#qonunchilikdagi_yangiliklar #huquqiy_targibot

Qishloq xo‘jaligiga mo‘ljallangan yerlarning ijara huquqini boshqa shaxsga o‘tkazishga (qayta ijaraga berishga) ruxsat berilmoqda

🇺🇿O‘zbekiston Respublikasi Prezidenti tomonidan imzolangan “Qishloq xo‘jaligiga mo‘ljallangan yer uchastkalarini ijaraga berish tartibini takomillashtirish bo‘yicha qo‘shimcha chora-tadbirlari to‘g‘risida”gi Farmonga muvofiq, 2024-yil 1-martdan boshlab qishloq xo‘jaligiga mo‘ljallangan yer uchastkalari ijarachilariga ijaraga berilgan yer uchastkalari bo‘yicha o‘z huquq va majburiyatlarini boshqa shaxsga o‘tkazishga (qayta ijaraga berishga) ruxsat etiladi.

Bunda:
🔹 shartnoma bo‘yicha huquq va majburiyatlar yer uchastkasidan foydalanish maqsadini o‘zgartirmagan holda holda o‘tkaziladi;

🔹 ijaraga oluvchi yerga ijara huquqini o‘tkazishdan oldin undan kamida 3 yil, 2021-yilgacha hokim qarori bilan olgan bo‘lsa, kamida 5 yil davomida o‘zi foydalangan bo‘lishi kerak;

🔹 ijaraga oluvchi auksion yoki tanlov natijasiga ko‘ra bo‘lib-bo‘lib to‘lash majburiyatlarini to‘liq bajargan bo‘lishi shart;

🔹 yuridik shaxslar o‘zlariga to‘g‘ridan to‘g‘ri ravishda ijaraga berilgan yer uchastkalarini ijara huquqi davlat ro‘yxatidan o‘tkazilgan paytdan boshlab 5 yildan keyin boshqa shaxsga o‘tkazishi (qayta ijaraga berishi) mumkin.

Matbuot xizmati.
Telegram | Instagram | Facebook

#qonunchilikdagi_yangiliklar #huquqiy_targibot

Ijara huquqi garovga qo‘yilgan holatlarda undiruvni ushbu huquqqa qaratish va ijara huquqini auksion orqali sotishga ruxsat berilmoqda

“Qishloq xo‘jaligiga mo‘ljallangan yer uchastkalarini ijaraga berish tartibini takomillashtirish bo‘yicha qo‘shimcha chora-tadbirlari to‘g‘risida”gi Farmonga muvofiq:

🔷 Garovga qo‘yuvchining yer uchastkasiga bo‘lgan huquqlar garovi bilan ta’minlangan majburiyati bajarilmagan taqdirda, yer uchastkasidan foydalanish maqsadini o‘zgartirmagan holda, ijara huquqini yer ijarasi shartnomasining qolgan davriga elektron onlayn-auksion savdolari orqali realizatsiya qilishga ruxsat etiladi.

Bunda:
🔹yer uchastkasiga ijara huquqini elektron onlayn-auksion savdolariga chiqarishni vakolatli organlar bilan kelishish (xulosa olish) talab etilmaydi;

🔹sud hujjatlari va boshqa organlar hujjatlarini ijro etish to‘g‘risidagi qonunchilikka muvofiq ijara huquqini elektron onlayn-auksion savdolarida realizatsiya qilishdan tushgan mablag‘lar qonunda belgilangan tartibda taqsimlanadi.

Matbuot xizmati.
Telegram | Instagram | Facebook

#yer_nazorati

OAV biz haqimizda

Bugun O‘zbekiston Milliy axborot agentligi rasmiy saytida Kadastr agentligining Namangan viloyati boshqarmasi tomonidan yer bilan bog‘liq qonun buzilish holatlarini barvaqt aniqlash borasida 2023-yilda amalga oshirilgan ishlar "Yerdan o‘zboshimchalik bilan foydalanib bo‘lmaydi" sarlavhali maqola bilan e'lon qilindi.

➡️ Batafsil O‘zbekiston Milliy axborot agentligi rasmiy saytida tanishing!

Matbuot xizmati.
Telegram | Instagram | Facebook

#kadastr #arxiv

2024-yil Davlat kadastrlari palatasida “Arxiv hujjatlarini raqamlashtirish va ularni hisobini to‘g‘ri yuritishni yo‘lga qo‘yish yili”

🔹Davlat kadastrlari palatasining Namangan viloyati boshqarmasi tuman, shahar filiallarida jami 568 374 ta ko‘chmas mulk kadastr yig‘majildlari filial idoraviy arxivlarida saqlanib kelinmoqda.

🔹DKP raisi tomonidan tasdiqlangan tegishli buyruqqa asosan 2024-yil Davlat kadastrlari palatasida “Arxiv hujjatlarini raqamlashtirish va ularni hisobini to‘g‘ri yuritishni yo‘lga qo‘yish yili” deb eʼlon qilindi.

🔹Namangan viloyatida ham yuqoridagi buyruq ijrosi yuzasidan boshqarmaning Mingbuloq, Uchqo‘rg‘on, Chortoq va Namangan shahar filiallarida ishchi guruh tashkil qilinib, mavjud hujjatlarni birma-bir qo‘ldan o‘tkazilib, elektron bazasi shakllantirilmoqda.

🔹Ushbu amalga oshirilayotgan ishlar o‘z navbatida jismoniy va yuridik shaxslar tomonidan kelgan murojaatlarni qisqa fursat ichida hal etilishini taʼminlaydi.

Matbuot xizmati.
Telegram | Instagram | Facebook

#bilishingiz_muhim
#yer_fondi_toifalari

SANOAT, TRANSPORT, ALOQA, MUDOFAA VA BOSHQA MAQSADLARGA MO‘LJALLANGAN YERLAR

🔹Sanoat, transport, aloqa, mudofaa va boshqa maqsadlarga mo‘ljallangan yerlarga belgilangan maqsadlarda foydalanish uchun yuridik shaxslarga berilgan yerlar kiradi. Bu toifadagi yerlar tashkilotlarga yuklangan vazifalarni bajarish uchun belgilangan tartibda me’yoriy yoki loyiha-texnik hujjatlar asosida beriladi.

🔹Namangan viloyatida Sanoat, transport, aloqa, mudofaa va boshqa maqsadlarda foydalaniladigan yerlarning maydoni 2024-yil 1-yanvar holatiga ko‘ra 59 ming 441 gektarni tashkil qiladi.

Matbuot xizmati.
Telegram | Instagram | Facebook