🏢Tadbirkorlik qilish uchun bino kerakmi?

E-auksion.uz platformasi orqali Namangan
viloyatidan 33 ta ko'chmas mulk binolarni sotib oling va o'z biznesingizni boshlang!

♻️ Mingbuloq tumanidan 1 ta (ko'rish)
♻️ Kosonsoy tumanidan 6 ta (ko'rish)
♻️ Namangan tumanidan 1 ta (ko'rish)
♻️ Pop tumanidan 8 ta (ko'rish)
♻️ Uchqo'rg'on tumanidan 5 ta (ko'rish)
♻️ Chortoq tumanidan 5 ta (ko'rish)
♻️ Chust tumanidan 2 ta (ko'rish)
♻️ Yangiqo'rg'on tumanidan 2 ta (ko'rish)
♻️ Davlatobod tumanidan 1 ta (ko'rish)
♻️ Yangi Namangan tumanidan 2 ta (ko'rish)


📌 "E-AUKSION" vakil telefon +99899-207-26-12 (Soat 09:00 dan 18:00 gacha)

#qonunchilikdagi_yangiliklar

❗️Bo‘sh yer uchastkalaridan samarali foydalaniladi

“Hududlarning iqtisodiy salohiyatini ro‘yobga chiqarish va bo‘sh yer uchastkalaridan samarali foydalanish chora-tadbirlari to‘g‘risida”gi Prezident Qarori (PQ-245-son, 08.07.2024 y.) qabul qilindi.

✅Qarorga ko‘ra, quyidagilar tasdiqlandi:

🔹Urbanizatsiya jarayonlarini jadallashtirish, shaharlar va tumanlar markazlarini rivojlantirish hamda aglomeratsiya hududlarini tashkil etishga qaratilgan master-rejalar ishlab chiqiladigan tumanlar va shaharlar ro‘yxati;

🔹Aholi va sayyohlar uchun barcha qulayliklarga ega turizm maskanlarini tashkil etishga qaratilgan master-rejalar ishlab chiqiladigan tumanlar va shaharlar ro‘yxati;

🔹Germaniya xalqaro hamkorlik tashkiloti (GIZ) bilan hamkorlikda kompleks iqtisodiy rivojlantirishga qaratilgan master-rejalar ishlab chiqiladigan tumanlar ro‘yxati.

✔️ Aholi ehtiyojidan kelib chiqib ko‘p qavatli va yakka tartibdagi uy-joylar majmualarini tashkil qilish master-rejalarning asosiy yo‘nalishlaridan biri etib belgilandi.

🗓 2024-yil 1-avgustdan joriy yil yakunigacha belgilangan master-rejalarga muvofiq zamonaviy xizmat ko‘rsatish majmualari va servis obyektlarini, jumladan joylashtirish vositalari, turar joylar, savdo-ko‘ngilochar markazlarini tashkil qilish uchun master-reja hududidagi yer uchastkalari auksion savdolariga chiqariladi.

Matbuot xizmati.
Telegram | Instagram | Facebook

#korrupsiyaga_qarshi_kurashish

Korrupsiya hamma vaqt taraqqiyot kushandasi bo‘lgan

🔹Bugun Kadastr agentligi va Davlat kadastrlari palatasining viloyat boshqarmalari korrupsiyaga qarshi kurashish bo‘yicha bosh mutaxassislari M.Nurmatov va A.Obidovlar Agentlik va Palataning To‘raqo‘rg‘on tuman bo‘lim va filialida bo‘lib, unda shaxsiy tarkib bilan profilaktik suhbatlar o‘tkazdilar.

🔹Tadbirda xodimlarda korrupsiya illatining har qanday ko‘rinishiga murosasizlik hisini shakllantirish maqsadida, kishilik jamiyatining har qanday tizimida, hayotda bu jirkanch yo‘lni tanlagan kimsalarning ayanchli qismati haqida gapirdi. O‘z hayot yo‘lini to‘g‘riso‘zlik, halollik va mehnatsevarlikka baxshida etgan fidoyi insonlarning el-yurt va jamiyatimizda ardoqlanganligini hayotiy misollar bilan so‘zlab berdilar.

🔹Suhbat jarayonida, kadastr idoralarining obro‘si va shaʼnini himoya qilish, uni asrab avaylash sohaning har bir xodimidan, xoh u kadastr muhandisi bo‘ladimi yoki bo‘lim boshlig‘imi, metin irodani va matonatni talab etishini, buning uchun xodimlardan bilim va oddiy insoniy bag‘rikenglikni, o‘z kasbiga nisbatan  hurmat va masʼuliyatni talab etishi taʼkidlab o‘tildi.

🔹Shu munosabat bilan fuqarolar bilan ishlash jarayonida, xizmat madaniyatiga va davlat xizmatchisining axloq va odob qoidalariga rioya qilishlari, tamagirlik va firibgarlik holatlariga yo‘l qo‘ymasliklari alohida tushuntirildi. Sohada ayrim xodimlar tomonidan yo‘l qo‘yilayotgan kamchiliklar tahlil qilib berildi.

🔹Shu bilan birga, bo‘lim va filialda ijro va mehnat intizomining ahvoli, Kadastr agentligi va Davlat kadastrlari palatasi rahbariyatining topshiriqlari ijrosi tahliliy va tanqidiy o‘rganildi. Shu bilan birgalikda, arxiv hujjatlarining saqlanishi, davlat kadastrini yuritishda meʼyoriy hujjatlarga amal qilinishi, fuqarolar murojaatlarining asossiz rad etish holatlariga yo‘l qo‘ymaslik yuzasidan mutaxassislarga tegishli ko‘rsatmalar berildi.

🔹Suhbat savol javoblarga boy, qiziqarli tarzda bo‘lib o‘tdi. Yig‘ilish ishtirokchilari o‘zlarini qiynayotgan dolzarb masalalar bo‘yicha atroflicha maslahatlar oldilar.

Matbuot xizmati.
Telegram | Instagram | Facebook

#yer_nazorati

Yerlarini talon-taroj qilishga yo‘l qo‘yilmaydi.

🔹Avval xabar berganimizdek bugun ham Kadastr agentligi Namangan viloyati boshqarmasining 1-Ishchi guruhi Toshkent-Namangan A-373 avtomagistralining muhofaza zonasiga qurilgan noqonuniy inshootlarni bartaraf qilish ishlarni davom etdirmoqdalar.

🔹Xabaringiz bor A-373 avtomobil yo‘li serqatnov bo‘lib yo‘lga yaqin noqonuniy qurilgan har-xil qurilmalar haydovchilarga ham, piyodalarga ham noqulaylik tug‘diradi.

🔹Masalan, Pop tumandan o‘tuvchi ushbu avtomagistraling 283-284 kilometr oralig‘ida fuqarolar J.M. tomonidan 280 kv.metr yer maydoni o‘zboshimchalik bilan egallab olingan va 150 kv. metr yerda noqonuniy qurilish ishlarini amalga oshirgan. Xuddi shu yerda fuqaro O.V. tomonidan 140 kv. metr yerga o‘zboshimchalik bilan savdo shahobchasi qurgan. Ularga bu ishning oqibati tushuntirilgandan so‘ng huquqbuzarlikni o‘z ixtiyorlari bilan bartaraf qildilar. Fuqarolarga nisbatan MJtKning 60- moddasi 3- qismi bo‘yicha maʼmuriy bayonnoma rasmiylashtirildi.

🔹Tadbirlarda asosiy eʼtiborni qishloq xo‘jaligi yerlaridagi, magistral yo‘llar atrofidagi va aholi punktlaridagi o‘zboshimchalik bilan qurilgan har-xil bino inshootlarni aniqlash va qonuniy chora ko‘rishga qaratilmoqda.

Kuchaytirilgan yer nazorati tadbirlari davom etmoqda. Bizdan uzoqlashmang!

Matbuot xizmati.
Telegram | Instagram | Facebook