#yer_nazorati

🇺🇿Kadastr agentligi Namangan viloyati boshqarmasi yer va kadastr nazorati inspektorlari tomonidan 2023-yil davomida viloyatda jami 1 636 ta holatda 229,3 gektar yer maydoni o‘zboshimchalik bilan egallab olinganligi aniqlangan.

Ushbu aniqlangan huquqbuzarliklarga o'rnatilgan tartibda chora ko'rish maqsadida

🔹berilgan yozma ko'rsatmalarga asosan 977 ta holatda 103,8 gektar ixtiyoriy bartaraf etildi;
🔹659 ta holatda 125,7 gektar sudlarga da'vo arizalari kiritildi;
🔹193 ta holatda 22,3 gektar sudlar tomonidan qanoatlantirildi (majburiy buzdirish yuzasidan sud qarori qabul qilindi)
🔹465 ta holatda 102,9 gektar sud jarayonlari davom etmoqda;
🔹105 ta holatda ish hujjatlari o'rnatilgan tartibda prokuratura organlariga yuborilgan.

Namangan viloyati bo'yicha aniqlangan qonunbuzilish holatlarini huquqbuzarlar tomonidan ixtiyoriy bartaraf etilishi 60% ni tashkil qilgan.

Matbuot xizmati.
Telegram | Instagram | Facebook

#yer_nazorati

Sug'oriladigan yer - xalqimiz boyligi

🔹Qishloq xo‘jaligiga mo‘ljallangan yerlar tarkibiga kiruvchi sug‘oriladigan hamda alohida qimmatga ega bo‘lgan unumdor sug‘oriladigan yerlar qonunchiligimizda maxsus muhofaza qilinishi lozimligi ko‘rsatilgan.

🔹Shu maʼnoda, Kadastr agentligining Namangan viloyati boshqarmasi hamda uning tuman, shahar bo‘limlari tomonidan joylarda muntazam yer nazorati tadbirlari olib borilib, xalqimizning oziq-ovqat xavfsizligiga xizmat qiladigan sug‘oriladigan qishloq xo‘jaligi yerlarini talon taroj qilish va qishloq xo‘jaligi muomalasidan chiqarish kabi holatlar oldi olinmoqda.

🔹Masalan, Kosonsoy tumanidagi “Katta yer barakasi” F/X tasarrufidagi 71-konturidagi 120 kv.m sug‘oriladigan ekin yer maydonida qurilgan noqonuniy dala shiyponi inspektorlarning tushuntirish ishlari natijasida fermer xo‘jaligi rahbari tomonidan ixtiyoriy bartaraf etildi va natijada yer maydoni qishloq xo‘jaligi muomalasiga qaytarildi.

Matbuot xizmati.
Telegram | Instagram | Facebook

#huquqiy_targibot

Prezident tomonidan imzolangan Qonun bilan Ma’muriy javobgarlik to‘g‘risidagi kodeksga o‘zgartirishlar kiritildi

🔹Qonunga ko‘ra, ma’muriy ishlar bo‘yicha sud qarorlarini qayta ko‘rish bosqichlariga taftish instansiyasi kiritildi.

🔹Tuman, shahar sudlari tomonidan birinchi instansiyada ko‘rilgan ishlar viloyat sudlarida va ularga tenglashtirilgan sudlarda apellyatsiya yoki kassatsiya tartibida, viloyat sudlari va ularga tenglashtirilgan sudlar tomonidan apellyatsiya yoki kassatsiya tartibida ko‘rilgan ishlar Oliy sud Jinoyat ishlari bo‘yicha sudlov hay’atida taftish tartibida qayta ko‘rilishi belgilandi.

🔹Shuningdek, ma’muriy huquqbuzarlik to‘g‘risidagi ish bo‘yicha qaror ustidan apellyatsiya shikoyatini berish muddati 20 kundan 10 kunga qisqartirildi.

🔹Apellyatsiya barcha materiallar kelib tushgandan 15 sutkada apellyatsiya instansiyasi sudi tomonidan ko‘rilishi lozim.

Manba: O‘RQ–884-son, 25.12.2023-y.

Matbuot xizmati.
Telegram | Instagram | Facebook

Yil sarhisobi

🔹Davlat kadastrlari palatasining Namangan viloyati boshqarmasi sho‘ba va bo‘limlari tomonidan 2023-yilda amalga oshirilgan ishlar va kelgusi rejalar haqidagi masʼullarni hisobotlarini taqdim etamiz.

🔹Yil davomida amalga oshirilgan ishlar va kelgusidagi rejalar haqida Davlat kadastrlari palatasining Namangan viloyati boshqarmasi Ko‘chmas mulkka bo‘lgan huquqlarni davlat ro‘yxatidan o‘tkazish bo‘limi bosh mutaxassisi Shokirov Husanboy maʼlumot berdi.

Matbuot xizmati.
Telegram | Instagram | Facebook

#kadastrda_bunyodkorlik_ishlari

Yangi qurilayotgan zamonaviy kadastr binolari  xalqimiz xizmatida

🔹Davlat kadastrlari palatasining Namangan viloyati boshqarmasi tizimidagi 12 ta tuman kadastr filiallarida 2018-yilgacha atigi 2 ta tuman filiali o‘z binosiga ega bo‘lib, qolgan 10 ta tuman filiallarida esa moslashtirilgan hamda ijaradagi binolarda faoliyat olib borilgan.

🔹Xizmat ko‘rsatish ham shunga yarasha yozda issiq, qishda sovuq, xodimlar uchun ham murojaatchilarga ham noqulay binolardagi xonalarda xizmat ko‘rsatilar edi.

🔹Muhtaram Prezidentimiz tomonlaridan sohaga bo‘lgan eʼtiborlari va 2022-yilning 20-oktyabrda qabul qilgan PQ-405-sonli qarorlariga muvofiq 2023-2026-yillarda Kadastr agentligi organlari va tashkilotlarida bino va inshootlarni qurish, rekonstruksiya qilish va mukammal taʼmirlash dasturiga  asosan Namangan viloyatida ham bunyodkorlik ishlari boshlab yuborildi.

🔹Hozirgacha To‘raqo‘rg‘on, Chortoq tumanlar filiallarida yangi binolar qurilib ishga tushirildi. Yangi 2024-yilda esa Norin, Namangan va Kosonsoy tuman filiallari zamonaviy loyihalar asosida qurilish ishlari davom etmoqda.

🔹Biz kadastr tizimda amalga oshirilayotgan bunyodkorlik ishlari bilan tanishish uchun Kosonsoy tumani filiali binosini mukammal taʼmirlash ishlari bilan tanishdik.

Matbuot xizmati.
Telegram | Instagram | Facebook

#huquqiy_targibot #qonunchilikdagi_yangiliklar

YANGI QONUNLARNI O'RGANAMIZ

🇺🇿O‘zbekiston Respublikasining Fuqarolik protsessual kodeksiga o‘zgartirish va qo‘shimchalar kiritish to‘g‘risidagi Qonun qabul qilindi.

Manba: O‘RQ–887-son, 25.12.2023-y.

Matbuot xizmati.
Telegram | Instagram | Facebook

Namangan viloyati bo'yicha 2 450 ta tadbirkorlik uchun yer uchastkalari mulk va ijara huquqi bilan savdoga chiqarildi:

🔹Mingbuloq tumanidan 84 ta (koʼrish)
🔹Kosonsoy tumanidan 207 ta (ko'rish)
🔹Namangan tumanidan 57 ta (koʼrish)
🔹Norin tumandan 88 ta (koʼrish)
🔹Pop tumandan 550 ta (koʼrish)
🔹To'raqo'rg'on tumanidan 223 ta (ko'rish)
🔹Uychi tumanidan 93 ta (ko'rish)
🔹Uchqo'rg'on tumanidan 125 ta (ko'rish)
🔹Chortoq tumanidan 346 ta (ko'rish)
🔹Chust tumanidan 342 ta (ko'rish)
🔹Yangiqo'rg'on tumanidan 243 ta (ko'rish)
🔹Namangan shahridan 92 ta (ko'rish)

Barcha hududlardan yer maydonlari savdoga chiqarildi, endilikda yerlar soni ko'payishda davom etadi.

📞 "E-AUKSION" vakili: 992072612 (soat 09:00 dan 18:00 gacha)

Yer uchastkalarini 2023-yil davomida auksionga taqdim etish statistikasi

🇺🇿Davlat kadastrlari palatasining Namangan viloyati boshqarmasi hamda uning tuman, shahar filiallari tomonidan tadbirkorlik va shaharsozlik faoliyatini amalga oshirish uchun viloyatimizda yer uchastkalarini elektron onlayn auksionga taqdim etish bo‘yicha 2023-yillik statistikani taqdim etamiz:

Namangan viloyati bo‘yicha jami: 1 289 tа lot, 60,4 gektar yer maydoni.

Shundan
🔹Namangan shahridan 109 ta lot 9.9 gektar
🔹Mingbuloq tumanidan 54 ta lot 1,0 gektar
🔹Kosonsoy tumanidan 124 ta lot 2,5 gektar
🔹Namangan tumanidan 59 ta lot 0,3 gektar
🔹Norin tumandan 29 ta lot 0,2 gektar
🔹Pop tumandan 87 ta lot 25,7 gektar
🔹To‘raqo‘rg‘on tumanidan 158 ta lot 6,2 gektar
🔹Uychi tumanidan 83 ta lot 0,2 gektar
🔹Uchqo‘rg‘on tumanidan 76 ta lot 0,35 gektar
🔹Chortoq tumanidan 154 ta lot 1,6 gektar
🔹Chust tumanidan 257 ta lot 11,1 gektar
🔹Yangiqo'rg'on tumanidan 99 ta lot 1,4 gektar

Matbuot xizmati.
Telegram | Instagram | Facebook

#bilishingiz_muhim
#yer_fondi_toifalari

Tarixiy-madaniy ahamiyatga molik yerlar — moddiy madaniy meros obyektlari joylashgan yerlar

🔹Tarixiy-madaniy ahamiyatga molik yerlar jumlasiga tarixiy-madaniy qo‘riqxonalar, memorial bog‘lar, arxeologiya, tarix va madaniyat yodgorliklariga tegishli muassasalar hamda tashkilotlar uchun doimiy foydalanishga berilgan yerlar kiradi va ular alohida muhofaza qilinadi.

🔹Namangan viloyatida 274 ta madaniy meros obyektlari mavjud bo'lib, ular egallagan tarixiy-madaniy ahamiyatga molik yerlarning umumiy maydoni 2,5 ming gektarni tashkil qiladi.

Matbuot xizmati.
Telegram | Instagram | Facebook