NAMANGANLIK MAKTAB O‘QUVCHISI OYIGA 30 MLN SO‘M MIQDORIDA MABLAG‘ TOPMOQDA

Muhammadzohir Isaxonov Namangan shahridagi 1-umumta’lim maktabining 9-sinfida tahsil oladi. Bir vaqtning o‘zida tadbirkorlik bilan ham shug‘ullanayotgan iqtidor egasi 7 ming bosh bedana parvarishi bilan mashg‘ul. Joriy yilning avgust oyida tashkil etilgan parrandachilik fermasidan kuniga 6500 dona tuxum olinadi. Yetishtirilgan tuxumni sotish ham tizimli asosda tashkil etilgan. Har kuni maxsus avtomashina orqali fermadan bedana tuxumi xarid qilinadi. Hozirgi kunda yosh tadbirkor uchta ishchi o‘rni yaratishga erishgan bo‘lib, kunlik daromadi qariyb ikki, oylik sof foydasi esa 30 mln so‘mni tashkil etadi. Muhammadzohir yaqin oylarda o‘z fermasini kengaytirishni hamda ishchilar sonini 20 nafarga yetkazishni rejalashtirmoqda.

Namangan viloyati maktabgacha va maktab ta’limi boshqarmasi Axborot xizmati

Yurtimizda yosh avlodga munosib ta’lim-tarbiya berish, buning uchun ta’lim muassasalarida yetarlicha shart-sharoitlar yaratish masalalariga alohida e’tibor berilmoqda. Viloyat maktabgacha va maktab ta’limi boshqarmasi boshlig’i A’zamjon Isakov tomonidan Davlatobod tumanidagi 42 – umumta’lim maktabida  kuz-qish mavsumiga puxta tayyorgarlik ko‘rish borasida olib borilayotgan ishlar, mavjud muammo va kamchiliklar muhokama etildi. Mutasaddilarga xonalarda issiqlikni saqlash bo‘yicha zarur bo‘lgan qo‘shimcha tadbirlarni amalga oshirish yuzasidan topshiriqlar berildi.

Namangan viloyati maktabgacha va maktab ta'limi boshqarmasi Axborot xizmati

POP TUMANIDA TA’LIM SOHASIDAGI USTUVOR VAZIFALAR IJROSIGA BAGʻISHLANGAN YIGʻILISH BO‘LIB O‘TDI

Unda viloyat MMTB boshlig’i A’zamjon Isakov, tuman hokimi o‘rinbosari Iqboljon Xoliqov, tumandagi barcha maktab va davlat maktabgacha ta’lim tashkilotlari direktorlari ishtirok etdi. Yig’ilishda ta’lim sifati va samaradorlik, o‘quvchilarning fanlarni o‘zlashtirishi, oliy ta’limga qamrov, o‘qituvchilarning o‘z ustida mustaqil ishlashi va izlanishlari hamda tashabbuslari, umuman, natijadorlik bo‘yicha yuqori koeffisiyentga ko‘tarishga erishish masalalariga alohida to‘xtalindi. Shuningdek, tuman maktabgacha va maktab ta’limi bo’limi apparat xodimlari bilan muloqot o’tkazilib, korrupsiyaga qarshi keskin kurashish, har bir xodim oʻz vazifasiga sidqidildan, mas’uliyat bilan yondashib ishlashi kerakligi tushuntirildi. Qonun va me’yoriy-huquqiy hujjatlar talablariga rioya etmagan mas’ullarga nisbatan keskin ravishda javobgarlik masalasi belgilanganligi to'g'risida ogohlantirildi.

Boshqarma Axborot xizmati