‘ilishda so‘z olgan boshqarmaning murojaatlar bilan ishlash sho‘basi boshlig‘i, viloyat boshqarmasi Maʼnaviyat va maʼrifat kengashi aʼzosi I.Sarimsaqov, Namangan viloyati boshqarmalarida murojaatlar va xatlar bilan ishlashda ijro intizomiga amal qilish, yuqori turuvchi tashkilotlardan kelib tushayotgan topshiriqlarni to‘liq, sifatli va vijdonan bajarish bo‘yicha gapirib o‘tdi va ishtirokchilar savollariga javob berdi.

🌐 Inson resurslarini rivojlantirish va boshqarish sho‘basi boshlig‘i O‘.Qalandarova o‘z so‘zida ichki mehnat tartibi qoidalariga amal qilish, ishga vaqtida kelish va ish jarayonida obyektlarga va tumanlarga chiqayotganda ro‘yxatga olish daftariga qayd qilish zarurligini uqtirdi.

🌐 Bugungi “Siyosiy-maʼrifiy soati”da kadastr xodimlari O‘zbekiston Respublikasi Prezidenti Shavkat Mirziyoyevning taklifiga binoan Qirg‘iz Respublikasi Prezidenti Sadir Japarov rafiqasi bilan birga davlat tashrifi bilan mamlakatimizga kelganligi haqidagi xalqaro yangiliklar bilan tanishdilar.

🌐 Prezident Shavkat Mirziyoyev raisligida hududlar va tarmoqlarda iqtisodiy o‘sish surʼatlarini taʼminlash bo‘yicha birinchi yarim yillik tahlili hamda yil yakuniga qadar ustuvor vazifalar muhokamasi yuzasidan videoselektor yig‘ilishi tafsilotlarini diqqat bilan tingladilar.

🌐 Tadbir qiziqarli va foydali bo‘ldi.

Matbuot xizmati.

#yer nazorati

⚠️ Yer nazorati Uchqo‘rg‘onda qanday tashkil qilinmoqda.

✔️ Bugun Kadastr agentligi Uchqo‘rg‘on tumani bo‘limi inspektorlari tomonidan olib borilayotgan yer nazorati tadbirlari bilan tanishamiz. Xabaringiz bor Uchqo‘rg‘on tumani aholi zich joylashgan tumanlardan biri. Tumanda ayniqsa tuman markazida har qarich yer hisobda.

✔️ Shu sababli inspektorlari tadbirlarida asosiy eʼtiborni avtomobil yo‘llar atrofidagi va aholi punktlaridagi o‘zboshimchalik bilan qurilgan har xil bino inshootlar va noqonuniy o‘rnatilgan savdo shoxobchalariga  qaratmoqdalar.

‼️ Birgina misol, kuchaytirilgan yer nazorati tadbirlari davomida Uchqo‘rg‘on tumani “Ko‘prikboshi” MFY dagi Ko‘prikboshi ko‘chasi hududida quyidagilar aniqlandi:

-  Fuqaro t.A tomonidan serqatnov avtomobil yo‘lining muhofaza qismidagi 12 kv.metr yer maydoniga huquqiy hujjatlarsiz, o‘zboshimchalik bilan savdo do‘koni o‘rnatib olingan.

- Fuqaro H.G. shu ko‘chaning piyodalar yo‘lakchasida o‘zboshimchalik bilan 36 kv. metr yer maydonda savdo rastasi tashkil qilgan.

- Fuqaro A.I. shu ko‘chaning  muhofaza qismiga huquqiy hujjatlarsiz, o‘zboshimchalik bilan 24 kv. metr yer maydonga yopiq qurilma qurgan.

- Fuqaro Q.B. o‘zboshimchalik bilan ko‘chaning qatnov qismiga yaqin joyda 26 kv. metr yer maydonga savdo do‘koni qurib, egallab olgan.

 ‼️ Ularga Kadastr agentligi Uchqo‘rg‘on tuman bo‘limi tomonidan o‘zboshimchalik oqibatlari tushuntirildi va yozma ogohlantirish berildi.  O‘ziga tegishli xulosa chiqargan fuqarolar o‘z hisoblaridan noqonuniy qurilishni bartaraf etib, yer maydoni asl holiga qaytarilishini taʼminladilar. Fuqarolarga nisbatan MJtKning 60- moddasi tegishli qismi bilan maʼmuriy bayonnomalar rasmiylashtirildi.

⁉️ Hurmatli fuqarolar va tadbirkorlar! Sizlardan o‘zboshimchalik bilan, serqatnov avtomobil yo‘llarining muhofaza qismida savdo do‘konlari va savdo rastalari tashkil qilmaslikni deb so‘rab qolamiz.

✔️ Yer nazorati va yerlarini talon-taroj qilinishini oldini olishga qaratilgan tadbirlar barcha tumanlarida davom etmoqda.

Matbuot xizmati.